PM Kisan: ఆన్‌లైన్‌లో పీఎం కిసాన్ సమ్మాన్ నిధి లబ్ధిదారుల జాబితా.. చెక్ చేసుకోండిలా..!

PM Kisan: ప్రధానమంత్రి కిసాన్ సమ్మాన్ నిధి 9వ విడత డబ్బులు నిన్న (సోమవారం ఆగస్టు 9) పీఎం మోడీ విడుదల చేసిన విషయం తెలిసిందే. ఇప్పటికే రైతుల ఖాతాల్లోకి సొమ్ములు జమ అయిపోయాయి. అయితే, ఈ సొమ్ములు తమ ఖాతాలోకి జమ అయ్యాయా లేదా ఎలా తెలుసుకోవాలనే సందేహాలు చాలా మందిలో ఉన్నాయి. అందుకే మీకోసం ఇక్కడ కిసాన్ సమ్మాన్ నిధి లబ్ధిదారులను ఎలా తెలుసుకోవాలి అనే అంశంపై పూర్తి వివరాలు అందిస్తున్నాం. ఈ వివరాలతో రైతులు ఇంట్లో కూర్చొని పీఎం కిసాన్ సమ్మాన్ నిధి లబ్ధిదారుల స్థితిని ఆన్‌లైన్‌లో తనిఖీ చేయవచ్చు.

ఆన్‌లైన్‌లో పీఎం కిసాన్ సమ్మాన్ నిధి లబ్ధిదారుల జాబితా తనిఖీ ఇలా..

• పీఎం కిసాన్ సమ్మాన్ నిధి లబ్ధిదారుల జాబితాను తనిఖీ చేయడానికి, మీరు అధికారిక వెబ్‌సైట్‌కి వెళ్లాలి.
• మీరు పేజీలోకి వచ్చిన తర్వాత, మీరు “పీఎం కిసాన్ కింద లబ్ధిదారుల జాబితా” విభాగానికి వెళ్లాలి.
• ఇక్కడ ఈ వివరాలను నమోదు చేయండి – రాష్ట్రం పేరు, జిల్లా పేరు, ఉప జిల్లా, బ్లాక్ పేరు, గ్రామం.
• ఈ పైన పేర్కొన్న వివరాలను నమోదు చేసిన తర్వాత, మీరు “నివేదిక పొందండి” పై క్లిక్ చేయాలి.

పీఎం సమ్మాన్ కిసాన్ స్థితి తనిఖీ ఇలా..

• మీరు పీఎం కిసాన్ సమ్మాన్ నిధి లబ్ధిదారుల స్థితిని తనిఖీ చేయాలనుకుంటే, మీరు ఇక్కడ క్లిక్ చేయండి. 
• మీరు పీఎం కిసాన్ సమ్మాన్ నిధి లబ్ధిదారుల స్థితిని మూడు విధాలుగా తనిఖీ చేయవచ్చు – ఆధార్ నంబర్, ఖాతా సంఖ్య అదేవిధంగా  మొబైల్ నంబర్ ఆధారంగానూ తనిఖీ చేయవచ్చు.
• దీనిలో మీరు ఎలా తనిఖీ చేసుకోవాలనే ఎంపికను ఎంచుకోండి, మీరు ఆధార్ నంబర్ లేదా ఖాతా సంఖ్య లేదా మొబైల్ నంబర్ నమోదు చేయాలి.
• వివరాలను నమోదు చేసిన తర్వాత, మీరు “డేటాను పొందండి” పై క్లిక్ చేయాలి.

పీఎం కిసాన్ సమ్మాన్ నిధియోజన 2021

ప్రధాన మంత్రి నరేంద్ర మోదీ 9 వ విడత పీఎం కిసాన్ సమ్మాన్ నిధిని విడుదల చేశారు. రూ. 19,500 కోట్లకు పైగా నేరుగా 9.75 కోట్లకు పైగా లబ్ధిదారుల రైతు కుటుంబాల ఖాతాల్లోకి బదిలీ అయినట్లు ప్రధాన మంత్రి కార్యాలయం ఒక ప్రకటనలో తెలిపింది.

పీఎం కిసాన్ యోజన – మీరు తెలుసుకోవలసినది

పీఎం కిసాన్ సమ్మాన్ నిధి పథకాన్ని కేంద్ర ప్రభుత్వం నిర్వహిస్తుంది. ఈ పథకం అర్హత కలిగిన లబ్ధిదారు రైతు కుటుంబాలకు సంవత్సరానికి రూ. 6000 ఆర్థిక ప్రయోజనం, ప్రతి మూడు సమాన 4-నెలవారీ వాయిదాలలో రూ. 2000 చొప్పున ఇస్తుంది. ఈ సొమ్ములు నేరుగా లబ్ధిదారుల బ్యాంకు ఖాతాలకు బదిలీ అవుతాయి.

Also Read: కోవిడ్ చలాన్లు జారీ చేస్తున్న అధికారులపై ఇద్దరు మహిళల దాడి.. జుట్టు పట్టుకుని..రచ్చ..రచ్చ

ఎదురు కాల్పుల్లో మరణించిన ఇద్దరు ఉగ్రవాదుల నుంచి ఆయుధాలు, వయాగ్రా స్వాధీనం.