కోల్ కతా అగ్నిప్రమాద మృతుల కుటుంబాలకు ప్రధానమంత్రి సహాయనిధి నుంచి 2 లక్షల ఎక్స్ గ్రేషియా
కోల్ కతా లోని రైల్వే బిల్డింగ్ కార్యాలయంలో రేగిన మంటల్లో మరణించినవారి సంఖ్య తొమ్మిదికి చేరింది. కొంతమంది గాయపడ్డారు. ఈ ఘటన పట్ల రాష్ట్రపతి రామ్ నాథ్ కోవింద్, ప్రధాని మోదీ తీవ్ర సంతాపం వ్యక్తం చేశారు.
కోల్ కతా లోని రైల్వే బిల్డింగ్ కార్యాలయంలో రేగిన మంటల్లో మరణించినవారి సంఖ్య తొమ్మిదికి చేరింది. కొంతమంది గాయపడ్డారు. ఈ ఘటన పట్ల రాష్ట్రపతి రామ్ నాథ్ కోవింద్, ప్రధాని మోదీ తీవ్ర సంతాపం వ్యక్తం చేశారు. ప్రధాన మంత్రి సహాయ నిధి కింద పీఎంఓ కార్యాలయం రూ. 2 లక్షల ఎక్స్ గ్రేషియా ప్రకటించింది. తీవ్రంగా గాయపడినవారికి 50 వేల సాయాన్ని అందజేయాలని ఈ కార్యాలయం సూచించింది. 13 వ అంతస్థులో తలెత్తిన మంటలు మిగతా అన్ని ఫ్లోర్లకు వ్యాపించాయని, ముఖ్యంగా 12 వ ఫ్లోర్ పూర్తిగా దగ్ధమైందని రైల్వే అధికారులు తెలిపారు. తొమ్మిది మృత దేహాల్లో ఐదింటిని 12 వ అంతస్థులో గుర్తించారు. బాధితులు ఊపిరాడక లిఫ్ట్ లో సజీవ దహనమైనట్టు తెలుస్తోంది.ఇంత ఘోర ప్రమాదానికి కారణాలను ఇంకా పరిశీలిస్తున్నారు. అయితే ప్రమాద సమయంలో ఎలివేటర్ ను వాడిన కారణంగా తీవ్రత పెరిగిందని ప్రాథమికంగా అంచనాకు వచ్చ్చారు. ఈ ప్రమాదంలో నలుగురు అగ్నిమాపక సిబ్బంది, ఇద్దరు రైల్వే ఉద్యోగులు, ఓ అసిస్టెంట్ సబ్ ఇన్స్ పెక్టర్ సజీవ దహనమయ్యారు.
ఈ భవనంలో రెండు జోనల్ రైల్వే కార్యాలయాలు, కంప్యూటరీకరించిన టికెట్ బుకింగ్ సెంటర్ ఉన్నాయి. విద్యుత్ సరఫరాను నిలిపివేయడంతో ఆన్ లైన్ బుకింగులను కూడా నిలిపివేసినట్టు అధికారులు తెలిపారు. రైల్వే మంత్రి పీయూష్ గోయెల్ ఈ ప్రమాదంపై తీవ్ర దిగ్భ్రాంతిని ప్రకటించారు. గాయపడినవారికి తక్షణం మెరుగైన సాయం అందించాలని అధికారులను ఆదేశించారు. సీఎం మమతా బెనర్జీ, కొందరు రాష్ట్ర మంత్రులు, అధికారులు ప్రమాద స్థలాన్ని సందర్శించి పరిస్థితిని సమీక్షించారు. అటు- మృతుల సంఖ్య పెరగ వచ్చునని భావిస్తున్నారు. ఈస్టర్న్ రైల్వే సెక్షన్ లో ఇంత పెద్ద ప్రమాదం జరగడం ఇటీవలి కాలంలో ఇదే మొదటిసారి.
మరిన్ని ఇక్కడ చదవండి:
Karthika Deepam Serial : ఓ వైపు పిల్లలతో ఊరుదాటిన దీప.. మరోవైపు మోనిత మాయలో కార్తీక్..
