నైట్ కర్ఫ్యూ ఆదేశాలను ఉపసంహరించుకున్న కర్ణాటక ప్రభుత్వం… ఒక్క రోజులోనే యూటర్న్

కరోనా మహమ్మారి మరోసారి విజృంభిస్తున్న నేపథ్యంలో కర్ణాటక ప్రభుత్వం రాత్రిపూట కర్ఫ్యూ విధిస్తూ నిర్ణయం తీసుకున్న విషయం తెల్సిందే. తాజాగా ఆ నిర్ణయాన్ని వెనక్కి తీసుకుంది అక్కడి ప్రభుత్వం. కర్ఫ్యూ కి సంబంధించిన ఆదేశాలను గురువారం ఉపసంహరించుకుంది ప్రభుత్వం. ప్రతి రోజూ రాత్రి 11 గంటల నుంచి ఉదయం 5 గంటల వరకూ కర్ఫ్యూ ఉంటుందని బుధవారం  ఆదేశాలను జారీ చేసింది. అయితే పరిస్థితిని సమీక్షించిన తర్వాత టెక్నికల్ అడ్వైజరీ కమిటీ సూచన మేరకు రాత్రి పూట కర్ఫ్యూ ఆదేశాలను ఉపసంహరించుకున్నట్లు సీఎం కార్యాలయం ప్రకటించింది.