Owaisi on Navratri: దక్షిణ ఢిల్లీలో నేటి నుండి మాంసం దుకాణాలు బంద్.. ఘాటుగా స్పందించిన ఎంపీ అసదుద్దీన్ ఒవైసీ

MP Asaduddin Owaisi: దేశం మొత్తం నవరాత్రి పండుగను అత్యంత వైభవంగా జరుపుకుంటుంది. నవరాత్రుల సందర్భంగా రాజధాని ఢిల్లీ(Delhi)లో రాజకీయ దుమారం చెలరేగింది. నవరాత్రి(Navratri) పర్వదినాన్ని పురస్కరించుకుని ఏప్రిల్ 11వ తేదీ వరకు ఆలయాలకు సమీపంలోని బహిరంగ ప్రదేశాల్లో మాంసం విక్రయించే దుకాణాల(Meat Shops)ను మూసివేయాలని దక్షిణ ఢిల్లీ మేయర్ ముఖేష్ సూర్యన్ ఆదేశించారు. అదే సమయంలో, AIMIM అధ్యక్షుడు, హైదరాబాద్ ఎంపీ అసదుద్దీన్ ఒవైసీ బదులిస్తూ, మాంసం కూడా ఉల్లిపాయ, వెల్లుల్లి వంటి ఆహారం మాత్రమే అని అన్నారు. మాంసం విక్రయాలపై ఆంక్షలు సరికాదన్నారు.

ఈ మేరకు ఆదేశాలు ఇస్తూ ఎస్‌డిఎంసి మేయర్‌ కమిషనర్‌కు లేఖ రాశారు. తన లేఖలో, నవరాత్రి ఏప్రిల్ 11 వరకు ఉంది, ఈ సమయంలో భక్తులు దుర్గా దేవిని పూజించి, ఆలయానికి వెళ్లి అమ్మవారి ఆశీర్వాదం తమ కుటుంబ సభ్యులకు దీవెనలు పొందుతారు. ఈ రోజుల్లో భక్తులు శాఖాహారం మాత్రమే తింటారు. ఈ సమయంలో మాంసాహారం, మద్యం తీసుకోవడం మానేస్తారు. ఈ నేపథ్యంలో ఆలయం చుట్టూ, బహిరంగ ప్రదేశాల్లో మాంసం అమ్మడం వల్ల భక్తులకు అసౌకర్యం కలుగుతుంది. వారి మతపరమైన మనోభావాలు, వారి విశ్వాసం దెబ్బతింటుంది. అందుకే నిషేధం విధించినట్లు మేయర్ ముఖేష్ సూర్యన్ తెలిపారు.

Modi wants ease of doing business for big industrialists & ease of bigotry for ideological henchmen. Who will compensate for income loss? Meat is not impure, it’s just food like garlic or onion. Not just 99%. 100% of people have the choice to not buy meat if they don’t want to https://t.co/o5z3s7MOfN

— Asaduddin Owaisi (@asadowaisi) April 4, 2022

దక్షిణ ఢిల్లీ మునిసిపల్ కార్పొరేషన్ మేయర్ రాసిన ఈ లేఖపై ఏఐఎంఐఎం అధ్యక్షుడు అసదుద్దీన్ ఒవైసీ ఘాటుగా స్పందిస్తూ.. ‘‘ ప్రధాని నరేంద్ర మోదీ బడా పారిశ్రామికవేత్తలకు ఈజ్ ఆఫ్ డూయింగ్ బిజినెస్ కావాలని కోరుకుంటున్నారు. దీన్ని ఎవరు భర్తీ చేస్తారు? మాంసం అశుద్ధం కాదు. కేవలం వెల్లుల్లి లేదా ఉల్లి వంటి ఆహారం. ప్రజలు మాంసం కొనకూడదనుకుంటే 99% మంది కాదు 100% మంది మాత్రమే మాంసాన్ని కొనుగోలు చేయకూడదా.” అని ప్రశ్నించారు. ఇదిలావుంటే, దక్షిణ ఢిల్లీ మున్సిపల్ కార్పొరేషన్ ఈరోజు నుంచి ఈ నిర్ణయాన్ని అమలు చేస్తోంది.ఈ ఆదేశాలను పాటించని వారిపై చర్యలు తీసుకోవడం జరుగుతుందని అధికారులు హెచ్చరించారు.

Read Also…  Newly Married: కాళ్ల పారాణి ఆరక ముందే.. వాళ్ల పాలిట యమ పాశంగా మారిన పోస్ట్ వెడ్డింగ్ ఫోటో షూట్