వామ్మో.. తక్కువగా నిద్ర పోతున్నారా.. ఇక మీ పని ఖతమే.. ఆ వ్యాధితోపాటు..
స్విట్జర్లాండ్‌లోని బాసెల్ విశ్వవిద్యాలయానికి చెందిన శాస్త్రవేత్తలు కాలేయ వ్యాధి, నిద్ర చక్రం మధ్య సంబంధాన్ని వివరించారు.. ఫ్రాంటియర్స్ ఇన్ నెట్‌వర్క్ ఫిజియాలజీ జర్నల్‌లో ప్రచురించిన ఈ అధ్యయనం, లివర్ డిసీజ్ (MASLD)తో బాధపడుతున్న రోగుల నిద్ర సాధారణ వ్యక్తుల కంటే గణనీయంగా భిన్నంగా ఉంటుందని మొదటిసారి చూపించింది.
ఉరుకులు పరుగుల జీవితం.. ఎన్నో సమస్యలు.. ఒత్తిడి, అనారోగ్య కరమైన ఆహారం.. ఇలా చాలా మంది సరైన విధంగా నిద్ర పోవడం లేదని పలు అధ్యయనాలు చెబతున్నాయి. అయితే.. ఆరోగ్యంగా ఉండటానికి రోజుకు 7 నుంచి 8 గంటల నిద్ర అవసరం.. అని వైద్య నిపుణులు పేర్కొంటున్నారు. అయినా.. చాలామంది కొన్ని గంటలపాటే నిద్రపోతున్నారు.. సరైన నిద్రలేకపోవడం, నిద్రలేమి, ఫోన్లతో గంటల తరబడి కాలక్షేపం.. ఇలా నిద్రకు దూరం కావడం వల్ల చాలా అనారోగ్య సమస్యలను ఎదుర్కొవాల్సి వస్తుందని నిపుణులు హెచ్చరిస్తున్నారు..
1 / 6
మీ నిద్ర మీ ఆరోగ్యాన్ని కాపాడుతుందని.. నిద్రలేకపోతే.. ముప్పే అంటూ తాజా పరిశోధన ఆశ్చర్యకరమైన గణాంకాలను విడుదల చేసింది.. ఓ నివేదిక ప్రకారం, తీవ్రమైన కాలేయ వ్యాధులు దాదాపు 45% మందిలో నిద్ర (సరైన విధంగా నిద్రపోలేకపోవడం) అలవాట్లకు సంబంధించినవిగా గుర్తించారు.. అసంపూర్ణమైన లేదా పేలవమైన నిద్ర నాణ్యత మీ శక్తి, మానసిక స్థితిని ప్రభావితం చేయడమే కాకుండా, మీ కాలేయంపై కూడా తీవ్రమైన ప్రభావాన్ని చూపుతుందని పరిశోధకులు తెలిపారు.
2 / 6
తక్కువ నిద్ర - తీవ్రమైన కాలేయ వ్యాధి మెటబాలిక్ డిస్ఫంక్షన్-అసోసియేటెడ్ స్టీటోటిక్ లివర్ డిసీజ్ (MASLD) మధ్య ప్రత్యక్ష సంబంధం ఉందని కొత్త పరిశోధన నిరూపించింది. ఇంతకు ముందు దీనిని నాన్ ఆల్కహాలిక్ ఫ్యాటీ లివర్ డిసీజ్ అని పిలిచేవారు. ఇది అత్యంత సాధారణ కాలేయ వ్యాధి.. ఇది ప్రపంచవ్యాప్తంగా 30% పెద్దలు, 7% నుండి 14% మంది పిల్లలు, కౌమారదశలో ఉన్నవారిని ప్రభావితం చేస్తుంది. 2040 నాటికి ఈ సంఖ్య 55% కంటే ఎక్కువ పెద్దలకు చేరుతుందని నిపుణులు అంచనా వేస్తున్నారు.
3 / 6
స్విట్జర్లాండ్‌లోని బాసెల్ విశ్వవిద్యాలయానికి చెందిన శాస్త్రవేత్తలు కాలేయ వ్యాధి, నిద్ర చక్రం మధ్య సంబంధాన్ని వివరించారు.. ఫ్రాంటియర్స్ ఇన్ నెట్‌వర్క్ ఫిజియాలజీ జర్నల్‌లో ప్రచురించిన ఈ అధ్యయనం, లివర్ డిసీజ్ (MASLD)తో బాధపడుతున్న రోగుల నిద్ర సాధారణ వ్యక్తుల కంటే గణనీయంగా భిన్నంగా ఉంటుందని మొదటిసారి చూపించింది. పరిశోధన ప్రకారం, MASLD రోగులు రాత్రిపూట 55% ఎక్కువగా మేల్కొంటారు.. మొదటి సారి నిద్రపోయిన తర్వాత సగటున 113% ఎక్కువసేపు మెలకువగా ఉంటారు. అదనంగా, ఈ రోగులు పగటిపూట ఎక్కువసేపు నిద్రపోతారు. తరచుగా నిద్రలో అంతరాయాలు, మేల్కొలుపు పెరగడం వల్ల ఈ వ్యాధి ఉన్నవారు "స్లీప్ ఫ్రాగ్మెంటేషన్" బారిన పడుతున్నారని పరిశోధకులు కనుగొన్నారు.
4 / 6
అధ్యయనంలో MASLD, MASH (స్టీటోహెపటైటిస్) లేదా సిర్రోసిస్ వంటి పరిస్థితులు ఉన్న 46 మంది వయోజన పురుషులు, మహిళలు ఉన్నారు. వారిని 16 మంది ఆరోగ్యవంతమైన పెద్దలు, 8 మంది వ్యక్తులు నాన్-మాష్-సంబంధిత సిర్రోసిస్‌తో పోల్చారు. పాల్గొనే వారందరికీ ఆక్టిగ్రాఫ్ అనే పరికరం అమర్చారు.. ఇది శారీరక శ్రమ, కాంతి, శరీర ఉష్ణోగ్రతను ట్రాక్ చేస్తుంది.
5 / 6
MASLD - MASHతో సంబంధం ఉన్న రోగుల నిద్ర నాణ్యత సాధారణ వ్యక్తుల కంటే చాలా అధ్వాన్నంగా ఉందని అధ్యయనం ఫలితాలు చూపించాయి. అదనంగా, 32% MASLD రోగులు మానసిక ఒత్తిడి కారణంగా నిద్రపోవడానికి ఇబ్బంది పడుతున్నారని నివేదించారు. అయితే, ఈ సమస్య కేవలం 6% ఆరోగ్యకరమైన పాల్గొనేవారిలో మాత్రమే కనిపించింది. నిపుణుల అభిప్రాయం ప్రకారం.. MASLD వ్యాధి పుట్టుక నిద్ర లేకపోవడం కీలక పాత్ర పోషిస్తుంది. MASLD నిద్ర సమస్యలను కలిగిస్తుందా లేదా దీనికి విరుద్ధంగా, ఊబకాయం, మెటబాలిక్ సిండ్రోమ్, జన్యుశాస్త్రం, రోగనిరోధక ప్రతిస్పందన ప్రధాన కారణాలు కావచ్చు.. అంటూ పరిశోధకులు వివరించారు. (నోట్‌: ఇందులోని అంశాలు కేవలం అవగాహన కోసం మాత్రమే. పలు వార్తా కథనాలు, నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే ఆరోగ్య నిపుణులను సంప్రదించండి.)
