Raj Babbar : మోదీ సర్కార్‌పై కాంగ్రెస్ సీనియర్ నేత రాజ్ బబ్బర్ ప్రశంసలు.. ఎందుకో తెలుసా..

అసంతృప్త నేతల అసంతృప్తిని తొలగించేందుకు కాంగ్రెస్ నిరంతరం ప్రయత్నిస్తోంది. దీని తర్వాత కూడా నేతల అసంతృప్తి నానాటికీ పెరుగుతూనే ఉంది. ఇప్పుడు కాంగ్రెస్ నేత రాజ్ బబ్బర్ ప్రధాని మోదీని బహిరంగంగా ప్రశంసించిన తీరు చూస్తుంటే కాంగ్రెస్ నేతలంతా తమ పార్టీ పట్ల సంతోషంగా లేరని తెలుస్తోంది. ప్రస్తుత ప్రభుత్వాన్ని మన్మోహన్ సింగ్ ప్రభుత్వంతో పోల్చారు. వాస్తవానికి, కాంగ్రెస్ నాయకుడు రాజ్ బబ్బర్ బీజేపీ ప్రభుత్వం ప్రవేశ పెట్టిన ‘ప్రధాన మంత్రి జన్ ధన్ యోజన’ను ప్రశంసిస్తూ ట్వీట్ చేశారు. ఈ ట్వీట్‌లో ఆయన ప్రస్తుత ప్రభుత్వాన్ని మన్మోహన్ సింగ్ ప్రభుత్వంతో పోల్చారు. ప్రధానమంత్రి ‘జన్ ధన్ యోజన’ (PMJDY) 8 సంవత్సరాలు పూర్తిచేసుకుందని తన ట్విట్‌లో పేర్కొన్నారు. ఎవరి జోక్యం లేకుండా నేరుగా ప్రజలకు చేరుతున్నాయని.. విప్లవం అంటే ఇదని ప్రశంసించారు.

మోడీ ప్రభుత్వ విధానానికి అనుకూలంగా..

రాజ్ బబ్బర్ మాట్లాడుతూ, ఇందులో సగానికి పైగా ఖాతాదారులు మహిళలే. ‘ఆప్కా పైసా ఆప్కే హాత్’ పేరుతో మన్మోహన్ సింగ్ ప్రభుత్వంలో కూడా అలాంటి పథకాన్ని ప్రారంభించారు. అయితే, ప్రస్తుత ప్రభుత్వం అంతకంటే ఖచ్చితంగా మెరుగ్గా వ్యవహరిస్తోందని అన్నారు. ఆగ్రహించిన కాంగ్రెస్ నేతలతో పార్టీ హైకమాండ్ సమావేశాలు నిర్వహిస్తున్నా ఫలితం కనిపించడం లేదు. మరో అడుగు మొదుకేసిన సీనియర్ నేతలు మోదీ సర్కార్‌ను బహిరంగంగానే పొగిడేస్తున్నారు.

గులాం నబీ ఆజాద్ రాజీనామా తర్వాత..

ఇటీవల కాంగ్రెస్‌ పార్టీతో ఐదు దశాబ్దాల బంధాన్ని తెంచుకున్నారు గులాంనబీఆజాద్‌. ఆయన రాజీనామా చేసినప్పటి నుంచి కాంగ్రెస్‌లో పార్టీని వీడే వారి సంఖ్య రోజు రోజుకు పెరుగుతోంది. చాలా మంది నేతల వైఖరిలో మార్పు కనిపిస్తోంది. ఇప్పుడు కాంగ్రెస్ నేతలు బహిరంగంగానే తమ అభిప్రాయాన్ని బయటపెడుతున్నారు. రాజ్ బబ్బర్ చాలా కాలంగా కాంగ్రెస్‌లో ఉన్నారు. ప్రస్తుతం, ఆయన పార్టీలో ఏ పదవిని కలిగి లేదు. కానీ కాంగ్రెస్‌పై ఉన్న అసంతృప్తి G-23 నేతల్లో ఆయన కూడా ఒకరు

మరిన్ని జాతీయ వార్తల కోసం