ఇంటి యజమాని కూతురితో పారిపోయి భార్యాభర్తలు.. పోలీసులు వెళ్ళేసరికి ముగ్గురూ ఈ స్థితిలో..!

ఉత్తరప్రదేశ్‌లోని కాన్పూర్‌లో ఒక షాకింగ్ సంఘటన వెలుగులోకి వచ్చింది. ఇక్కడ, అద్దె ఇంట్లో నివసిస్తున్న ఒక మహిళ ఇంటి యజమాని మైనర్ కుమార్తెను మోసగించింది. ఆమెతో పారిపోయి తన సొంత భర్తతో వివాహం జరిపించింది. ఇంటి యజమాని ఫిర్యాదు మేరకు, పోలీసులు వారిని ఫరీదాబాద్‌లో పట్టుకున్నారు. పోలీసులు వారి దాక్కున్న ప్రదేశానికి చేరుకున్నప్పుడు, ముగ్గురూ ఒకే గదిలో అభ్యంతరకరమైన స్థితిలో కనిపించారు. పోలీసులు నిందితులైన జంటను అరెస్టు చేసి జైలుకు పంపారు. మెజిస్ట్రేట్ ముందు వాంగ్మూలం నమోదు చేసిన తర్వాత మైనర్ బాలికను ఆమె కుటుంబ సభ్యులకు అప్పగించారు.

ఈ సంఘటన ఫిబ్రవరి 24 రాత్రి కాన్పూర్‌లోని గోవింద్‌నగర్ పోలీస్ స్టేషన్ ప్రాంతంలో జరిగింది. ఆ మైనర్ బాలిక వయస్సు 15 సంవత్సరాలు. ఇంటి యజమాని అయిన ఆమె తండ్రి ఒక ఉపాధ్యాయుడుగా విధులు నిర్వహిస్తున్నాడు. నిందితులైన దంపతులు కొంతకాలం క్రితం అతని ఇంట్లో అద్దెకు నివసించడానికి వచ్చారు. ఆ జంట ఇంటికి మారిన వెంటనే ఇంటి యజమాని కుమార్తెను మోసం చేసి ముగ్గులోకి దింపారు. ముందుగా, ఆ అమ్మాయిని తమ గదికి పిలిపించుకునేవారు. ఇద్దరూ ఆమెతో చాలా సేపు మాట్లాడేవారు. పోలీసులకు ఇచ్చిన ఫిర్యాదులో, బాలిక తండ్రి మొదట్లో పట్టించుకోలేదని, కానీ తరువాత అనుమానం వచ్చి తన కుమార్తెను తన గదిలోకి వెళ్లకుండా ఆపానని చెప్పాడు.

దీని తరువాత, నిందితులు తన కుమార్తెను మోసం చేసి ఆమెతో పారిపోయారు. వెళ్ళేటప్పుడు, మైనర్ బాలిక ఇంట్లో నుండి నగదు, నగలను కూడా తీసుకెళ్లింది. బాధితురాలి తండ్రి తన కూతురి కోసం చాలా వెతికానని, కానీ ఎలాంటి ఆధారాలు దొరకకపోవడంతో పోలీసులకు ఫిర్యాదు చేశానని చెప్పారు. దీని తరువాత, పోలీసులు రంగంలోకి ఎలక్ట్రానిక్ నిఘా ద్వారా వారిని అనుసరించి ఫరీదాబాద్‌లోని ఒక ఇంటి నుండి నిందితుల జంటను అరెస్టు చేశారు. పోలీసులు తెలిపిన వివరాల ప్రకారం, పోలీసులు నిందితుల ఉన్న ప్రాంతానికి చేరుకున్నప్పుడు, నిందితులైన దంపతులు, మైనర్ బాలిక ఒకే గదిలో ఉన్నారు. అభ్యంతరకరమైన స్థితిలో ఉన్నట్లు గుర్తించారు. దీంతో ముగ్గురిని అదుపులోకి తీసుకుని కాన్పూర్‌కు తరలించారు పోలీసులు.

పోలీసులు నిందితురాలు మహిళను విచారించగా, ఆమె గత సంవత్సరం తన భర్తతో ప్రేమ వివాహం చేసుకున్నట్లు చెప్పింది. ఆ సమయంలో ఆమె కూడా మైనరే. నిజానికి, ఆమె భర్త మైనర్ బాలికలను ఇష్టపడతాడని తెలిపింది. ఆమె ఇంటి యజమాని కుమార్తెను తన భర్తతో వివాహం చేసుకోమని ఒప్పించింది. దీంతో ఆమెకు సహ భార్య అయ్యింది. మరోవైపు, పోలీసుల విచారణలో, నిందితులు ఇద్దరు తనను ఇంటి నుండి పారిపోవడానికి ఉసిగొల్పినట్లు మైనర్ బాలిక చెప్పింది. వారి సూచనల మేరకు, డబ్బు, నగలు తీసుకొని ఇంటి నుండి పారిపోయినట్లు పోలీసులకు వివరించింది. దీని తరువాత ఒక ఆలయంలో వివాహం జరిగినట్లు తెలిపింది. ఎట్టకేలకు మైనర్ బాబు కథ అడ్డం తిరిగి పోలీస్ ఊచలు లెక్కపెట్టాల్సి వచ్చింది.

మరిన్ని క్రైమ్ వార్తల కోసం ఇక్కడ క్లిక్ చేయండి..