ముంబై వీధుల్లో ‘హాలీవుడ్ మ్యూజిక్ ‘.. డ్రమ్స్ తో ఇరగదీసిన డైరెక్టర్

గణేష్ చతుర్థి సందర్భంగా హాలీవుడ్ మ్యూజిక్ డైరెక్టర్ ఒకరు ముంబై వీధుల్లో డ్రమ్స్ కొట్టి అందరిలో జోష్ నింపారు. ఆయనతో బాటు ఆయన సహచరులు, స్థానికులు కూడా ఉత్సాహంగా ఈ సెలబ్రేషన్స్ లో పాల్గొన్నారు. అంతా డ్రమ్స్ కొడుతూ వావ్ అనిపించారు. ఈ వీడియోను పారిశ్రామికవేత్త ఆనంద్ మహీంద్రా తన ట్విటర్లో పోస్ట్ చేస్తూ.. ముంబై వీధుల్లో ఈ హాలీవుడ్ మ్యూజిక్ ప్రొడ్యూసర్ డ్రమ్స్ వాయించిన తీరు చూడండి.. ఇదే జోష్ మనకూ కావాలి.. గణేష్ ఇమ్మర్షన్ సందర్భంగా ప్రతి ఏడాదీ మన సాంస్కృతిక బృందాలు కూడా ఓ అంతర్జాతీయ ‘ స్ట్రీట్ డ్రమ్స్ ఫెస్టివల్ ‘ ను నిర్వహిస్తే ఎలా ఉంటుందంటారు ? అని ఆయన సరదాగా ఓ కామెంట్ పెట్టారు. ఈ వీడియో చూసి.. ఆయన కామెంట్లు చదివిన నెటిజన్లు.. తమదైన స్టయిల్లో రకరకాలుగా స్పందించారు. ఓ నెటిజనుడు.. ఈ నగరంలో అమ్మాయిలు కూడా ఎలా డ్రమ్స్ వాయిస్తున్నారో చూడండంటూ ఓ వీడియోను పోస్ట్ చేశాడు. మరొకరైతే.. ఆయా సమస్యలపైనే కాకుండా ఆనంద్ మహీంద్రా ఇలాంటి వినోదాత్మక సంఘటనలపైనా ఎంత చురుగ్గా స్పందిస్తున్నారో అంటూ ఆయనను ఆకాశానికి ఎత్తేశాడు.

Yes , let’s make it happen , attached is all women Dhol Tasha in our society today pic.twitter.com/0q1gqhyGL4

— Amiya Jain (@amiyajain) September 6, 2019