IPL 2024: ఐపీఎల్ చరిత్రలో టైటిల్ గెలవలే.. కట్‌చేస్తే.. చెన్నై, ముంబై‌లకు సాధ్యంకాని రికార్డులను చీల్చి చెండాడిన పంజాబ్ కింగ్స్..
IPL 2024: ఐపీఎల్‌లో ఒకటి కంటే ఎక్కువసార్లు ఐపీఎల్ టైటిల్స్ గెలిచిన చెన్నై సూపర్ కింగ్స్, ముంబై ఇండియన్స్ ఇప్పటి వరకు ఐపీఎల్‌లో పంజాబ్ కింగ్స్ సాధించిన విజయాన్ని సాధించలేకపోయాయి. ఈ లిస్టులో పంజాబ్ కింగ్స్ జట్టు ఎన్నో రికార్డులను తన ఖాతాలో వేసుకుంది.
ఐపీఎల్ తొలి సీజన్ నుంచి పంజాబ్ కింగ్స్ జట్టు ఆడుతోంది. ఈ జట్టును మొదట కింగ్స్ ఎలెవన్ పంజాబ్ అని పిలిచేవారు. గత 16 సీజన్లలో పంజాబ్ జట్టు ఒక్కసారి కూడా ఐపీఎల్ టైటిల్ నెగ్గలేకపోయింది. 2014లోనే ఫైనల్‌కు చేరిన పంజాబ్.. కేకేఆర్‌ చేతిలో ఓడి టైటిల్‌ను కోల్పోయింది.
1 / 7
ఐపీఎల్‌లో పంజాబ్ కింగ్స్ టీమ్‌ సాధించిన విజయాన్ని చాలాసార్లు ఐపీఎల్ టైటిల్స్ నెగ్గిన చెన్నై సూపర్ కింగ్స్, ముంబై ఇండియన్స్ కూడా సాధించలేకపోయాయి.
2 / 7
నిజానికి నిన్న అహ్మదాబాద్‌లోని నరేంద్ర మోడీ స్టేడియంలో గుజరాత్ టైటాన్స్‌తో జరిగిన మ్యాచ్‌లో పంజాబ్ జట్టు 200 పరుగుల భారీ లక్ష్యాన్ని ఛేదించింది.
3 / 7
గుజరాత్ జట్టు ఇచ్చిన 200 పరుగుల లక్ష్యాన్ని ఛేదించిన పంజాబ్ కింగ్స్ ఐపీఎల్‌లో ఆరోసారి 200 పరుగులకుపైగా లక్ష్యాన్ని ఛేదించింది. 2010 సీజన్‌లో మహేల జయవర్ధనే సెంచరీతో కేకేఆర్‌పై తొలిసారిగా పంజాబ్ 201 పరుగుల లక్ష్యాన్ని విజయవంతంగా ఛేదించింది.
4 / 7
ఆ తర్వాత 2014లో హైదరాబాద్‌పై 206 పరుగులు, 2014లో చెన్నై సూపర్ కింగ్స్‌పై, 2022లో ఆర్‌సీబీపై 206 పరుగుల లక్ష్యాన్ని ఛేదించి విజయం సాధించింది. గత సీజన్‌లో చెన్నై జట్టు నిర్దేశించిన 201 పరుగుల లక్ష్యాన్ని విజయవంతంగా ఛేదించింది.
5 / 7
టీ20 క్రికెట్‌లో నాలుగు జట్లు 200 పరుగుల లక్ష్యాన్ని 5 సార్లు ఛేదించాయి. అందులో 5 సార్లు ఐపీఎల్ ఛాంపియన్ ముంబై ఇండియన్స్ 200 లేదా అంతకంటే ఎక్కువ పరుగుల లక్ష్యాన్ని 5 సార్లు సాధించింది. గత సీజన్‌లోనే ముంబై మూడు సార్లు 200కు పైగా ఛేజింగ్ చేసి విజయం సాధించింది.
6 / 7
ఇది కాకుండా అంతర్జాతీయ క్రికెట్‌లో టీమిండియా, ఆస్ట్రేలియా జట్లు 200 లేదా అంతకంటే ఎక్కువ పరుగుల లక్ష్యాన్ని 5 సార్లు ఛేదించి మ్యాచ్‌ను గెలుచుకున్నాయి.
