World Health Day 2022: ప్రభుత్వ చౌకైన ఆరోగ్య సేవలు.. పేద,మధ్యతరగతి ప్రజల పొదుపును పెంచాయిః ప్రధాని నరేంద్ర మోదీ

World Health day 2022: ప్రభుత్వ చౌకైన ఆరోగ్య సేవలు పేద,మధ్యతరగతి ప్రజల పొదుపును పెంచాయని ప్రపంచ ఆరోగ్య దినోత్సవం సందర్భంగా ప్రధాని నరేంద్ర మోదీ(PM Narendra Modi) అన్నారు. మారుతున్న కాలానుగుణంగా వైద్యరంగంలో అనేక మార్పులు వచ్చాయన్నారు. గత 8 ఏళ్లలో వైద్య విద్యారంగంలో వేగంగా అనేక విప్లవాత్మక మార్పులు తీసుకువచ్చామన్నారు. కొత్త మెడికల్ కాలేజీలు ప్రారంభమయ్యాయి. స్థానిక భాషల్లో వైద్య విద్యను ప్రారంభించేందుకు కేంద్ర ప్రభుత్వం చేస్తున్న ప్రయత్నాలు అసంఖ్యాక యువత ఆకాంక్షలకు రెక్కలు వస్తాయన్నారు.

ప్రపంచ ఆరోగ్య దినోత్సవాన్ని పురస్కరించుకుని ప్రధాని నరేంద్ర మోదీ గురువారం వరుస ట్వీట్లు చేస్తూ ప్రతి ఒక్కరికీ ఆరోగ్యం కావాలని ఆకాంక్షించారు. సరసమైన ఆరోగ్య సంరక్షణపై మా దృష్టి పేద, మరియు మధ్యతరగతి వర్గాలపైనే ఉంటుందని ప్రధాని మోదీ స్పష్టం చేశారు. అదే సమయంలో, దేశంలోని ఆరోగ్య రంగాన్ని మెరుగుపరచడానికి ప్రభుత్వం అవిశ్రాంతంగా కృషి చేస్తోందని గుర్తు చేశారు. ముఖ్యంగా ప్రపంచాన్రని వణికించిన కరోనా మమ్మారి నియంత్రణలో ప్రపంచ దేశాలకు భారత్ ఆదర్శంగా నిలిచిందన్నారు.

ప్రపంచ ఆరోగ్య దినోత్సవం సందర్భంగా ప్రధాని నరేంద్ర మోదీ నాలుగు ట్వీట్లు చేశారు. ప్రపంచ ఆరోగ్య దినోత్సవాన్ని పురస్కరించుకుని శుభాకాంక్షలు తెలిపారు. ప్రతి ఒక్కరూ మంచి ఆరోగ్యం, మంచి శ్రేయస్సుతో ఉండాలన్నారు. ఈ రోజు ఆరోగ్య రంగానికి సంబంధించిన ప్రజలందరికీ కృతజ్ఞతలు తెలిపే రోజు కూడా. మన భూమిని సురక్షితంగా ఉంచింది వైద్యుల కృషి వల్లే అని పేర్కొన్నారు.’ప్రధానమంత్రి జన్ ఔషధి వంటి పథకాల లబ్ధిదారులతో ఇంటరాక్ట్ అయినందుకు సంతోషంగా ఉన్నానన్నారు. సరసమైన ఆరోగ్య సంరక్షణపై మా దృష్టి పేద, మధ్యతరగతి వారికి గణనీయమైన పొదుపును అందించింది. అదే సమయంలో, సంపూర్ణ ఆరోగ్యాన్ని మరింత ప్రోత్సహించడానికి ఆయుష్ నెట్‌వర్క్‌ను నిరంతరం బలోపేతం చేస్తున్నామని ప్రధాని మోదీ స్పష్టం చేశారు.

కేంద్రంలో అధికారంలోకి వచ్చిన తర్వాత వైద్యరంగంలో వచ్చిన మార్పుల గురించి ప్రధాని నరేంద్ర మోదీ ప్రస్తావిస్తూ.. గత 8 ఏళ్లలో వైద్య విద్యారంగంలో వేగంగా మార్పులు చోటుచేసుకున్నాయి. అనేక కొత్త మెడికల్ కాలేజీలు ప్రారంభమయ్యాయి. స్థానిక భాషల్లో వైద్య విద్యను ప్రారంభించేందుకు మా ప్రభుత్వం చేస్తున్న ప్రయత్నాలు అసంఖ్యాక యువత ఆకాంక్షలకు రెక్కలు వస్తాయన్నారు.

దేశంలో ఆరోగ్య మౌలిక సదుపాయాల మెరుగుదల గురించి పేర్కొంటూ, దేశంలోని ఆరోగ్య మౌలిక సదుపాయాలను మెరుగుపరచడానికి భారత ప్రభుత్వం అవిశ్రాంతంగా కృషి చేస్తోందని అన్నారు. మన పౌరులకు మంచి నాణ్యత మరియు సరసమైన ఆరోగ్య సంరక్షణను అందించడంపై దృష్టి కేంద్రీకరించబడింది. ప్రపంచంలోనే అతిపెద్ద ఆరోగ్య పథకమైన ఆయుష్మాన్ భారత్‌కు మన దేశం నిలయమని ప్రతి భారతీయుడు గర్విస్తున్నాడని పేర్కొన్నారు.

आरोग्यं परमं भाग्यं स्वास्थ्यं सर्वार्थसाधनम्॥

Greetings on World Health Day. May everyone be blessed with good health and wellness. Today is also a day to express gratitude to all those associated with the health sector. It is their hardwork that has kept our planet protected.

— Narendra Modi (@narendramodi) April 7, 2022

కాగా, ప్రపంచ ఆరోగ్య దినోత్సవాన్ని ప్రతి సంవత్సరం ఏప్రిల్ 7న ప్రపంచవ్యాప్తంగా జరుపుకుంటారు. ఐక్యరాజ్యసమితి 1948 ఏప్రిల్ 7న ప్రపంచ ఆరోగ్య సంస్థను స్థాపించింది. ప్రపంచ దేశాల ఆరోగ్య సమస్యలను పరిష్కరించడానికి పరస్పర సహకారం మరియు ప్రమాణాలను అభివృద్ధి చేసే బాధ్యతను ప్రపంచ ఆరోగ్య సంస్థ చేపడుతుంది. ప్రపంచ ఆరోగ్య సంస్థలో ప్రపంచంలోని చాలా దేశాలు సభ్యులుగా ఉన్నాయి. ఐక్యరాజ్యసమితికి అనుబంధ విభాగం ప్రధాన కార్యాలయం స్విట్జర్లాండ్‌లోని జెనీవా నగరంలో ఉంది. ఈ రోజును ప్రపంచవ్యాప్తంగా అంతర్జాతీయ ఆరోగ్య దినోత్సవంగా జరుపుకుంటారు.

ఇదిలావుండగా, ప్రపంచ ఆరోగ్య సంస్థ బుధవారం విడుదల చేసిన నివేదికలో, వరుసగా రెండవ వారం, ప్రపంచవ్యాప్తంగా కరోనా వైరస్ సంక్రమణ కేసులు తగ్గుదల నమోదయ్యాయి. గత వారం కూడా అంటువ్యాధి కారణంగా మరణాల సంఖ్య తగ్గిందని WHO తెలిపింది. కోవిడ్ 19 మహమ్మారిపై WHO యొక్క తాజా నివేదిక ఒక వారంలో 9 మిలియన్ల ఇన్‌ఫెక్షన్ కేసులు నమోదయ్యాయని, ఇది మునుపటి వారంతో పోలిస్తే 16 శాతం తక్కువ. ప్రపంచంలోని ప్రతి ప్రాంతంలో ఇన్ఫెక్షన్ కేసులు తగ్గుముఖం పట్టాయని ఐక్యరాజ్యసమితి ఆరోగ్య సంస్థ తెలిపింది.

Read Also…  AP Cabinet: ఇవాళ ఏపీ కేబినెట్ చివరి భేటీ.. సమావేశ అనంతరం మంత్రుల మూకుమ్మడి రాజీనామా?