Movie Sequels: టాలీవుడ్ లో సీక్వెల్స్ దండయాత్ర.. ఇంతకీ ఏంటా సీక్వెల్స్..?
తెలుగు ఇండస్ట్రీలో సీక్వెల్స్ దండయాత్ర సాగుతుంది. ఒక్కటి రెండూ కాదు.. రాబోయే రెండేళ్లలో కొత్త సినిమాల కంటే సీక్వెల్సే ఎక్కువగా రాబోతున్నాయి. అసలు కథ రాసుకునేటప్పుడే పార్ట్ 2కు కూడా ముహూర్తం పెట్టేస్తున్నారు మన దర్శకులు. బిజినెస్ కూడా డబుల్ అవుతుంది కదా అని అంతా ఆ సీక్వెల్స్ వైపే అడుగులేస్తున్నారు. ఇంతకీ ఏంటా సీక్వెల్స్..? ఇదే ఇవాల్టి ఎక్స్‌క్లూజివ్..
ఒకప్పుడు సీక్వెల్ అనే మాట వింటే చాలు మన నిర్మాతలకు గుండెల్లో రైళ్లు పరిగెట్టేవి. దానికి కారణం కూడా లేకపోలేదు. శంకర్ దాదా జిందాబాద్, గాయం 2, సర్దార్ గబ్బర్ సింగ్, కిక్ 2, నాగవల్లి, ఆర్య 2.. ఇలా ఒకటా రెండా కొన్నేళ్ల వరకు సీక్వెల్స్ అన్నీ ఫ్లాపులే.
1 / 5
కానీ బాహుబలి 2 తర్వాత ఆ సెంటిమెంట్ మారింది. కార్తికేయ 2, బంగార్రాజు, ఎఫ్ 3 లాంటి సినిమాలకు మంచి అప్లాజ్ వచ్చింది. ఆ విజయాల తర్వాత టాలీవుడ్‌లో సీక్వెల్స్ ట్రెండ్ మరింత ఎక్కవైపోయింది. పాత కథలకు కొనసాగింపు చేస్తున్నారు దర్శకులు. అలా చేస్తే.. ప్రాజెక్ట్‌పై అంచనాలు పెంచాల్సిన పనే లేదు.. ముందు సినిమానే అన్నీ చూసుకుంటుంది.
2 / 5
అది హిట్టైతే ఆ క్రేజ్ దీనికి హెల్ప్ అవుతుంది. పుష్ప 2నే దీనికి బెస్ట్ ఎగ్జాంపుల్. పుష్ప రేంజ్ 350 కోట్లు అయితే.. సీక్వెల్ స్థాయి 1000 కోట్లకు చేరిపోయింది. అదీ సీక్వెల్‌కు ఉన్న అడ్వాంటేజ్.పుష్ప 2 మార్కెట్ హిందీలోనే ఎక్కువగా ఉందిప్పుడు.
3 / 5
ఇదొక్కటే కాదు.. డిజే టిల్లు సీక్వెల్‌పై క్రేజ్ మామూలుగా లేదు. సాధారణంగా సిద్ధూ జొన్నలగడ్డ సినిమాలపై ఉండే అంచనాల కంటే టిల్లు స్క్వేర్‌పై రెండింతలు క్రేజ్ పెరిగింది. ఫ్లాపుల్లో ఉన్న పూరీ జగన్నాథ్ కూడా సీక్వెల్‌నే నమ్ముకున్నారు. ఇస్మార్ట్ శంకర్‌కు సీక్వెల్‌గా డబుల్ ఇస్మార్ట్ తెరకెక్కిస్తున్నారీయన.
4 / 5
గూడచారితో అదరగొట్టిన అడివి శేష్.. త్వరలోనే గూడఛారి 2తో రానున్నారు. ఇక సలార్ పార్ట్ 2 కూడా 2025లో రాబోతుంది. దానికితోడు ప్రశాంత్ వర్మ సైతం హనుమాన్ సీక్వెల్ జై హనుమాన్‌ను అనౌన్స్ చేసారు. దేవరను రెండు భాగాలుగా తెరకెక్కిస్తున్నారు కొరటాల శివ. ప్రతినిథి 2తో రీ ఎంట్రీకి సిద్ధమవుతున్నారు నారా రోహిత్. రాజ రాజ చోరకు సీక్వెల్‌గా స్వాగ్ అనే సినిమా చేస్తున్నారు శ్రీ విష్ణు. ఎటు చూసినా సీక్వెల్సే కనిపిస్తున్నాయిప్పుడు.
