Immune System: ఈ ఆహార పదార్ధాలను అస్సలు తినకండి.. మీ రోగనిరోధక శక్తి ఖచ్చితంగా తగ్గిపోతుంది.! జర జాగ్రత్త..

అసలే కరోనాకాలం.. ఆపై దంచికొడుతున్న వర్షాలు.. దీనితో వైరస్ ఎక్కువగా వ్యాప్తి చెందే అవకాశం ఉంటుంది. ఇలాంటి సమయంలో ఇన్ఫెక్షన్ మన దరికి చేరకుండా..

Immunity

Ravi Kiran |
Updated on: Jun 12, 2021 | 10:13 AM

అసలే కరోనాకాలం.. ఆపై దంచికొడుతున్న వర్షాలు.. దీనితో వైరస్ ఎక్కువగా వ్యాప్తి చెందే అవకాశం ఉంటుంది. ఇలాంటి సమయంలో ఇన్ఫెక్షన్ మన దరికి చేరకుండా చూసుకోవాలంటే రోగనిరోధక శక్తిని పెంచుకోవడంపై చాలా అవసరమని వైద్యులు సూచిస్తుంటారు. మనలో రోగనిరోధక శక్తి అధికంగా ఉంటే అంటువ్యాధులను ధీటుగా ఎదుర్కోవచ్చు. అలాగే, సంక్రమణ ప్రమాదం కూడా తగ్గుతుంది.

ఇదిలా ఉంటే రోగనిరోధక శక్తిని పెంచుకునేందుకు ఎన్నో మార్గాలు, పలు రకాల వంటింటి చిట్కాలు ఉన్నాయి. అయితే మీ డైలీ రొటీన్ జీవితంలో రోగ నిరోధకశక్తిని బలహీనపరిచే ఆహార పదార్ధాలను తీసుకుంటున్నారని మీరు ఎప్పుడైనా ఆలోచించారా.? మరి అవేంటో చూద్దాం పదండి.!

చక్కెరతో కాఫీ..

మీరు ప్రతీరోజూ తాగే కాఫీలో షుగర్ కంటెంట్ ఎక్కువైతే అది మీ ఆరోగ్యంపై ప్రభావం చూపిస్తుంది. కాఫీలో ఎక్కువగా షుగర్ తీసుకోవడం వల్ల రక్తంలో చక్కెర శాతం పెరుగుతుంది. అంతేకాకుండా రోగనిరోధక శక్తిని ప్రభావితం చేసే CRP, IL-6 వంటి తాపజనక ప్రోటీన్లు వృద్ది చెందుతాయి.

ఉప్పు అధిక వినియోగం..

చిప్స్, బేకరీ ఐటమ్స్, డిసర్ట్స్ వంటి ప్యాకేజింగ్‌ ఆహార పదార్ధాలలో ఉప్పు కంటెంట్ ఎక్కువగా ఉంటుంది. ఉప్పు అధికంగా వాడటం వల్ల ఆటో ఇమ్యూన్ వ్యాధులు సోకే ప్రమాదం ఉంటుంది. అంతేకాకుండా ఉప్పు రోగనిరోధక వ్యవస్థ సాధారణ పనితీరును కూడా దెబ్బతీస్తుంది. అందుకే మీ రోజూవారీ ఆహారంలో పరిమితంగా ఉప్పును తీసుకోవడం మంచిది.

ఫ్రైడ్ ఫుడ్..

వేయించిన ఆహారంలో అణువులు ఎక్కువగా ఉంటాయి. అవి అధిక మొత్తంలో ఉండే ఆహారాన్ని తీసుకోవడం వల్ల అనేక వ్యాధులు వచ్చే ప్రమాదం ఉంది. అంతేకాకుండా ఫ్రైడ్ ఫుడ్ రోగనిరోధక వ్యవస్థపై తీవ్ర ప్రభావం చూపిస్తుంది. అందువల్ల, ఫ్రెంచ్ ఫ్రైస్, బంగాళాదుంప చిప్స్, ఫ్రైడ్ చికెన్, ఫ్రైడ్ ఫిష్ మొదలైనవి తినడం మానుకోండి.

కాఫీ ఎక్కువగా తాగడం..

కెఫిన్‌ను ఎక్కువగా తీసుకోవడం వల్ల మీ నిద్ర, రోగనిరోధక శక్తిపై ప్రభావం పడుతుంది. అందుకే మీ రోగనిరోధక శక్తిని బలపరుచుకునేందుకు పరిమితి మోతాదులో కాఫీని సేవించాలని డాక్టర్స్ సూచిస్తారు.