Zodiac Signs: వారికి తల్లి కంటే తండ్రితోనే సాన్నిహిత్యం ఎక్కువ.. 12 రాశుల వారు తల్లిదండ్రుల్లో ఎవరితో ఎక్కువ క్లోజ్‌గా ఉంటారంటే..?
Astrology in Telugu: సాధారణంగా జాతక చక్రంలో ఈ రవి, చంద్రులు దుస్థానాలలో అంటే 6, 8, 12 స్థానాలలో ఉన్నప్పుడు తల్లితండ్రులతో సఖ్యత ఉండకపోవడం, విరోధం కలిగి ఉండడం వంటివి జరుగుతాయి. అంతేకాక, ప్రధానంగా వివిధ రాశుల వారు తల్లితండ్రులలో ఎవరితో ఎక్కువగా సాన్నిహిత్యం, ప్రేమ కలిగి ఉండారన్నది రాశులను బట్టి కూడా ఉంటుంది.
జ్యోతిష శాస్త్రం ప్రకారం రవి పితృ కారకుడు. చంద్రుడు మాతృ కారకుడు. తొమ్మిదవ స్థానం తండ్రి స్థానం. నాలుగవ స్థానం తల్లి స్థానం. వీటి స్థితిగతులను బట్టి తల్లితండ్రుల్లో ఎవరితో సాన్నిహిత్యం ఉంటుందో తెలిసే అవకాశం ఉంటుంది. సాధారణంగా జాతక చక్రంలో ఈ రవి, చంద్రులు దుస్థానాలలో అంటే 6, 8, 12 స్థానాలలో ఉన్నప్పుడు తల్లితండ్రులతో సఖ్యత ఉండకపోవడం, విరోధం కలిగి ఉండడం వంటివి జరుగుతాయి. అంతేకాక, ప్రధానంగా వివిధ రాశుల వారు తల్లితండ్రులలో ఎవరితో ఎక్కువగా సాన్నిహిత్యం, ప్రేమ కలిగి ఉండారన్నది రాశులను బట్టి కూడా ఉంటుంది. రాశులను బట్టి వివిధ రాశుల వారు తల్లితండ్రులతో ఎలా ఉంటారన్నది ఇక్కడ పరిశీలిద్దాం. ఇవి స్థూలంగా చెప్పే ఫలితాలు మాత్రమే. జాతక చక్రంలో గ్రహాల స్థితిగతులను బట్టి ఫలితాలు మారే ఉంటుంది.
1 / 13
మేషం: సాధారణంగా ఈ రాశివారికి తండ్రంటే భయం, తల్లంటే ప్రేమ కలిగి ఉంటారు. తండ్రి మూలకంగా ఈ రాశివారికి ధన, కనక, వస్తు, వాహనాలు సమకూరే అవకాశం ఉన్నప్పటికీ, వీరు చివరి వరకూ తల్లినే అంటిపెట్టుకుని ఉండడం జరుగుతుంది. తల్లి ప్రేమను బాగా అనుభవిస్తారు. ఈ రాశివారిలో కోపతాపాలు ఎక్కువగా ఉన్నప్పటికీ, తల్లి కూడా వీరితో ఉండడానికే ఇష్టపడుతుంది. చంద్రుడు లేదా మాతృస్థానాధిపతి దుస్థానగతుడైతే తప్ప మామూలుగా తల్లితోనే వీరికి సాన్నిహిత్యం ఉంటుంది.
2 / 13
వృషభం: ఈ రాశిలో మాతృ కారకుడైన చంద్రుడు ఉచ్ఛత్వం పొందుతాడు. తండ్రి పట్ల భయభక్తులుంటాయే తప్ప సాన్నిహిత్యం ఉండే అవకాశం లేదు. తల్లితో
సాన్నిహిత్యం ఎక్కువగా ఉండే అవకాశముంది. ఈ రాశివారు భవిష్యత్తులో తండ్రి కంటే తల్లి వల్లే ఎక్కువగా ప్రయోజనాలు పొందడం జరుగుతుంది. అయితే,
సాధారణంగా ఈ రాశివారు జీవితాంతం తల్లితండ్రులను గౌరవ మర్యాదలతో చూసుకునే అవకాశం ఉంది. విచిత్రంగా, ఈ రాశివారి మీద తండ్రికి వల్లమాలిన ప్రేమ
ఉంటుంది.
3 / 13
మిథునం: ఈ రాశివారికి తండ్రితో అంతగా సాన్నిహిత్యం ఉండకపోవచ్చు. తల్లితోనూ సాన్నిహిత్యం తక్కువే. సాధారణంగా యుక్త వయసులో లేదా ఉద్యోగ సమయంలో ఈ రాశివారు తల్లితండ్రులకు దూరంగా జీవించే పరిస్థితి ఉంటుంది. తల్లితండ్రులను చూసుకునే అవకాశం ఉండదు. విచిత్రంగా, ఈ రాశివారికి
తల్లితండ్రుల కన్నా తోబుట్టువుల మీద ప్రేమ ఎక్కువగా ఉంటుంది. చాలావరకు అంటీ ముట్టనట్టు ఉండే స్వభావం ఈ రాశివారిది. కొద్దిగా తల్లి మీదే ప్రేమ
ఉండే అవకాశం ఉంది.
4 / 13
కర్కాటకం: ఈ రాశివారికి ఇద్దరూ సమానమే. తల్లితండ్రులిద్దరి మీదా ప్రేమ ఉంటుంది. తండ్రితో కొద్దిగా ఎక్కువగా సాన్నిహిత్యం ఉండే అవకాశం ఉంది. జీవితంలో
ఎక్కడ ఉన్నా, ఏ స్థాయిలో ఉన్నా తల్లితండ్రులిద్దరి మీదా వీరికి దృష్టి ఉంటుంది. తల్లితండ్రుల సుఖ సంతోషాల కోసం వీరు కొన్ని జాగ్రత్తలు తీసుకునే సూచనలు కూడా ఉన్నాయి. తల్లితండ్రులకు కూడా ఈ రాశికి చెందిన పిల్లలపై మమకారం ఎక్కువగా ఉంటుంది. సాధారణంగా వీరు ఒకరిని విడిచి మరొకరు ఉండరు.
5 / 13
సింహం: సాధారణంగా ఈ రాశివారికి తల్లితండ్రులతో పెద్దగా సాన్నిహిత్యం ఉండకపోవచ్చు. కొద్దిగా తండ్రి మీద ప్రేమ ఉండే అవకాశం ఉన్నప్పటికీ, అది కూడా ఎక్కువ కాలం కొనసాగదని చెప్పవచ్చు. దేనికీ తృప్తిపడని తత్వం వల్ల ఈ రాశివారు తల్లితండ్రులతో కొద్దిగా రిజర్వుడుగా ఉండే అవకాశం ఉంది. జాతక చక్రంలో గ్రహాల స్థితిగతులు ఈ విషయంలో అనుకూలంగా ఉండే పక్షంలో పరిస్థితిలో కొద్దిగా మార్పు రావచ్చు. ఎక్కువ కాలం తల్లితండ్రులకు దూరంగా ఉండే అవకాశం ఉంది.
6 / 13
కన్య: ఈ రాశివారికి తల్లితో సాన్నిహిత్యం ఎక్కువగా ఉంటుంది. తండ్రితో ఉదాసీనంగా ఉండడం జరుగుతుంది. భవిష్యత్తులో తల్లి వల్ల ప్రయోజనాలు పొందే అవకాశం
ఉంటుంది. తండ్రి నుంచి ఆశించిన స్థాయిలో సహాయ సహకారాలు అందకపోవచ్చు. విచిత్రంగా, కన్యారాశికి చెందిన పిల్లల మీద తండ్రికి మమకారం ఎక్కువగా
ఉంటుంది. తల్లితో అనుబంధం జీవితాంతం కొనసాగుతుంది. తల్లి వైపు నుంచి సంపద కలిసి వచ్చే అవకాశం ఉంటుంది. తల్లిపట్ట శ్రద్ధ ఎక్కువగా ఉంటుంది.
7 / 13
తుల: ఈ రాశివారికి తల్లితండ్రులిద్దరితో సాన్నిహిత్యం ఉంటుంది. ఒకరిని విడిచి మరొకరు ఉండలేని పరిస్థితి కూడా ఉంటుంది. సాధారణంగా ఈ రాశికి చెందినవారిని తల్లితండ్రులు గారాబంగా చూసు కోవడం జరుగుతుంది. ఈ రాశివారి అభ్యున్నతి కోసం తండ్రి ఎక్కువగా కష్టపడే అవకాశం ఉంటుంది. ఒక వేళ దూర ప్రాంతంలో ఉండాల్సి వచ్చినా తల్లితండ్రులను ఎక్కువ పర్యాయాలు తమ వద్దే ఉంచుకోవడం కూడా జరుగుతుంటుంది. తల్లితండ్రుల పట్ల శ్రధ్ధ ఎక్కువగా కనిపిస్తుంది.
8 / 13
వృశ్చికం: సాధారణంగా తల్లితండ్రులిద్దరితోనూ సాన్నిహిత్యంగా ఉండే అవకాశం ఉండదు. తల్లితండ్రుల విషయంలో ప్రేమగా కంటే బాధ్యతతో వ్యవహరించడం జరుగుతుంది. ఈ రాశికి చెందిన పిల్లల మీద తల్లితండ్రులకు ఎంతో ప్రేమ ఉంటుంది కానీ, ఈ రాశివారికి మాత్రం వారి పట్ల బాధ్యత మాత్రమే ఉంటుంది. యాంత్రికంగా వారికి సేవ చేయడం, వారితో గడపడం వంటివి జరుగుతుం టాయి. ఈ రాశివారి కోపతాపాల వల్ల తల్లితండ్రులే వీరితో రిజర్వుడుగా ఉండే అవకాశం ఉంది.
9 / 13
ధనుస్సు: తల్లితండ్రుల విషయంలో ఈ రాశివారు సాధారణంగా అంటీముట్టనట్టు, ఉదాసీనంగా ఉండడం జరుగుతుంటుంది. ఒక బాధ్యతగా భావించడమే తప్ప అందులో ప్రేమ, అభిమానం, గౌరవ మర్యా దల వంటివి కనిపించకపోవచ్చు. ఎక్కువ కాలం తల్లితండ్రులకు దూరంగా జీవించాల్సిన పరిస్థితి కూడా ఏర్పడుతుంది. అవసర సమయాల్లో తల్లితండ్రులను చూడడానికి రాలేని పరిస్థితి కూడా ఉంటుంది. అయితే, తండ్రి ద్వారా ఈ రాశివారికి వారసత్వ సంపద లభించే అవకాశం ఉంది.
10 / 13
మకరం: ఈ రాశివారికి సాధారణంగా తల్లితండ్రులిద్దరి పట్లా ప్రేమానురాగాలు ఉండడం జరుగుతుంది. తల్లి తండ్రుల విషయంలో ఆదర్శంగా ఉండాలని గరిష్ఠ స్థాయిలో ప్రయత్నించడం కూడా జరుగుతుంది. విచిత్రంగా తల్లితండ్రుల్లో ఒకరికి అటువంటి అభిమానం ఉండే అవకాశం లేదు. ఈ రాశి వారితో ఉదాసీనంగా వ్యవహరించే సూచనలున్నాయి. ఈ రాశి వారిది ఒక రకంగా విచిత్ర మైన పరిస్థితి. ఈ రాశివారుజీవితాంతం తల్లితండ్రులను తప్పకుండా చూసుకోవడం జరుగుతుంది.
11 / 13
కుంభం: ఈ రాశివారికి తల్లితండ్రులిద్దరి మీదా ప్రేమ ఉంటుంది. అయితే, సాన్నిహిత్యం మాత్రం ఉండక పోవచ్చు. ఈ రాశివారికి మనసులోని ప్రేమను వ్యక్తం చేసుకునే అవకాశం ఉండకపోవచ్చు. దూరంగా ఉన్నప్పుడు కనిపించిన ప్రేమ, దగ్గర ఉన్నప్పుడు కనిపించకపోవచ్చు. సాధారణంగా కుంభరాశివారితత్త్వం ఎవరికీ అర్థం కాదు. ఈ కారణంగానే తల్లితండ్రులు కూడా వీరితో రిజర్వుడుగా ఉండే పరిస్థితి ఏర్పడుతుంది. ఈ రాశివారి మీద తల్లికే ప్రేమ ఎక్కువగా ఉండే అవకాశం ఉంది.
12 / 13
మీనం: వీరికి తల్లితండ్రులిద్దరి మీదా ప్రేమ ఎక్కువగా ఉంటుంది. తల్లితండ్రులిద్దరితోనూ సాన్నిహిత్యం ఉంటుంది. వీరి మధ్య స్నేహ సంబంధాలు ఏర్పడతాయి. వయసు తారతమ్యం, పెద్దా చిన్నా తార తమ్యం కూడా ఉండకపోవచ్చు. జీవితాంతం తల్లితండ్రుల నుంచి వీరికి సహాయ సహకారాలు అందుతాయి. సాధారణంగా ఎక్కువ కాలం దూరంగా ఉండే అవకాశం ఉండదు. వీరి మధ్య ఆదర్శ వంతమైన సంబంధాలుంటాయి. వయసుతో పాటే సాన్నిహిత్యం కూడా పెరిగే అవకాశం ఉంటుంది.
