PM Modi: ప్రధాని మోదీ గుడ్ న్యూస్.. హై-స్పీడ్ రోడ్ కారిడార్ ప్రాజెక్టులకు కేబినేట్ గ్రీన్‌ సిగ్నల్..

ప్రధాని మోదీ నేతృత్వంలోని కేంద్ర కేబినేట్ కీలక నిర్ణయం తీసుకుంది. మొత్తం రూ. 936 కిమీ మేర పొడవున్న 8 ముఖ్యమైన జాతీయ హై-స్పీడ్ రోడ్ కారిడార్ ప్రాజెక్టులకు ఆమోదం తెలిపింది. లాజిస్టిక్స్ సామర్థ్యాన్ని మెరుగుపరచడానికి, రద్దీని తగ్గించడానికి.. అలాగే దేశవ్యాప్తంగా కనెక్టివిటీని మెరుగుపరచడానికి ఈ ప్రాజెక్టు ఉపయోగపడుతుందని.. దీని విలువ సుమారు రూ. 50,655 కోట్లు ఉంటుందని అంచనా. ఇక ఈ విషయాన్ని స్వయంగా కేంద్రమంత్రి అశ్విని వైష్ణవ్ వెల్లడించారు.

ఇందులో 68 కిమీ అయోధ్య బైపాస్ రోడ్, 121 కిమీ గౌహతి రింగ్ రోడ్, 516 కిమీ ఖరగ్‌పూర్-సిలిగురి ఎక్స్‌ప్రెస్ వే, 6-లేన్ ఆగ్రా గ్వాలియర్ గ్రీన్‌ఫీల్డ్ హైవే(88 కిమీ), ఎనిమిది లేన్‌లతో కూడిన 30-కిమీ పొడవైన ఎలివేటెడ్ హైవే రోడ్లు ఉన్నాయి. అలాగే నాసిక్- ఖేడ్(పుణె) మధ్య 8 లేన్ రోడ్డు కూడా ఈ ప్రాజెక్ట్‌లో భాగం అయింది.

ప్రయోజనాలు:

• ఈ ప్రాజెక్ట్‌తో ఆగ్రా, గ్వాలియర్ మధ్య ప్రయాణ దూరం 50 శాతం తగ్గుతుంది.

• ఖరగ్‌పూర్- మొరేగ్రామ్ కారిడార్‌తో పశ్చిమ బెంగాల్, నార్త్-ఈస్ట్ మధ్య ఆర్ధిక వ్యవస్థ పెరుగుతుంది.

• కాన్పూర్ రింగ్ రోడ్ ద్వారా ఆ నగరం చుట్టూ ఉన్న హైవే నెట్‌వర్క్స్ కలవనున్నాయి.

• రైపూర్-రాంచీ కారిడార్ ద్వారా ఝార్ఖండ్, చత్తీస్‌ఘర్ అభివృద్ధి మరింతగా పెరుగుతుంది.

• త్వరతగిన పోర్ట్ కనెక్టివిటీ, లాజిస్టిక్స్ ఖర్చు తగ్గించడం కోసం గుజరాత్‌లో హై స్పీడ్ రోడ్ నెట్‌వర్క్‌ను పూర్తి చేయడానికి థారాడ్, అహ్మదాబాద్ మధ్య కొత్త కారిడార్ దోహదపడుతుంది.

• గౌహతి రింగ్ రోడ్డు ఉత్తర తూర్పు వైపునకు అడ్డంకులు లేని హై-స్పీడ్ రోడ్డు సులభతరం చేస్తుంది.

• ఈ కారిడార్ ద్వారా అయోధ్యకు చాలా వేగంగా ప్రయాణం చేయవచ్చు.

• లాజిస్టిక్స్ ఖర్చును తొలగించడానికి పూణే, నాసిక్ మధ్య 8 లేన్ ఎలివేటెడ్ ఫ్లైఓవర్ కారిడార్ దోహదపడుతుంది.

• ఈ ప్రాజెక్టులు 4.42 కోట్ల పనిదినాలను ప్రత్యక్షంగా, పరోక్షంగా ఉపాధి వర్కర్లకు కలిగించనున్నాయి.

TRANSFORMATIVE boost to India’s infrastructure landscape!

The Cabinet’s approval of 8️⃣ National High-Speed Road Corridor Projects at an expenditure of over Rs. 50,000 crore will have a MULTIPLIER EFFECT on our economic GROWTH and boost EMPLOYMENT opportunities.

It also… pic.twitter.com/fim8aNP2Tr

— Narendra Modi (@narendramodi) August 2, 2024

మరిన్ని జాతీయ వార్తల కోసం ఇక్కడ క్లిక్ చేయండి