కేరళ మాజీ సీఎం వి.ఎస్. అచ్యుతానందన్ కన్నుమూత!

కేరళ మాజీ ముఖ్యమంత్రి, సీనియర్ కమ్యూనిస్ట్ నాయకుడు వి.ఎస్. అచ్యుతానందన్ (101) కన్నుమూశారు. గత కొంత కాలంగా అనారోగ్యంతో తిరువనంతపురంలోని ఎస్.యు.టి ఆసుపత్రిలో చికిత్స పొందుతున్న ఆయన సొమవారం మధ్యహ్నం తుదిశ్వాస విడిచారు. గత నెల 23వ తేదీన ఆయనకు సడన్‌గా గుండె పోటు రావడంతో ఆయన హాస్పిటల్‌లో జాయిన్‌ అయ్యారు. అప్పటి నుంచి హాస్పిట్‌లోని వెంటిలేటర్ సహాయంతో చికిత్స పొందుతూ ఇవాళ తుదిశ్వాస విడిచారు. అచ్యుతానందన్  2006 మే 18 నుండి 2011 మే 14 వరకు కేరళ ముఖ్యమంత్రిగా పనిచేశారు.

1964లో CPI జాతీయ మండలి నుండి తప్పుకున్న 32 మంది నాయకులలో VS కూడా ఒకరు. ప్రస్తుతం ఆయన CPM వ్యవస్థాపక నాయకులలో ఒకరిగా ఉన్నారు. ముఖ్యమంత్రి, ప్రతిపక్ష నాయకుడు, CPM రాష్ట్ర కార్యదర్శి, పొలిట్‌బ్యూరో సభ్యుడు, LDF కన్వీనర్, ఇటీవల పరిపాలనా సంస్కరణల కమిషన్ ఛైర్మన్ పదవితో సహా అనేక పదవులను ఆయన నిర్వహించారు. అయితే నాలుగేళ్ల క్రితం గుండెపోటు రావడంతో అప్పటి నుంచి VS క్రియాశీల రాజకీయాలకు దూరంగా ఉన్నారు.

వి.ఎస్. అచ్యుతానందన్ అలియాస్ వెలికాకత్ శంకరన్ అచ్యుతానందన్ 1923 అక్టోబర్ 20న అలప్పుజలోని పున్నప్రలో ఈయన జన్మించారు. ఈయన తల్లిదండ్రులు శంకరన్, అక్కమ్మ. అయితే ఈయన జన్మించిన కొన్ని రోజులకు తల్లిదండ్రులను చనిపోవడంతో.. ఆయన ఏడో తరగతితోనే అతనిపై కుటుంబ బాధ్యతలు పడ్డాయి. దీంతో అతని చదువు మానే ఉద్యోగం చేయడం స్టార్ట్ చేశారు. ఆ తర్వాత 1940లలో ఈయన కమ్యూనిస్ట్ పార్టీ ఆఫ్ ఇండియా కార్యకర్తగా మారారు. పున్నప్ర వాయలార్ పోరాటంతో సహా కేరళ చరిత్రలో భాగమైన అనేక పోరాటాలలో ఆయన పాల్గొన్నారు.

మరిన్ని జాతీయ వార్తల కోసం ఇక్కడ క్లిక్ చేయండి.