News9 Plus Corporate Cup: అట్టహాసంగా ముగిసిన న్యూస్9 ప్లస్ కార్పొరేట్ కప్.. టీవీ9 నెట్‌వర్క్‌పై ప్రశంసల జల్లు..

కార్పొరేట్ రంగం అనేది పోటీ ప్రపంచం.. ఎల్లప్పుడూ ఉరుకులు పరుగుల జీవితం.. ఇవన్నీ కానే కాదంటూ సరికొత్త నిర్వచనాన్ని బోధించింది భారతదేశపు అతిపెద్ద టెలివిజన్ న్యూస్ నెట్‌వర్క్ TV9.. కార్పొరేట్ రంగంలో ఇంతకు ముందెన్నడూ చూడని విధంగా టీవీ9 నెట్ వర్క్ ఫుల్ జోష్ తో కార్పొరేట్ కప్ క్రీడాపోటీలను అత్యంత అద్భుతంగా నిర్వహించింది. TV9 నెట్‌వర్క్ News9 Plus మునుపెన్నడూ లేనివిధంగా.. ఉత్సాహం, ఆనందం, గౌరవంతోపాటు మెరుగైన ఆరోగ్యం కోసం News9 Plus కార్పొరేట్ కప్ ను విజయవంతంగా నిర్వహించింది. దీనిలో బిజినెస్ లీడర్‌లు పార్టిసిపేట్ చేసే విధంగా చొరవ తీసుకుని..టోర్నమెంట్ ను విజయవంతం చేసింది. కార్పొరేట్ సిబ్బంది ఎంతో ఆసక్తిగా ఎదురుచూస్తున్న ఇండియా ఇంక్ కార్పొరేట్ టోర్నమెంట్‌ విజయవంతంగా ముగిసింది. రాబోయే సంవత్సరంలో ఇంకా ఏ విధంగా నిర్వహిస్తారనే ఉత్కంఠ, నిరీక్షణను మిగిల్చేలా చేసింది. ఈ కప్ జీవితకాల అనుభవాన్ని మిగిల్చిందని కార్పొరేట్ నాయకులు, భాగస్వాములు నిర్వాహకులపై హర్షం వ్యక్తంచేశారు. ఉత్సాహభరితమైన వాతావరణంలో పూణేలో నిర్వహించిన కార్పొరేట్ కప్.. మూడు రోజుల కోలాహలం అనంతరం ఆదివారం ముగిసింది.

న్యూస్9 ప్లస్ కార్పొరేట్ కప్‌లో భాగమైన తన అనుభవాన్ని పంచుకుంటూ బుండెస్లిగా సీనియర్ అడ్వైజర్, బుల్లిష్ పీటర్ లీబుల్ మాట్లాడుతూ.. “ఇన్ని సంవత్సరాలలో, నేను ప్రపంచవ్యాప్తంగా ఇంత స్థాయిలో కార్పొరేట్ కప్‌ను ఎప్పుడూ చూడలేదు. ప్రతి ఒక్కరి నుంచి ప్రొడక్షన్, పిచ్, బ్రాండింగ్, ప్రయత్నాలు, అంకితభావం, నిబద్ధత చాలా బాగుంది.’’ అంటూ కొనియాడారు.

TV9 Network MD & CEO Barun Das

వచ్చే ఏడాది మరింత ఉత్సాహంతో వస్తాం.. TV9 నెట్‌వర్క్ MD, CEO బరున్‌ దాస్‌..

ప్రెజెంటేషన్ వేడుకలో TV9 నెట్‌వర్క్ MD, CEO బరున్ దాస్ మాట్లాడుతూ.. “News9 Plus కార్పొరేట్ కప్ కార్పొరేట్ నాయకులకు ఎదురులేని ఉత్తేజకరమైన వాతావరణాన్ని అందించినందుకు నేను సంతోషిస్తున్నాను. ప్రారంభ టోర్నమెంట్ విజయవంతం కావడానికి ప్రధానంగా అగ్రశ్రేణి కార్పొరేట్‌ల అద్భుతమైన మద్దతు, భాగస్వామ్యం కారణంగా ఇలా జరిగింది.. వచ్చే ఏడాది, న్యూస్9 ప్లస్ కార్పొరేట్ కప్ మరింత ఉత్సాహాన్ని పెంచుతుంది.. మరింత పెద్దదిగా గ్రాండ్ సక్సెస్ చేస్తాం..’’ అంటూ పేర్కొన్నారు. బరున్ దాస్ మాట్లాడుతూ.. “తదుపరి న్యూస్9 ప్లస్ కార్పొరేట్ టోర్నమెంట్‌లో మహిళలు పాల్గొని.. వాళ్లు కూడా గెలిస్తే ఆనందంగా ఉంటుంది. ప్రపంచకప్, ఒలింపిక్స్ వంటి ప్రపంచ క్రీడల్లో భారత్ రాణించగలదని నేను గట్టిగా నమ్ముతున్నాను. ఫుట్‌బాల్ కేవలం క్రీడ మాత్రమే కాదు, ప్రపంచవ్యాప్తంగా యువతకు మార్గనిర్దేశం.. మన జాతీయ ఆకాంక్షలను సాధించడానికి, 50 శాతం మహిళల బలంతో సహా మన పూర్తి సామర్థ్యాన్ని ఉపయోగించుకోవాలి. ఉదాహరణకు, ప్రపంచవ్యాప్తంగా 57వ ర్యాంక్.. ఆసియాలో 11వ స్థానంలో ఉన్న భారత మహిళల ఫుట్‌బాల్ జట్టు పురుషుల జట్టు కంటే ముందు ప్రపంచ కప్‌కు అర్హత సాధించే మంచి అవకాశాలను కలిగి ఉంది,” అని దాస్ పేర్కొన్నారు. బరున్ దాస్ కు ఫుట్‌బాల్ అంటే చాలా ఇష్టం.. ఆయన ఆడతారు కూడా.. డ్రిబ్లింగ్, గోల్స్ చేయడం లాంటివి చేస్తూ.. ఛాంపియన్‌షిప్ గ్రాండ్ ఫినాలేకి ముందు కనిపించారు.

ఇవి కూడా చదవండి

Relationship Tips: మగ మహారాజులకు అలర్ట్.. ఆ విషయంలో వీక్ కావొద్దంటే ఇలా చేయాల్సిందే.. లేకపోతే..

Relationship Tips: ఇలా చేస్తే దాంపత్య జీవితం ఫుల్ ఖుష్.. ఈ విషయాల్లో భార్యాభర్తలూ బీకేర్‌ఫుల్..

Viral Video: వామ్మో.. ఇంట్లో అకస్మాత్తుగా ప్రత్యేక్షమైన భారీ శ్వేతనాగు.. గూస్ బంప్స్ తెప్పించే వీడియో..

Relationship Tips: పడకగదిలో స్టామినా కోసం.. ఈ ఆహారాలను తప్పనిసరిగా తీసుకోండి..

కంపెనీ స్పోర్ట్స్ విభాగానికి అధిపతి అయిన హెచ్‌డిఎఫ్‌సి సీనియర్ విపి సుకేష్ శాస్త్రి మాట్లాడుతూ, “ఈ స్థాయిలో ఈవెంట్‌ను నిర్వహించినందుకు మొత్తం టివి9 టీమ్‌కి నేను ధన్యవాదాలు తెలియజేస్తున్నాను. దీనికి అందరి నుంచి అపారమైన కృషి అవసరం. ఈవెంట్ బాగా నిర్వహించారు.. నిర్వహణ, వసతి, ఆహారం నుంచి రిఫరీలు, జెర్సీలు, మైదానంలో సౌకర్యాలు మొదలైన వాటి వరకు అన్ని నిమిషాల్లో సమర్ధవంతంగా చూసుకున్నారు. ఇది మేము గత 25 సంవత్సరాలలో ఉత్తమంగా నిర్వహించిన ఈవెంట్ ను చూడటం ఇదే మొదటి సారి.. భారతదేశానికి ఇది అవసరం.. ఈ చొరవ తీసుకున్నందుకు TV9కి ధన్యవాదాలు. దానికి మేం ఎప్పుడూ మద్దతిస్తాం.”

News9 కార్పొరేట్ కప్‌పై వ్యాఖ్యానిస్తూ.. ఇండియన్ లెజెండ్స్ ఫుట్‌బాల్ జట్టు కెప్టెన్ అల్విటో డి’కున్హా ఇలా అన్నారు.. “ఈ ఈవెంట్‌కు మద్దతు ఇచ్చినందుకు నేను బరున్, పీటర్‌లకు ధన్యవాదాలు తెలియజేస్తున్నాను. హడావిడిగా సాగిన ప్రయాణం అయినప్పటికీ వాతావరణం చాలా బాగుంది. మేము దీన్ని నిజంగా ఆనందించాము.. భవిష్యత్తులో ఈ ఈవెంట్‌లో భాగం కావాలని మేము ఖచ్చితంగా కోరుకుంటున్నాము.’’ అన్నారు.

3-రోజుల టోర్నమెంట్‌లో ప్రేక్షకులు కూడా చాలా ఆనందించారు. ప్రతి జట్టు అద్భుతంగా డ్రిబ్లింగ్ చేయడం, అద్భుతమైన కదలికలు చేయడం, గోల్ చేసే అవకాశాలను సృష్టించడం ఇలాంటి అత్యుత్తమ క్షణాలతో ప్రేక్షకులు కేరింతలు కొట్టారు. భారతదేశంలోని అతిపెద్ద కార్పొరేట్ దిగ్గజాలకు చెందిన మొత్తం 26 అగ్రశ్రేణి జట్లు News9 ప్లస్ కార్పొరేట్ కప్‌ కోసం తలపడ్డాయి. ఇది దేశంలోని అత్యంత ఉత్తేజకరమైన, విభిన్నమైన కార్పొరేట్ ఈవెంట్‌లలో ఒకటిగా నిలిచింది.

టైటిల్ విజేతగా.. HDFC టీమ్ 1

మూడు రోజులపాటు జరిగిన మ్యాచ్‌లు, నెయిల్-బిటింగ్ ముగింపుల తర్వాత, ఇండియా ఇంక్ టాప్-టైర్ ఫుట్‌బాల్ కార్పొరేట్ టోర్నమెంట్ టైటిల్‌ను HDFC టీమ్ 1 కైవసం చేసుకుంది. రన్నరప్ గా.. ఇన్ఫోసిస్, టెలిపర్ఫార్మెన్స్, హెచ్‌డిఎఫ్‌సి 2 నిలిచాయి.

కార్పొరేట్ విజేత జట్టు HDFC టీమ్ 1 కెప్టెన్ కిషోర్ నాయర్ మాట్లాడుతూ.. “ఈ మైదానంలో మాకు ఆడే అవకాశం లభించినందుకు మేము సంతోషిస్తున్నాము. మేము వచ్చిన పనిని పూర్తి చేసాము, మా గురువు, ఆరాధ్య దైవం సుకేష్ శాస్త్రికి ధన్యవాదాలు! జట్టుగా ఎలా పోరాడాలో, చివరి క్షణం వరకు ప్రశాంతంగా ఎలా ఉండాలో నేర్పించారు.. పూణె, ముంబైలలో టీమ్ ఈ విజయ వేడుకలు జరుపుకోనుంది..’’ అంటూ పేర్కొన్నారు.

ఇన్ఫోసిస్ ఫుట్‌బాల్ టీమ్ (కప్ రన్నరప్) కెప్టెన్ అనూప్ నాయర్ మాట్లాడుతూ “ఇది చాలా అద్భుతంగా ఉంది. మేము నిజంగా టోర్నమెంట్ పోస్టర్‌ను పొందినప్పుడు, ఈ స్థాయిలో నిర్వహించబడుతుందనేది నిజంగా ఊహించలేదు. నిజం చెప్పాలంటే, జట్టును బేయర్న్‌కు పంపబోతున్నామని, అక్కడ మ్యాచ్ చూడటానికి వెళుతున్నామని చెబుతుండగా జోక్ అనుకున్నాము. కానీ.. బాగా పోరాడం.. అని పేర్కొన్నారు.

News9 ప్లస్ కార్పొరేట్ కప్‌..

News9 ప్లస్ కార్పొరేట్ కప్‌కు U GRO క్యాపిటల్ కోపవర్డ్ (సహ-శక్తి)ని అందించింది. మహారాష్ట్ర ప్రభుత్వంలోని డైరెక్టరేట్ ఆఫ్ స్పోర్ట్స్ అండ్ యూత్ సర్వీసెస్ మద్దతు తెలిపింది. ఈ కప్ కు ప్రత్యేక భాగస్వాములు వరద్ ప్రాపర్టీ సొల్యూషన్స్, రాజ్యోగ్ పెయింట్స్, విద్యా ఆరాధన అకాడమీ; హాస్పిటాలిటీ పర్టనర్.. ది ఆర్కిడ్ హోటల్, పూణే.. క్రీడా పరికరాల భాగస్వామి NIVIA; బెవెరేజ్ పర్టనర్ లిమ్కా స్పోర్ట్జ్; రేడియో భాగస్వామి Red FM 93.5; అసోసియేట్ భాగస్వాములతో పాటు పరిశ్రమ నీట్ అకాడమీ, బెంగళూరు; స్వర్గసీమ శాండల్‌వుడ్‌ ఫామ్స్‌; నారాయణ విద్యా సంస్థ, లలిత జ్యువెలరీ మార్ట్ ప్రారంభ టోర్నమెంట్‌ను అద్భుతంగా విజయవంతం చేయడంలో సహకరించాయి.

న్యూస్9 ప్లస్ కార్పొరేట్ కప్ అట్టహాసంగా ప్రారంభించి.. విజయవంతంగా నిర్వహించారు. ఇండియా ఇంక్‌లోని అత్యుత్తమ వ్యక్తులు క్రీడా మహోత్సవం కోసం కలిసి వచ్చారు. మహారాష్ట్ర స్పోర్ట్స్ కమీషనర్ జట్టు, ఇండియన్ లెజెండ్స్ టీమ్‌ (పూణే వెటరన్స్ ) మధ్య జరిగిన ఎగ్జిబిషన్ మ్యాచ్ టోర్నమెంట్‌ను మరింత ఉత్సాహాన్నిచ్చింది.

భారతదేశంలో కార్పొరేట్ క్రీడా నైపుణ్యాన్ని ప్రోత్సహించడంలో TV9 నెట్‌వర్క్ ముందంజలో ఉంది. News9 కార్పొరేట్ కప్ అఖండ విజయంతో, టీడీ9 నెట్‌వర్క్ కార్పొరేట్ ఎంగేజ్‌మెంట్ కు కొత్త బెంచ్‌మార్క్‌లను సెట్ చేసింది.. నెటవర్క్‌ నిబద్ధత, అంకితభావం తిరుగులేనిది.. రాబోయే ఎడిషన్‌లలో మరింత ఉత్తేజకరమైన క్రీడా ఈవెంట్‌లతో తిరిగి వస్తామని నెట్‌వర్క్ వాగ్దానం చేస్తోంది.

మరిన్ని జాతీయ వార్తల కోసం ఈ లింక్ క్లిక్ చేయండి..