మెడ నల్లగా మారిందా..? ఈ వంటింటి పదార్థాలతో ఇలా చేస్తే ఈజీగా తగ్గిపోతుంది..!
అందంగా కనిపించాలని ప్రతి ఒక్కరూ కోరుకుంటారు. అందుకోసం నిత్యం ఎన్నో జాగ్రత్తలు తీసుకుంటూ ఉంటారు. ఈ క్రమంలోనే కొంత మంది మహిళల్లో డార్క్ నెక్ సమస్య తీవ్రంగా ఉంటుంది. మెడపై ఏర్పడిన నలుపుదనాన్ని ఎలా తగ్గించుకోవాలో తెలియక వారంతా సతమతమవుతూ ఉంటారు. అలాంటి వారికోసమే కొన్ని బెస్ట్ హోమ్ రెమిడీస్ ఇక్కడ తెలుసుకుందాం..
మెడ చుట్టూ ఏర్పడిన నలుపుదనాన్ని పోగొట్టడంలో టమాటా చాలా ఎఫెక్టివ్గా పనిచేస్తుందని నిపుణులు చెబుతున్నారు. ఇందుకోసం ఒక చిన్న బౌల్ తీసుకొని అందులో కొద్దిగా టమటా రసం, కొన్ని చుక్కల నిమ్మరసం, కాస్త తేనె వేసి బాగా మిక్స్ చేసుకోవాలి. ఆపై ఈ మిశ్రమాన్ని మెడకు అప్లై చేయాలి. అరగంట పాటు అలాగే ఉంచి ఆ తర్వాత చల్లటి నీటితో కడుక్కోవాలి. ఫలితంగా స్కిన్కి మంచి పోషణ లభిస్తుంది. చర్మాన్ని మృదువుగా చేస్తుంది.
1 / 5
అలాగే, మెడ చుట్టూ నల్లగా మారిన ప్రదేశాన్ని తిరిగి అందంగా మార్చుకోవటానికి కీరాదోస కూడా అద్భుతంగా పనిచేస్తుంది. దీనికోసం ఒక చిన్న సైజ్ కీరాను తీసుకొని జాగ్రత్తగా తురుముకోవాలి. ఆ తురుముతో నల్లగా మారిన మెడ భాగంలో పావుగంట పాటు స్మూత్‌గా మసాజ్ చేసుకోవాలి. అనంతరం గోరువెచ్చని నీటితో కడిగేసుకోవాలి. తరచూ ఇలా చేస్తూ ఉంటే మంచి ఫలితం ఉంటుంది. కీరాదోస మంచి క్లెన్సర్లా పనిచేసి మెడ చర్మంపై పేరుకున్న మురికిని పోగొట్టడమే కాకుండా.. అవసరమైన తేమను కూడా అందిస్తుంది. దీంతో స్కిన్ని నిగనిగలాడేలా చేస్తుంది.
2 / 5
మెడచుట్టూ పేరుకుపోయిన నలుపును తగ్గించుకోవడానికి బొప్పాయిని కూడా ఉపయోగించవచ్చు. ఇందుకోసం బొప్పాయిని పేస్టులా చేయాలి. అందులోనే రోజ్ వాటర్, కొద్దిగా పెరుగు కలుపుకోవాలి.. దీనిని ప్యాక్‌లా చేసి మెడకి పూర్తిగా అప్లై చేసుకోవాలి. ఇది కాస్తా ఆరిన తర్వాత నీటితో క్లీన్ చేయండి. దీని వల్ల మెడ ప్రాంతం చక్కగా మెరుస్తుంది.
3 / 5
డార్క్ నెక్ సమస్యను తొలగించడంలో బంగాళదుంప కూడా అద్భుతంగా పనిచేస్తుంది. ఇందుకోసం ఒక బంగాళదుంపను పొట్టు తీసి మెత్తగా చేసుకోవాలి. ఆపై దానికి కాస్త నిమ్మరసం యాడ్ చేసుకొని కలుపుకోవాలి. తర్వాత ఆ మిశ్రమాన్ని సమస్య ఉన్న చోట అప్లై చేసుకోవాలి. పావుగంట పాటు అలాగే ఉంచి ఆపై చల్లని నీటితో శుభ్రం చేసుకోవాలి.
4 / 5
మెడ నలుపును తరిమికొట్టేందుకు ఓట్స్ కూడా బెస్ట్ రెమిడీ అంటున్నారు నిపుణులు. ఓట్స్‌లో యాంటీ ఆక్సిడెంట్ గుణాలు ఉంటాయి. ఇవి స్కిన్ని క్లెన్స్ చేస్తాయి. దీని కోసం ఓట్స్‌లో పెరుగు కలపి కాసేపు నానబెట్టాలి. ఈ ఓట్స్ మెత్తగా మారుతాయి. ఇప్పుడు దానిని మెడ చుట్టూ రాయాలి. ఆరిన తర్వాత చక్కగా క్లీన్ చేయాలి. ఇలా చేయడం వల్ల మెడ భాగంలో నలుపు తగ్గుతుంది.
