Kalki 2898 AD: కల్కి రికార్డుల మోత.. పాన్ వరల్డ్ లో సత్తా చూపిస్తున్న మూవీ..
మోస్ట్ అవెయిటెడ్ కల్కి 2898 ఏడీ ఆడియన్స్ ముందుకు వచ్చేసింది. ముందు నుంచి ఊహించినట్టుగానే బ్లాక్ బస్టర్ టాక్‌తో దూసుకుపోతోంది. అదే జోరులో పాత రికార్డుల దుమ్ము దులుపుతోంది ఈ మూవీ. బాహుబలి తరువాత ఆ రేంజ్‌ హిట్ కోసం ఎదురుచూస్తున్న డార్లింగ్ ఫ్యాన్స్‌ ఈ సక్సెస్‌ను గ్రాండ్‌గా సెలబ్రేట్ చేసుకుంటున్నారు.
ఇండియాస్ బిగ్గెస్ట్ మూవీగా ఆడియన్స్ ముందుకు వచ్చిన కల్కి 2898 ఏడీ డే వన్ అదే రేంజ్‌లో పెర్ఫామ్ చేసింది. బెనిఫిట్ షోస్ నుంచే సూపర్ పాజిటివ్ టాక్ రావటంతో తొలి రోజు భారీ వసూళ్లు సాధించింది ఈ మూవీ. తొలి రోజు నేషనల్ లెవల్‌లో 95 కోట్ల నెట్ సాధించినట్టుగా అంచనా వేస్తున్నారు విశ్లేషకులు.
1 / 5
తొలి రోజు సాధించిన నెట్ విషయంలో నాలుగో స్థానంలో నిలిచింది కల్కి. డే వన్ అత్యధిక నెట్ సాధించిన సినిమాల లిస్ట్‌లో 133 కోట్లతో ట్రిపులార్‌ ఫస్ట్ ప్లేస్‌లో ఉంది. 121 కోట్లతో బాహుబలి 2 రెండో స్థానంలో, 116 కోట్లతో కేజీఎఫ్‌ 2 మూడో స్థానంలో ఉన్నాయి. ఇన్నాళ్లు 90 కోట్లతో సలార్‌ నాలుగో స్థానంలో ఉండగా తాజాగా 95 కోట్ల నెట్‌తో కల్కి ఆ ప్లేస్‌ను ఆక్యుపై చేసింది.
2 / 5
కేవలం తెలుగు వర్షనే 64 కోట్లకు పైగా వసూళ్లు సాధించగా, తమిళ్‌లో 4 కోట్లు, హిందీలో 24 కోట్లు, మళయాలంలో 2.2 కోట్ల వరకు వసూళ్లు వచ్చాయి. ఓవరాల్‌గా ప్రభాస్ కెరీర్‌లో ఇండియాలో రెండో హైయ్యస్ట్ ఓపెనర్‌గా... ఓవర్‌సీస్‌లో ఫస్ట్ హయ్యస్ట్‌ ఓపెనర్‌గా నిలిచింది కల్కి 2898 ఏడీ.
3 / 5
ఓవర్‌సీస్‌లో మాత్రం అన్ని సినిమాల రికార్డ్స్‌ను బ్రేక్ చేసింది కల్కి 2898 ఏడీ. నార్త్ అమెరికాలో కేవలం ప్రీమియర్‌ షోస్‌తోనే 3.8 మిలియన్ డాలర్ల వసూళ్లు సాధించి, ఈ ఘనత సాధించిన తొలి ఇండియన్ సినిమాగా రికార్డ్ సృష్టించింది. శుక్రవారం, శనివారం కూడా భారీ వసూళ్లు సాధించే దిశగా దూసుకుపోతోంది కల్కి. ఇప్పటికి $9 మిలియన్ డాలర్లకు పైగా వసూళ్లు అందుకుంది.
4 / 5
రెండు రోజుల్లో ప్రపంచవ్యాప్తంగా 298.5 కోట్లు గ్రాస్ వసూళ్లు చేసింది. ఆ తరువాత ఆదివారం మరోసారి బాక్సాఫీస్ షేక్ అవ్వటం ఖాయం అని భావిస్తున్నారు. ఇవన్నీ చూసుకుంటే ఫస్ట్ వీకెండ్‌కి కల్కి ఆల్‌ టైమ్ రికార్డ్ సెట్ చేయటం ఖాయం అంటున్నారు విశ్లేషకులు.
