Viral Video: 50 అడుగుల బావిలోంచి ఒకటే అరుపులు.. ఏంటా అని చూసిన రైతులు షాక్‌.. బాబోయ్‌ అంటూ..

ప్రకృతి ఒడిలో స్వేచ్ఛగా విహరించాల్సిన అడవి రాజు ఒక్కసారిగా మృత్యువు అంచున నిలిచాడు. గుజరాత్‌లోని అమ్రేలీ ప్రాంతంలో జరిగిన ఒక సంఘటన ఇప్పుడు సోషల్ మీడియాలో అందరి దృష్టిని ఆకర్షిస్తోంది. ఒక సింహం ప్రమాదవశాత్తూ గ్రామ సమీపంలోని లోతైన బావిలో పడిపోయింది. బావిలో పడిపోయిన సింహం బయటకు రాలేక, నీటిలో ఈదుతూ ప్రాణాలను కాపాడుకోవడానికి ప్రయత్నిస్తుండగా స్థానిక రైతులు దానిని గమనించారు. వెంటనే వారు అటవీ శాఖ అధికారులకు సమాచారం అందించారు. రంగంలోకి దిగిన రెస్క్యూ టీమ్, సింహానికి ఎటువంటి హాని కలగకుండా బయటకు తీయడానికి ఒక ప్రణాళికను సిద్ధం చేసింది.

అటవీ అధికారులు ఒక పెద్ద ఇనుప బోనును బావిలోకి దించి, సింహం అందులోకి ప్రవేశించేలా చేశారు. సుమారు రెండు గంటల పాటు సాగిన ఈ ఆపరేషన్ తర్వాత సింహాన్ని సురక్షితంగా బయటకు తీశారు. అధికారుల తనిఖీలో సింహానికి పెద్దగా గాయాలు కాలేదని తేలింది. గుజరాత్ ఉప ముఖ్యమంత్రి ఈ రెస్క్యూ వీడియోను తన ఎక్స్ (గతంలో ట్విట్టర్) ఖాతాలో పంచుకుంటూ, అటవీ శాఖ అధికారుల సమయస్ఫూర్తిని, సాహసాన్ని అభినందించారు.

వీడియో ఇక్కడ చూడండి..

A wild chase turned into a rescue mission in Gujarat.

Near the forested stretch of Navabandar in Una taluka, a majestic lion, likely in search of prey, accidentally fell into an open farm well.

What followed was a race against time.

With swift coordination and remarkable… pic.twitter.com/Ssj7if76Hz

— Harsh Sanghavi (@sanghaviharsh) April 13, 2026

ఈ వీడియోను చూసిన నెటిజన్లు అటవీ శాఖాధికారుల పనితీరుపై ప్రశంసల జల్లు కురిపిస్తున్నారు. గుజరాత్‌లోని గిర్ అభయారణ్యం చుట్టుపక్కల ప్రాంతాలలో ఇటువంటి బావులు వన్యప్రాణులకు ముప్పుగా మారుతున్నాయని, వాటికి రక్షణ కవచాలు ఏర్పాటు చేయాలని పలువురు సూచిస్తున్నారు. వన్యప్రాణులు, మానవుల మధ్య ఘర్షణలు పెరుగుతున్న ఈ కాలంలో, ఇటువంటి రెస్క్యూ ఆపరేషన్లు జీవవైవిధ్య సంరక్షణపై ఆశలను కలిగిస్తాయి. ప్రస్తుతం ఆ సింహం పూర్తి ఆరోగ్యంతో తిరిగి తన నివాస ప్రాంతమైన అడవిలోకి చేరింది.

మరిన్ని ట్రెండింగ్ న్యూస్ కోసం క్లిక్ చేయండి…