Telangana tourism: అలా.. సోమశిలా. తక్కువ బడ్జెట్‌లో రెండు రోజుల టూర్‌ ప్యాకేజీ..
హైదరాబాద్-శ్రీశైలం-సోమశిలా-హైదరాబాద్ పేరుతో ఈ టూర్‌ను ఆపరేట్‌ చేస్తున్నారు. ప్రతీ శనివారం ఉదయం ఈ టూర్‌ అందుబాటులో ఉంటుంది. రివర్‌ క్రూయిజ్‌లో ప్రయాణం ఈ టూర్‌ ప్రత్యేకతగా చెప్పొచ్చు. శ్రీశైలంతో పాటు సోమశిల ప్రకృతి అందాలను వీక్షించవచ్చు. మొత్తం రెండు రోజుల పాటు ఈ టూర్‌ సాగుతుంది. ఈ టూర్‌ ప్యాకేజీలో...
Updated on: May 18, 2024 | 9:36 AM
సమ్మర్‌లో హాలీడేస్‌లో ఎక్కడికైనా వెళ్దామని పిల్లలు మారాం చేస్తున్నారా.? అయితే ఆఫీసు బిజీలో పడిపోయి లాంగ్ టూర్‌ వేయలని పరిస్థితి ఎంతో మందికి ఉంటుంది. అలాంటి వారి కోసమే తెలంగాణ టూరిజం అదిరిపోయే టూరిజం ప్యాకేజీని అందుబాటులోకి తీసుకొచ్చింది. కేవలం రెండు రోజుల్లోనే ఈ టూర్‌ను ముగించేసుకోవచ్చు. ఎంచక్కా వీకెండ్‌ హాలీడేస్‌లోనే మంచి అనుభూతిని పొందే అవకాశాన్ని కల్పించారు. అది కూడా తక్కువ బడ్జెట్‌లోనే. ఇంతకీ ఈ టూర్‌ ప్యాకేజీలో ఏయే ప్రాంతాలు కవర్‌ అవుతాయి.? టూర్‌ ప్యాకేజీ ధర వివరాలు ఇప్పుడు తెలుసుకుందాం..
హైదరాబాద్-శ్రీశైలం-సోమశిలా-హైదరాబాద్ పేరుతో ఈ టూర్‌ను ఆపరేట్‌ చేస్తున్నారు. ప్రతీ శనివారం ఉదయం ఈ టూర్‌ అందుబాటులో ఉంటుంది. రివర్‌ క్రూయిజ్‌లో ప్రయాణం ఈ టూర్‌ ప్రత్యేకతగా చెప్పొచ్చు. శ్రీశైలంతో పాటు సోమశిల ప్రకృతి అందాలను వీక్షించవచ్చు. మొత్తం రెండు రోజుల పాటు ఈ టూర్‌ సాగుతుంది. ఈ టూర్‌ ప్యాకేజీలో ఏయే ప్రాంతాలు కవర్‌ అవుతాయంటే..
* తొలి రోజు ఉదయం 9 గంటలకు బషీర్‌బాగ్‌లోని సీఆర్‌ఓ కార్యాలయం నుంచి నాన్‌ ఏసీ బస్సు శ్రీశైలం బయలుదేరుతుంది. సాయంత్రానికి శ్రీశైలం చేరుకొని హోటల్‌లో చెకిన్‌ అవుతారు. అనంతరం దర్శనం ఉంటుంది. ఇక రాత్రి శ్రీశైలంలోనే బస ఉంటుంది.
* రెండో ఉదయం 9 గంటలకు శ్రీశైలం నుంచి సోమశిలకు బోట్‌లో ప్రయాణం ఉంటుంది. అనంతరం మళ్లీ సాయంత్రం 5 గంటలకు హైదరాబాద్ తిరుగుప్రయాణం మొదలై, రాత్రి 9 గంటలకు హైదరాబాద్ చేరుకోవడంతో టూర్‌ ముగుస్తుంది.
ప్యాకేజీ ధర వివరాలు..
పెద్దలకు ఒక్కొక్కరికీ రూ. 4499కాగా చిన్నారులకు రూ. 3600గా ఛార్జీలను నిర్ణయించారు. నాన్‌ ఏసీ ట్రాన్స్‌పోర్టేషన్‌, శ్రీశైలంలో నాన్‌ ఏసీ అకామిడేషన్‌, నాన్‌ ఏసీ బోట్‌ చార్జీలు, బోటులో 1 వెజ్‌ మీల్‌ ప్యాకేజీలోనే కవర్‌ అవుతాయి. పూర్తి వివరాల కోసం ఈ 9848540371 నెంబర్‌కు సంప్రదించండి.
మరిన్ని టూరిజం సంబంధిత కథనాల కోసం క్లిక్ చేయండి..
