Good News: రైతులకు గుడ్ న్యూస్.. వరికి మద్దతు ధర ప్రకటించిన మోడీ సర్కర్
కేంద్ర వ్యవసాయ శాఖ మంత్రి నరేంద్ర సింగ్ తోమర్ ఈ విషయాన్ని ప్రకటించారు. తాజాగా వరి మద్దతు ధరను రూ.72 పెంచుతూ కేంద్ర కేబినెట్ నిర్ణయం తీసుకుంది.
Updated on: Jun 09, 2021 | 5:26 PM
రైతులకు మోదీ సర్కార్ తీపికబురు చెప్పింది. కనీస మద్దతు ధరను పెంచుతూ కేంద్ర ప్రభుత్వం కీలక నిర్ణయం తీసుకుంది. కేంద్ర వ్యవసాయ శాఖ మంత్రి నరేంద్ర సింగ్ తోమర్ ఈ విషయాన్ని ప్రకటించారు. తాజాగా వరి మద్దతు ధరను రూ.72 పెంచుతూ కేంద్ర కేబినెట్ నిర్ణయం తీసుకుంది. దీంతో క్వింటాల్ ధర రూ.1940కు చేరింది. 2021-22 ఆర్థిక సంవత్సరపు ఖరీఫ్ పంటలకు ఇది వర్తిస్తుంది.
గత ఏడాది మద్దతు ధర క్వింటాల్కు రూ.1868 వద్ద ఉండేది. ప్రధాని నరేంద్ర మోడీ అధ్యక్షతన జరిగిన కేంద్ర కేబినెట్ మీటింగ్లో ఈ నిర్ణయం తీసుకున్నారు. కేంద్ర ప్రభుత్వం రైతుల దగ్గరి నుంచి ధాన్యాన్ని కొనుగోలు చేసే రేటునే కనీస మద్దతు ధర ( MSP) అని పిలుస్తారు. అంటే ప్రభుత్వం ఈ రేటుతో అన్నదాతల నుంచి వరి ధాన్యాన్ని కొనుగోలు చేస్తుంది.
ఇక నువ్వుల మద్దతు ధర క్వింటాల్కు 452 రూపాయలను పెంచామని, మినుములు క్వింటాలుకు 300 రూపాయలకు పెంచుతూ కేంద్ర కేబినెట్ నిర్ణయించింది.
ఇవి కూడా చదవండి : AP CM Jagan Delhi Tour: సీఎం జగన్ ఢిల్లీ పర్యటన ఖరారు.. అమిత్ షాతో ప్రత్యేక భేటీ..
