శ్రీ రంగనాథస్వామి ఆలయాన్ని సందర్శించిన అనంతరం ప్రధాని నరేంద్ర మోదీ.. తమిళ కవి కంబార్ రచించిన 12వ శతాబ్దపు ఇతిహాసం 'కంబరామాయణం'లోని పద్యాలను విన్నారు. 'కంబరామాయణం' రామాయణ ఇతిహాసాల్లో ఇదొకటి. కవి కంబర్ తన రామాయణాన్ని మొదట శ్రీ రంగనాథస్వామి ఆలయంలో బహిరంగంగా సమర్పించి ప్రజల హృదయాలను గెలుచుకున్నాడని చెబుతుంటారు.
అయోధ్య శ్రీ రామమందిర ప్రాణ ప్రతిష్ఠ మహోత్సవానికి ముందు ప్రధానమంత్రి నరేంద్రమోదీ పవిత్ర పుణ్య క్షేత్రాలను సందర్శిస్తున్నారు. దీనిలో భాగంగా తమిళనాడులోని శ్రీరంగానికి చేరుకున్న ప్రధాని మోదీ.. రంగనాథస్వామి ఆలయాన్ని సందర్శించారు. సంప్రదాయ వస్త్రాల్లో రంగనాథ స్వామి వారిని దర్శించుకున్న ప్రధాని మోదీ.. స్వామి వారికి ప్రత్యేక పూజలు చేశారు. ఈ సందర్భంగా ప్రధాని మోదీకి శ్రీరంగం పీఠాధిపతి, అర్చకులు ఘన స్వాగతం పలికారు. అయోధ్యలోని శ్రీ బాలరామునికి అలంకరించేందుకు పట్టువస్త్రాలు సైతం అందజేశారు.
1 / 7
శ్రీ రంగనాథస్వామి ఆలయాన్ని సందర్శించిన అనంతరం ప్రధాని నరేంద్ర మోదీ.. తమిళ కవి కంబార్ రచించిన 12వ శతాబ్దపు ఇతిహాసం 'కంబరామాయణం'లోని పద్యాలను విన్నారు. 'కంబరామాయణం' రామాయణ ఇతిహాసాల్లో ఇదొకటి. కవి కంబర్ తన రామాయణాన్ని మొదట శ్రీ రంగనాథస్వామి ఆలయంలో బహిరంగంగా సమర్పించి ప్రజల హృదయాలను గెలుచుకున్నాడని చెబుతుంటారు. నేటికీ, ఆ సందర్భాన్ని గుర్తుచేసుకోవడానికి ఆలయంలో 'కంబ రామాయణ మంటపం ఉంది. తమిళ రామాయణాన్ని కంబా మొదట పాడిన ప్రదేశంలోనే ప్రధాని కూర్చుని రామాయణాన్ని విన్నారు.
2 / 7
ఆలయ ప్రాంగణంలోని 'ఆండాళ్' అనే ఏనుగుకు ప్రధాని మోదీ ఆహారం తినిపించారు. అనంతరం ఆండాళ్ నుంచి ఆశీర్వాదం కూడా తీసుకున్నారు. ఈ సందర్భంగా ఆలయ ప్రాంగణంలో కొంత సేపు గడిపిన మోదీ .. ఆలయ విశిష్టతలను తెలుసుకున్నారు.
3 / 7
కాగా.. అంతకుముందు తిరుచిరాపల్లికి చేరుకున్న ప్రధానికి మోదీకి దారి పొడవునా భారీ సంఖ్యలో ప్రజలు ఘన స్వాగతం పలికారు. ప్రధానమంత్రి తన వాహనంపై నుంచి వారికి అభివాదం చేస్తూ.. ఆలయానికి చేరుకున్నారు. ప్రధాని రాకను తెలియజేస్తూ ఆలయ పూజారులు రోడ్డుపై సంస్కృతంలో రాసి స్వాగత నినాదాలతో స్వాగతం పలికారు.
4 / 7
దేశంలోని అత్యంత పురాతన ఆలయ సముదాయాలలో ఒకటైన రంగనాథ ఆలయానికి రాముడితో లోతైన అనుబంధం ఉంది. శ్రీరంగంలో పూజించబడే దైవం శ్రీ రంగనాథ స్వామి, విష్ణువు శయన రూపం. పురాణాల ప్రకారం, శ్రీరంగం ఆలయంలోని విగ్రహాన్ని మొదట రాముడు, అతని పూర్వీకులు పూజించారు. దీనిని బ్రహ్మదేవుడు రాముని పూర్వీకులకు అందించాడు.
5 / 7
అయితే, ఒకసారి విభీషణుడు అయోధ్యకు వచ్చిన క్రమంలో శ్రీరాముని నుంచి విలువైన బహుమతిని కోరినప్పుడు శ్రీరంగనాథ స్వరూపంలో ఉండే ఒక విగ్రహాన్ని ఇచ్చి పూజించమని చెప్పినట్లు తెలుస్తోంది. అలా ఆ విగ్రహాన్ని తీసుకొని విభీషణుడు లంకకు వెళ్తున్న క్రమంలో ఈ విగ్రహం తమిళనాడులోని శ్రీరంగం అనే ప్రాంతంలో ప్రతిష్ఠించినట్లు అనేక గ్రంధాలు, ఇతిహాసలు మనకు చెబుతున్నాయి.
6 / 7
అయోధ్య రామమందిర ప్రాణ ప్రతిష్ఠ మహోత్సవానికి ముందు ప్రధానమంత్రి నరేంద్రమోదీ 11 రోజుల పాటు కఠోరమైన ఉపవాస దీక్షను చేపట్టారు. అంతేకాకుండా పలు పవిత్ర పుణ్య క్షేత్రాలను సందర్శిస్తూ.. ఆధ్యాత్మిక చింతనలో గడుపుతున్నారు.
