IPL 2024: లక్నోను వీడనున్న కేఎల్ రాహుల్? ఆ వివాదంపై కీలక వ్యాఖ్యలు చేసిన కోచ్..
IPL 2024: ఇప్పుడు, సంఘటన జరిగిన వారం తర్వాత, లక్నో సూపర్‌జెయింట్స్ అసిస్టెంట్ కోచ్ లాన్స్ క్లూసెనర్ ప్రస్తుత పరిణామాలపై తన మౌనాన్ని వీడారు. నిజానికి ఈ ఘటన తర్వాత రాహుల్‌ని నాయకత్వం నుంచి తప్పించే అవకాశం ఉందనే వార్తలు వచ్చాయి. దీనిపై ఆయన మాట్లాడుతూ.. ఈ అంశంపై ఎలాంటి చర్చ జరగలేదన్నారు.
గతవారం సన్‌రైజర్స్ హైదరాబాద్‌తో జరిగిన మ్యాచ్‌లో లక్నో సూపర్‌జెయింట్స్ 10 వికెట్ల తేడాతో ఘోర పరాజయాన్ని చవిచూసింది. ఆ తర్వాత లక్నో యజమాని సంజీవ్ గోయెంకా.. కెప్టెన్ కేఎల్ రాహుల్‌పై ఆగ్రహం వ్యక్తం చేస్తూ.. బహిరంగంగానే తన అసంతృప్తిని వ్యక్తం చేశాడు.
1 / 6
దీని వీడియో సోషల్ మీడియాలో వైరల్‌గా మారింది. దీనిపై వివాదం కూడా చెలరేగింది. అదేవిధంగా రాహుల్‌కు మద్దతు ఇస్తూ గోయెంకా ప్రవర్తనను కొందరు మాజీ ఆటగాళ్లు విమర్శించారు. అలాగే అభిమానులు రాహుల్‌ను లక్నో టీమ్‌ను విడిచిపెట్టాలని అభ్యర్థించారు.
2 / 6
ఇప్పుడు, సంఘటన జరిగిన వారం తర్వాత, లక్నో సూపర్‌జెయింట్స్ అసిస్టెంట్ కోచ్ లాన్స్ క్లూసెనర్ ప్రస్తుత పరిణామాలపై తన మౌనాన్ని వీడారు. నిజానికి ఈ ఘటన తర్వాత రాహుల్‌ని నాయకత్వం నుంచి తప్పించే అవకాశం ఉందనే వార్తలు వచ్చాయి. దీనిపై ఆయన మాట్లాడుతూ.. ఈ అంశంపై ఎలాంటి చర్చ జరగలేదన్నారు.
3 / 6
ఢిల్లీ క్యాపిటల్స్‌తో మ్యాచ్‌కు ముందు విలేకరుల సమావేశంలో ఆయన మాట్లాడుతూ, ఇద్దరు క్రికెట్ ప్రేమికుల మధ్య ఈ చర్చలో ఎటువంటి సమస్య లేదని అన్నారు. మేం జట్టులో ఇలాంటి సంభాషణలను ఇష్టపడతాం. ఇది జట్ల పనితీరును మెరుగుపరుస్తుంది. ఇది మాకు పెద్ద సమస్య కాదు అంటూ చెప్పుకొచ్చాడు.
4 / 6
రాహుల్ పరుగుల లేమి గురించి మాట్లాడుతూ, 'రాహుల్‌కు తనదైన ప్రత్యేక శైలి ఉంది. అది అతన్ని గొప్ప క్రికెటర్‌గా మార్చింది. ఈ ఐపీఎల్ అతనికి కష్టమైంది. ఎందుకంటే మా జట్టు ప్రతి మ్యాచ్‌లో నిరంతరం వికెట్లు కోల్పోతుండడంతో స్వేచ్ఛగా ఆడే అవకాశం రాలేదు.
5 / 6
రాహుల్ ఈ ఎడిషన్‌లో ఒకటి లేదా రెండు సెంచరీలు సాధించాలనుకున్నాడు. కానీ, జట్టు పేలవ ప్రదర్శన కారణంగా అది జరగలేదు. అతను త్వరలో పెద్ద ఇన్నింగ్స్ ఆడతానని ఆశిస్తున్నాను అంటూ చాలా కాలంగా ఉన్న అనేక పుకార్లను కొట్టిపారేశాడు.
