Toolkit case: టూల్కిట్ కేసులో దిశ రవికి బెయిల్.. పూర్తి వివరాలు ఇలా ఉన్నాయి…

రైతుల ఆందోళనలు ఇప్పుడు దేశంలో హాట్ టాపిక్ అయిన విషయం తెలిసిందే. వీటికి సంబంధించిన టూల్కిట్ వ్యవహారంలో అరెస్టయిన దిశ రవికి బెయిల్ లభించింది.

Ram Naramaneni |
Updated on: Feb 23, 2021 | 4:38 PM

Disha Ravi bail: రైతుల ఆందోళనలు ఇప్పుడు దేశంలో హాట్ టాపిక్ అయిన విషయం తెలిసిందే. వీటికి సంబంధించిన టూల్కిట్ వ్యవహారంలో అరెస్టయిన దిశ రవికి బెయిల్ లభించింది. ఢిల్లీలోని పటియాలా హౌస్ కోర్టు రూ.లక్ష పూచీకత్తుతో ఆమెకు బెయిల్ ఇచ్చింది. కాగా.. దిశను వివిధ కోణాల్లో విచారించారు పోలీసులు. సహనిందితులు నికత జాకబ్, శంతను ములుక్తో కలిపి ప్రశ్నించారు. ఇప్పటికే జాకబ్, ములుక్.. సోమవారం విచారణ ఎదుర్కొన్నారు. ద్వారకలోని ఢిల్లీ పోలీసుల సైబర్ సెల్ ఆఫీసులో ఇరువురినీ పోలీసులు ప్రశ్నించారు.

ఇక పర్యావరణ కార్యకర్త శంతను ముందస్తు బెయిల్ కోసం ఢిల్లీ కోర్టుకు వెళ్లారు. ఈ పిటిషన్ బుధవారం విచారణకు వచ్చే అవకాశముంది. ములుక్ బాంబే హైకోర్టు నుంచి.. ఫిబ్రవరి 16న ట్రాన్సిట్ బెయిల్ పొందారు. దీనికి 10 రోజుల గడువు ఉంది.