యూపీలో ఇద్దరు అల్ ఖైదా ఉగ్రవాదుల అరెస్ట్..’వాళ్ళు మానవ బాంబులే.’.పోలీసుల వెల్లడి

యూపీ రాజధాని లక్నోలోని కాకోరీ ప్రాంతంలో ఇద్దరు ఉగ్రవాదులను పోలీసులు అరెస్ట్ చేశారు. మానవ బాంబులుగా వీరు శిక్షణ పొందినట్టు తెలిసిందని పోలీసు అధికారి ప్రశాంత్ కుమార్ తెలిపారు. ఆల్ ఖైదా అనుబంధ సంస్థ అయిన అన్సార్ గజ్వాట్ ఉల్-హింద్ తో వీరికి సంబంధాలు ఉన్నాయని ఆయన చెప్పారు. ఓ ఇంట్లో అనుమానాస్పదంగా ఏడుగురు వ్యక్తులు ఉన్నట్టు తమకు అందిన సమాచారంతో యాంటీ టెర్రరిజం స్క్వాడ్ ఈ ఉదయం ఆ ఇంటిపై దాడి చేయగా అయిదుగురు పారిపోయారని, ఇద్దరు పట్టుబడ్డారని ఆయన చెప్పారు. వీరిని ఈ ఉగ్రవాద సంస్థకు చెందిన మసీరుద్దీన్, మిన్ హాజ్ గా గుర్తించారన్నారు. వీరి నుంచి రెండు లైవ్ (ప్రెషర్ కుకర్) బాంబులు, డిటొనేటర్, 6 నుంచి ఏడు కిలోల పేలుడు పదార్థాలను స్వాధీనం చేసుకున్నట్టు ఆయన వెల్లడించారు.యూపీలో భారీ దాడులకు పాల్పడాలన్నది వీరి లక్ష్యమని తెలిసిందని ప్రశాంత్ కుమార్ వెల్లడించారు.

పైగా బీజేపీకి చెందిన ఓ ఎంపీని, మరికొందరు నేతలను వీరు తమ టార్గెట్ గా చేసుకున్నారని ఆయన పేర్కొన్నారు. అటు- వీరి అరెస్టుతో రాష్ట్రంలోని సీతాపూర్, బారాబంకీ, ఉన్నావ్, రాయ్ బరేలీ తదితర జిల్లాల్లో హైఅలెర్ట్ ప్రకటించారు.. పారిపోయిన మిగతా అయిదుగురికోసం పోలీసులు గాలిస్తున్నారు. వీరు ఆశ్రయం పొందిన ఇంటి యజమాని ఈ రైడ్ జరగడానికి కొద్దిసేపటికి ముందు కొన్ని డాక్యుమెంట్లను కాల్చివేశాడని తెలుస్తోంది. అతడిని కూడా అదుపులోకి తీసుకుని పోలీసులు ప్రశిస్తున్నట్టు సమాచారం.అటు పట్టుబడిన టెర్రరిస్టులకు కాశ్మీర్ మిలిటెంట్లతో సైతం సంబంధాలు ఉన్నట్టు భావిస్తున్నారు.

మరిన్ని ఇక్కడ చూడండి: Poison Garden: ప్రపంచంలోనే డేంజర్ గార్డెన్.. ప్రాణాలు హరించే విషం వెదజల్లే మొక్కలు ఎక్కడున్నాయో తెలుసా

Telangana Corona Cases: తెలంగాణలో కొత్తగా 465 కరోనా కేసులు.. యాక్టివ్ కేసులు మరణాల సంఖ్య ఇలా