Tollywood: ఆహాలో సందడి చేస్తున్న సామజవరగమనా.. మరిన్ని టాలీవుడ్ ఇంట్రెస్టింగ్ అప్‌డేట్స్‌
శ్రీ విష్ణు హీరోగా వచ్చిన సామజవరగమనా ఎలాంటి విజయాన్ని అందుకుందో ప్రత్యేకంగా చెప్పాల్సిన పనిలేదు. చిన్న సినిమాగా వచ్చి భారీ విజయాన్ని సొంతం చేసుకుంది. మంచి కలెక్షన్లను రాబట్టిన ఈ సినిమా ఇప్పుడు ఓటీటీలో సందడి చేస్తోంది. ఈ లేటెస్ట్ అప్‌డేట్‌తో పాటు టాలీవుడ్‌లో ఉన్న లేటెస్ట్ అప్‌డేట్స్‌, క్రేజీ సినిమా ముచ్చట్లకు సంబంధించిన వార్త కథనాలు ఇప్పుడు చూద్దాం..
రొమాంటిక్ పెదకాపు.. విరాట్ కర్ణ, ప్రగతి శ్రీ వాత్సవ జంటగా శ్రీకాంత్ అడ్డాల తెరకెక్కిస్తున్న సినిమా పెదకాపు. ఇందులో మొదటి భాగం త్వరలోనే విడుదల కానుంది. తాజాగా ఈ సినిమా నుంచి చనువుగా చూసిన అంటూ సాగే లిరికల్ సాంగ్ విడుదలైంది. అఖండ నిర్మాత మిర్యాల రవీందర్ రెడ్డి దీన్ని నిర్మిస్తున్నారు. ఆగస్ట్ 18న విడుదల కానుంది పెదకాపు పార్ట్ 1. దీన్ని మూడు భాగాలుగా ప్లాన్ చేస్తున్నారు శ్రీకాంత్ అడ్డాల.
1 / 5
ఆహాలో సామజవరగమనా.. శ్రీ విష్ణు హీరోగా నటించిన సామజవరగమన చిత్రం థియేటర్లలో మంచి విజయం సాధించింది. రామ్ అబ్బరాజు దర్శకత్వంలో తక్కువ బడ్జెట్‍తో తెరకెక్కిన ఈ సినిమా ప్రేక్షకులను కడుపుబ్బా నవ్వించింది. అంతేకాదు.. అంచనాలు లేకుండా వచ్చి ఏకంగా రూ.50 కోట్లకుపైగా కలెక్షన్లను సాధించింది. తాజాగా ఈ సినిమాను ప్రకటించిన తేదీ కంటే ఒకరోజు ముందుగానే ఆహాలో స్ట్రీమింగ్‌కు ఇచ్చారు.
2 / 5
భోళా శంకర్ ఫుల్ మీల్స్‌.. భోళా శంకర్ ట్రైలర్‌కు అదిరిపోయే రెస్పాన్స్ వస్తుంది. చిరు ఇమేజ్‌కు తగ్గట్లు ఈ సినిమాను తెరకెక్కిస్తున్నారు మెహర్ రమేష్. నో ఎక్స్‌పర్మెంట్స్.. ఓన్లీ ఎంటర్టైన్మెంట్ అనే పంథాలోనే వెళ్ళారని ట్రైలర్ చూస్తుంటేనే అర్థమవుతుంది. కాస్త కామెడీ.. కొన్ని డాన్సులు.. ఫుల్ మాస్.. అన్నీ కలిపితే భోళా శంకర్. ముఖ్యంగా చిరు లుక్‌తో పాటు.. కామెడీ కూడా ఈ సినిమాలో హైలైట్ కానుంది. ట్రైలర్‌లో రాజశేఖర్‌ ఇమిటేషన్ సీన్‌తో పాటు.. రామ్ చరణ్, పవన్‌ను కూడా వాడేసారు చిరంజీవి.
3 / 5
హ్యాపీ బర్త్ డే ధనుష్.. చాలా కాలంగా వార్తల్లోనే ఉన్న ధనుష్, శేఖర్ కమ్ముల సినిమా ఎట్టకేలకు తెరపైకి వచ్చింది. ఈ సినిమాను అధికారికంగా ప్రకటించారు మేకర్స్. జులై 28న ధనుష్ పుట్టిన రోజు సందర్భంగా ఈ చిత్ర అనౌన్స్‌మెంట్ పోస్టర్ విడుదలైంది. అలాగే దీంతో పాటు కెప్టెన్ మిల్లర్ టీజర్ విడుదలైంది. AAA సినిమాస్‌లో ఈ టీజర్ లాంఛ్ వేడుక జరిగింది.
4 / 5
మాధవే మధుసూధన.. తేజ బొమ్మ దేవర, రిషిక లోక్రే జంటగా చంద్ర తెరకెక్కిస్తున్న సినిమా మాధవే మాధుసూదన. ఇప్పటికే విడుదలైన ఫస్ట్ లుక్‌కు మంచి రెస్పాన్స్ వచ్చింది. తాజాగా ఈ చిత్ర టీజర్ రిలీజ్ వేడుక జరిగింది. మా ప్రెసిడెంట్ మంచు విష్ణు ఈ సినిమా టీజర్‌ను విడుదల చేసారు. టీజర్ అంతా ఫ్యామిలీ ఎమోషన్స్‌తో నిండిపోయింది. సినిమా త్వరలోనే విడుదల కానుంది.
