రాజ్యసభ ఎన్నికల్లో కాంగ్రెస్‌కు బిగ్ షాక్.. బీజేపీకి మద్దతు పలికిన మొట్టమొదటి ముస్లిం మహిళా ఎమ్మెల్యే..!

బీజేపీ మద్దతు ఉన్న స్వతంత్ర అభ్యర్థి దిలీప్ రాయ్‌కు కాంగ్రెస్ ముస్లిం ఎమ్మెల్యే సోఫియా ఫిర్దౌస్ అనుకూలంగా ఓటు వేశారు. దిలీప్ రాయ్ రాజ్యసభ ఎన్నికల్లో గెలవడానికి సహాయపడినందుకు, సోఫియా ఫిర్దౌస్‌తో సహా తమ ముగ్గురు ఎమ్మెల్యేలను ఒడిశా కాంగ్రెస్ సస్పెండ్ చేసింది. ఈ విషయాన్ని ప్రకటిస్తూ పార్టీ ఒక ప్రకటన విడుదల చేసింది. ఆ సోషల్ మీడియా పోస్ట్‌లో, “సోఫియా ఫిర్దౌస్‌కు ఉజ్వల భవిష్యత్తు ఉండేది, కానీ ఇప్పుడు కటక్ నుంచి ఆమె గెలిచే అవకాశాలు ముగిసిపోయాయి” అని కాంగ్రెస్ పార్టీ పేర్కొంది.

వాస్తవానికి, ముగ్గురు కాంగ్రెస్ ఎమ్మెల్యేలు, ఎనిమిది మంది బిజు జనతా దళ్ ఎమ్మెల్యేలతో కలిసి, బీజేపీ మద్దతు ఉన్న స్వతంత్ర అభ్యర్థి రాయ్‌కి అనుకూలంగా ఓటు వేశారు. దీని ఫలితంగా ప్రతిపక్షాల ఉమ్మడి అభ్యర్థి దత్తేశ్వర్ హోటా ఓటమి పాలయ్యారు. వ్యూహాత్మక నిర్ణయంగా, బిజెడి అభ్యర్థి హోటాకు మద్దతు ఇవ్వాలని కాంగ్రెస్ నిర్ణయించుకుంది. ఒడిశాలోని నాలుగు రాజ్యసభ స్థానాలకు ఎన్నికలు జరిగాయి. వీటిలో రెండు స్థానాలను బీజేపీ గెలుచుకోగా, ఒక స్థానాన్ని బీజేడీ సొంతం చేసుకుంది. స్వతంత్ర అభ్యర్థి దిలీప్ రాయ్ కూడా గెలుపొందారు.

ముగ్గురు కాంగ్రెస్ ఎమ్మెల్యేలు క్రాస్ ఓటింగ్..?

బీజేపీ మద్దతు ఉన్న స్వతంత్ర అభ్యర్థి దిలీప్ రాయ్‌కు అనుకూలంగా క్రాస్ ఓటింగ్ వేసిన ఎమ్మెల్యేలలో సనఖేముండికి చెందిన రమేష్ చంద్ర జెనా, మోహనకు చెందిన దశరథి గోమంగో, బారాబతి-కటక్‌కు చెందిన సోఫియా ఫిర్దౌస్ ఉన్నారు. ఈ ఎమ్మెల్యేలు సోమవారం (మార్చి 16) జరిగిన రాజ్యసభ ఎన్నికల్లో రాయ్‌కు అనుకూలంగా ఓటు వేశారని కాంగ్రెస్ పార్టీ పేర్కొంది. “కాంగ్రెస్‌కు ద్రోహం చేసేవారు దేశానికి ద్రోహం చేసినట్లే” అని ఒడిశా కాంగ్రెస్ విభాగం ఒక సోషల్ మీడియా పోస్ట్‌లో పేర్కొంది.

Ramesh Jena, MLA of Sana Khemundi, Sofia Firdous, MLA of Barabati Cuttack, and Dasarath Gamango, MLA of Mohahna, have been expelled from the party for defying the party whip and voting for a candidate supported by the BJP in the Rajya Sabha election. Those who betray Congress are… pic.twitter.com/KR8AgDLA7r

— Odisha Congress (@INCOdisha) March 17, 2026

Opponents fight you from the outside; traitors weaken you from the inside.#Traitors of #Congress are #Traitors of #Nation pic.twitter.com/vcjv5z7S1H

— Odisha Congress (@INCOdisha) March 16, 2026

కాంగ్రెస్ ఎమ్మెల్యే సోఫియా ఫిర్దౌస్ ఎవరు?

2024 అసెంబ్లీ ఎన్నికలలో బారాబతి-కటక్ స్థానం నుండి గెలిచి సోఫియా ఫిర్దౌస్ ఎమ్మెల్యే అయ్యారు . ఆమె తండ్రి, మహమ్మద్ ముకీమ్, కూడా ఇదే స్థానం నుండి గతంలో ఎమ్మెల్యేగా పనిచేశారు. ఆయన ఒడిశాలోని ప్రముఖ రియల్ ఎస్టేట్ వ్యాపారవేత్తలలో ఒకరు. ఒక మోసపూరిత కేసులో కోర్టు ఆయనను ఎన్నికలలో పోటీ చేయకుండా నిషేధించారు. దాంతో సోఫియా ఫిర్దౌస్‌కు కాంగ్రెస్ టికెట్ ఇచ్చారు. ఒడిశా అసెంబ్లీ ఎన్నికలలో సోఫియా మొట్టమొదటి ముస్లిం మహిళా ఎమ్మెల్యే అయ్యారు. ఆమె భర్త, మీరాజ్ ఉల్ హక్, కూడా ఒక వ్యాపారవేత్త.

మరిన్ని జాతీయ వార్తల కోసం ఇక్కడ క్లిక్ చేయండి..