Straw Side Effects: కొబ్బరి నీళ్లు, కూల్‌ డ్రింక్‌ తాగేందుకు ప్లాస్టిక్ స్ట్రా వినియోగిస్తున్నారా? ఒక్క నిమిషం ఆలోచించండి..
కొబ్బరి నీళ్లు, జ్యూస్, శీతల పానీయాలు.. ఏదైనా సరే స్ట్రాతో తాగితే ఈ మజానే వేరు. కోవిడ్ తర్వాత చాలా మంది బయటకు రెస్టారెంట్లకు వెళ్లి ఏదైనా తాగవల్సి వస్తే.. తప్పనిసరిగా స్ట్రా ద్వారా తాగుతున్నారు. మీరు అవలంబిస్తున్న ఈ పద్దతి అస్సలు ఆరోగ్యానికి మంచిదేనా? అనే విషయం ఎప్పుడైనా ఆలోచించారా? ప్రతిరోజూ ఈ విధంగా స్ట్రా ఉపయోగించడం వల్ల మీకు తెలియకుండానే మీ శరీరానికి హాని కలుగుతోందంటున్నారు ఆరోగ్య నిపుణులు. ..
కొబ్బరి నీళ్లు, జ్యూస్, శీతల పానీయాలు.. ఏదైనా సరే స్ట్రాతో తాగితే ఈ మజానే వేరు. కోవిడ్ తర్వాత చాలా మంది బయటకు రెస్టారెంట్లకు వెళ్లి ఏదైనా తాగవల్సి వస్తే.. తప్పనిసరిగా స్ట్రా ద్వారా తాగుతున్నారు. మీరు అవలంబిస్తున్న ఈ పద్దతి అస్సలు ఆరోగ్యానికి మంచిదేనా? అనే విషయం ఎప్పుడైనా ఆలోచించారా? ప్రతిరోజూ ఈ విధంగా స్ట్రా ఉపయోగించడం వల్ల మీకు తెలియకుండానే మీ శరీరానికి హాని కలుగుతోందంటున్నారు ఆరోగ్య నిపుణులు.
1 / 5
స్ట్రా ద్వారా పానియాలు తీసుకోవడం వల్ల గ్యాస్ట్రిక్ సమస్యలు పెరుగుతాయి. నిజానికి స్ట్రా ద్వారా తాగినప్పుడు, కడుపులోని అదనపు గాలి వెళ్లిపోతుంది. ఫలితంగా గ్యాస్ట్రిక్ సమస్యలు ఉన్నవారికి గ్యాస్ట్రిక్ సమస్య మరింత తీవ్రతరం అవుతుంది. జీర్ణ సమస్యలు కూడా రావచ్చు.
2 / 5
స్ట్రా ఉపయోగించడం వల్ల, దాని ప్రభావం చర్మంపై కూడా పడుతుంది. నోటి కండరాలు త్రాగిన ప్రతిసారీ అదనపు ఒత్తిడికి లోనవుతాయి. ఈ ఒత్తిడి క్రమం తప్పకుండా కొనసాగితే ముఖంపై ముడతలు ఏర్పడతాయి. మీ వయస్సు ఎంతైనా.. చిన్న తనంలోనే పెద్దవారిగా కనిపిస్తారు.కంటైనర్ నోటితో తాగడం వల్ల ప్రతి సిప్‌తో దంతాలు, నోటిలో ఉండే బ్యాక్టీరియా పెరగకుండా ఎప్పటికప్పుడు శుభ్రం అవుతుంది. అదే.. స్ట్రా ద్వారా తీపి లేదా శీతల పానీయాలను క్రమం తప్పకుండా తీసుకోవడం నోటి కుహరంపై ప్రభావం చూపుతుంది. దంతాలు, నోటి లోపల కొన్ని ప్రదేశాలలో చక్కెర పేరుకుపోవడం వల్ల కొంత కాలం తర్వాత దంత క్షయం సంభవించవచ్చు.
3 / 5
నేటి కాలంలో పేపర్ స్ట్రాలు చాలా తక్కువ ఉపయోగిస్తున్నారు. చాలా చోట్ల ప్లాస్టిక్ స్ట్రాలనే వాడుతారు. తత్ఫలితంగా వీటి ద్వారా పానియాలు సేవించేటప్పుడు ప్లాస్టిక్‌లోని సూక్ష్మ కణాలు పానీయంలో కలిసే ప్రమాదం ఉంది. ఇది చాలా ప్రమాదకరమైనది.
4 / 5
ప్లాస్టిక్‌లోని అతి చిన్న కణాలు శరీరంలోకి ప్రవేశించి.. అక్కడి నుంచి కడుపులోకి ప్రవేశించి ప్రతిరోజూ కొద్దికొద్దిగా రక్తంలో కలిసిపోతాయి. భవిష్యత్తులో ఇది ఏదైనా తీవ్రమైన వ్యాధికి కారణం కావచ్చు. ఈ కారణంగానే నీటిని నిల్వ చేయడానికి ప్లాస్టిక్ బాటిళ్ల వాడకాన్ని తగ్గించాలని నిపుణులు సిఫార్సు చేస్తున్నారు.
