Aryan Khan Case: ఆర్యన్ ఖాన్ అరెస్ట్ ప్రాథమిక హక్కుల ఉల్లంఘన.. సుప్రీంలో మహారాష్ట్ర సహాయ మంత్రి కిశోర్ తివారీ పిటిషన్!

Aryan Khan Case: నార్కోటిక్స్ కంట్రోల్ బ్యూరో కేసులు, బాలీవుడ్ నటుడు షారూఖ్ కుమారుడు ఆర్యన్ ఖాన్ ప్రాథమిక హక్కుల ఉల్లంఘనపై విచారణకు ఆదేశించాలని శివసేన సీనియర్ నాయకుడు సుప్రీంను కోరారు. భారత రాజ్యాంగంలోని ఆర్టికల్ 32 ప్రకారం పిటిషన్ ఇస్తూ, మహారాష్ట్ర సహాయ మంత్రి కిశోర్ తివారీ ఈ విషయంలో జోక్యం చేసుకోవాలని సుప్రీంకోర్టు ప్రధాన న్యాయమూర్తి ఎన్‌వి రామన్నను కోరారు. “హానికరమైన ప్రయోజనాల” కోసం ఎన్సీబీ (NCB) రెండేళ్లుగా సినీ ప్రముఖులను “పక్షపాతంగా” వేధిస్తోందని ఆ పిటిషన్ లో పేర్కొన్నారు.

ఎన్సీబీ ప్రాథమిక హక్కులను ఉల్లంఘిస్తోంది..

కిషోర్ చెబుతున్న ఆర్టికల్ 32 ప్రకారం, సుప్రీంకోర్టు, భారత ప్రధాన న్యాయమూర్తి (సిజెఐ) ప్రాథమిక హక్కుల ఉల్లంఘన కేసులన్నింటిపై దృష్టి పెట్టడానికి..జోక్యం చేసుకోవడానికి అన్ని హక్కులు కలిగి ఉన్నారు. ఇది రాజ్యాంగంలోని 3 వ భాగంలో ఉంది. ఎన్సీబీ ఇప్పుడు ప్రాథమిక హక్కులను ఉల్లంఘిస్తోందని ఆయన ఆరోపిస్తున్నారు.

ముంబై ప్రత్యేక ఎన్డీపీఎస్ కోర్టు ఆర్యన్ ఖాన్, ఇతర నిందితుల బెయిల్ పిటిషన్‌పై నిర్ణయాన్ని అక్టోబర్ 20 వరకు వాయిదా వేయాలని కోరుతూ దాఖలు చేసిన పిటిషన్ లో నిందితుడిని చాలా అవమానానికి గురిచేసిందని, అదేవిధంగా అప్రజాస్వామికంగా 17 రాత్రులు జైలులో ఉంచారనీ కిషోర్ తన పిటిషన్లో చెప్పారు. అలాగే ఇది చట్టవిరుద్ధ రూపం .. ఇది రాజ్యాంగం ప్రసాదించిన ప్రాథమిక జీవించే హక్కు.. స్వేచ్ఛలను పూర్తిగా ఉల్లంఘించే విధానం అని ఆయన అన్నారు.

ఎన్సీబీ, దాని అధికారులను ఎంపిక చేసిన ప్రముఖులను లక్ష్యంగా చేసుకుని ‘రివెంజ్’ చేస్తున్నారని, ఎన్సీబీ దాని ప్రాంతీయ డైరెక్టర్ సమీర్ వాంఖడే పాత్రపై విచారణ జరిపించాలని తివారీ డిమాండ్ చేశారు. వాంఖడే భార్య ప్రముఖ మరాఠీ నటి అని ఆయన ఆరోపించారు. ఆఫీసర్ భార్య బాలీవుడ్‌లో పెద్ద పని చేయడానికి ప్రయత్నిస్తోంది. అందుకే ఎన్సీబీ వారి కుటుంబాలను లక్ష్యంగా చేసుకుని చిత్ర పరిశ్రమలోని కొంతమంది పెద్ద వ్యక్తులపై మాత్రమే దర్యాప్తు చేస్తోంది అంటూ ఆయన తన పిటిషన్ లో వివరించారు.

అక్టోబర్ 20 న నిర్ణయం వస్తుంది

ఎన్సీబీ ప్రతీకార వైఖరి గురించి మరింత మాట్లాడుతూ, శివసేన నాయకుడు, “ఆర్యన్ ఖాన్ నుండి నిషేధించబడిన మందులు ఏవీ స్వాధీనం చేసుకోలేదు. అతను మాదకద్రవ్యాలను సేవించాడా లేదా అని నిరూపించడానికి ఎటువంటి వైద్య పరీక్ష లేదు. ఇంకా, అక్టోబర్ 3 నుండి అతడిని వివిధ రకాల కస్టడీకి తరలించారు. అక్టోబర్ 2 న, ఆర్యన్ ఖాన్ రేవ్ పార్టీలో పాల్గొన్నందుకు గాను ఎన్సీబీ ద్వారా లగ్జరీ క్రూయిజ్ షిప్ నుండి మరో 7 మందిని అదుపులోకి తీసుకున్నారు. ఆర్యన్ గత 17 రోజులుగా ఎన్సీబీ జ్యుడీషియల్ కస్టడీలో ఉన్నాడు. ఆర్థర్ రోడ్ జైలులో ఉన్నాడు. బెయిల్ పిటిషన్‌పై సెషన్స్ కోర్టు అక్టోబర్ 20 న తీర్పు వెలువరించనుంది అంటూ చెప్పుకొచ్చారు.

ఇవి కూడా చదవండి: TATA Punch: భద్రతా ప్రమాణాలలో టాటా మోటార్స్ కార్లు టాప్.. 5 స్టార్ రేటింగ్ తో వస్తున్న టాటా పంచ్!

Pre Install Apps: మీకు తెలుసా? స్మార్ట్‌ఫోన్‌లలో ప్రీ ఇన్‌స్టాల్ యాప్‌లతో మన డాటా చోరీ అయిపోతోంది!

Dera Baba Case: రంజిత్ సింగ్ హత్య కేసులో డేరా సచ్చా సౌదాకు చెందిన గుర్మీత్ రామ్ రహీమ్ సహా నలుగురికి జీవిత ఖైదు!