Health Benefits of Curd : రోజూ పెరుగు తింటున్నారా..? శరీరానికి ఏమవుతుందో తెలిస్తే..
రోజూ పెరుగు తీసుకుంటే పుష్కలమైన ఆరోగ్య ప్రయోజనాలు పొందుతారని పోషకాహార నిపుణులు చెబుతున్నారు. పెరుగులో ప్రోటీన్స్, కాల్షియం, విటమిన్లు, మినరల్స్ ఇలా శరీరానికి అవసరమైన పోషకాలు ఎన్నో ఉన్నాయి. ఇవన్నీ కూడా ఎముకలకి చాలా మంచిది. అంతేకాదు కొలెస్ట్రాల్ లెవల్ తగ్గి బీపీ కంట్రోల్‌లోకి వస్తుంది. ఫలితంగా శరీరంలో రోగ నిరోధకవ్యవస్థ బలపడుతుంది. కొన్నిఅధ్యయనాల ప్రకారం హైపర్ టెన్షన్ లాంటి సమస్యలు ఉన్న వారు నేచురల్ రెమెడీగా పెరుగును వాడతారట. పెరుగును సరైన మోతాదులో ప్రతిరోజూ తీసుకోవడం వల్ల బరువు తగ్గి, చక్కటి ఫిట్‌నెస్ సాధిస్తారు. పోషక విలువలు కారణంగానే ఆహార పదార్థాల్లో పెరుగుకు ఇంత ప్రాధాన్యం.
బరువు తగ్గాలనుకునేవారు పెరుగును క్రమం తప్పకుండా తీసుకోవాలంటున్నారు పోషకాహార నిపుణులు. దీంట్లో శరీర బరువును నియంత్రణలో ఉంచడానికి సరిపడే మోతాదులో కాల్షియం ఉండటమే కాకుండా ఒబెసిటీ రాకుండా రక్షిస్తుంది.. కాల్షియం కార్టిసాల్ ఏర్పడడాన్ని అడ్డుకుని బరువు పెరగకుండా చేస్తుంది. పెరుగులో ఉండే కాల్షియం, పాస్పరస్‌లు ఎముకల బలానికి ఉపయోగపడతాయి.
1 / 5
పళ్లు, ఎముకల బలంగా ఉండేందుకు కచ్చితంగా అవసరమైన కాల్షియం పెరుగు నుంచి దొరుకుతుంది. రెగ్యులర్గా పెరుగును తీసుకోవడం వల్ల ఎముకల లంగా తయారై ఆర్థరైటిస్, ఆస్టియోపోరోసిస్ రాకుండా కాపాడతాయి. మలబద్దకం, డయేరియా, ఉబ్బరం లాంటివి లేకుండా చేసేందుకు పెరుగు కీలకం. జీర్ణక్రియ వేగవంతం చేసి ఆహారంలోని పోషకాలను శరీరానికి వేగవంతంగా అందేలా చేస్తుంది పెరుగు.
2 / 5
చర్మ సంరక్షణలో కూడా పెరుగు బాగా ఉపయోగపడుతుంది. చర్మానికి పోషకాలను అందించి కాంతి వంతంగా, ఆరోగ్యవంతంగా మారుస్తుంది. ఇందులో ఉండే విటమిన్ ఈ, జింక్ చర్మాన్ని సహజంగానే కాపాడుతాయి. దీంతోపాటుగా జుట్టు ఆరోగ్యానికి కూడా పెరుగు మంచిది. పెరుగులో ఉండే లాక్టిక్ యాసిడ్ జుట్టు కుదుళ్లకు న్యూట్రియంట్లు, మినరల్స్ అందించి డాండ్రఫ్‌ను అరికడుతుంది. పెరుగు హెయిర్ కండీషనర్గా కూడా ఉపయోగపడుతుంది. హెన్నాతో కలిపి తలకు పెట్టుకోవడం వల్ల జుట్లు రాలడం తగ్గుతుంది.
3 / 5
రోజూ పెరుగు తినటం వల్ల కొలెస్ట్రాల్ స్థాయిలను తగ్గించి గుండెను ఆరోగ్యంగా ఉంచుతుంది. ధమనులను శుభ్రం చేసి రక్త సరఫరా సాఫీగా అయ్యేందుకు సహకరిస్తుంది. గుండె జబ్బులు రాకుండా అడ్డుకుంటుంది. శరీరానికి సరిపడా శక్తి, సామర్థ్యాన్ని పెంచి మెటబాలిజాన్ని మెరుగు చేస్తుంది. ఫలితంగా రోగ నిరోధక శక్తి పెరుగుతుంది.
4 / 5
కొన్ని పరిశోధనల ప్రకారం పెరుగు ప్రశాంతతో పాటు ఎమోషనల్ కానివ్వకుండా మెదడును సిద్ధం చేస్తుంది. ఒత్తిడిని తగ్గించి యాంగ్జైటీ రాకుండా చేస్తుంది. బ్రెయిన్ హెల్త్ కోసం ఇది నేచురల్ రెమెడీ కూడా. చాలా వరకు కూడా నోటి ద్వారా వ్యాపించే జబ్బులు బ్యాక్టీరియా వల్లనే కలుగుతాయి. పెరుగులో ఉండే మంచి బ్యాక్టీరియా ఇతర బ్యాక్టీరియాలను శరీరంలోకి రానివ్వకుండా అడ్డుకుంటుంది.
