కుప్పకూలిన డైనోసార్.. పర్యాటకులకు తప్పిన ముప్పు

గుజరాత్‌లో ప్రతిష్టాత్మక సర్దార్ వల్లభాయ్ పటేల్ విగ్రహం( స్టాట్యూ ఆఫ్ యూనిటీ) వద్ద నిర్మించిన 30 అడుగుల భారీ డైనోసార్ విగ్రహం కుప్పకూలింది. అక్కడికి వచ్చే పర్యాటకుల్ని విశేషంగా ఆకర్షించిన ఈ డైనోసార్ విగ్రహం నెలరోజుల్లోనే కుప్పకూలిపోవడంపై ప్రభుత్వంపై విమర్శలు వెల్లువెత్తుతున్నాయి.

పటేల్ విగ్రహాన్ని నిర్మించడానికి దాదాపు రూ. 4 వేల కోట్లు ఖర్చపెట్టగా ఈ డైనోసార్ విగ్రహాన్ని నిర్మించేందుకు రూ.2 కోట్లు ఖర్చుచేశారు. ఈ ప్రమాదంలో ఎవరికీ ప్రాణాపాయం సంభవించలేదని అధికారులు తెలిపారు. అయితే ఎంతో ప్రతిష్టాత్మకంగా నెలకొల్పిన పటేల్ విగ్రహం వద్దకు వచ్చే పర్యాటకుల్ని ఈ డైనోసార్ విశేషంగా ఆకర్షించింది. ప్రస్తుతం ఇది కూలిపోడానికి గల కారణాలపై అధికారులు ఆరా తీస్తున్నారు.