Pressure Cooker: ప్రెజర్ కుక్కర్లో వీటిని వండటం వెంటనే ఆపండి.. ప్రాణాలకే ప్రమాదం!
అన్నం వండటం నుంచి సాంబారు తయారీ వరకు వంట త్వరగా పూర్తి చేయడానికి, గ్యాస్ ఆదా చేయడంలో ఇది సహాయపడుతుందనేది నిజం. కానీ వంట ప్రక్రియ త్వరగా పూర్తవుతుందని కుక్కర్లో అన్ని రకాల ఆహారాన్ని వండటం సరైనది కాదు. కుక్కర్లో కొన్ని ఆహార పదార్థాలను వండటం వల్ల..
Updated on: Jan 28, 2026 | 1:33 PM
దాదాపు అన్ని వంట పనులకు దాదాపు ప్రతి ఇంట్లోనూ ప్రెషర్ కుక్కర్లను ఉపయోగిస్తున్నారు. అన్నం వండటం నుంచి సాంబారు తయారీ వరకు వంట త్వరగా పూర్తి చేయడానికి, గ్యాస్ ఆదా చేయడంలో ఇది సహాయపడుతుందనేది నిజం. కానీ వంట ప్రక్రియ త్వరగా పూర్తవుతుందని కుక్కర్లో అన్ని రకాల ఆహారాన్ని వండటం సరైనది కాదు. కుక్కర్లో కొన్ని ఆహార పదార్థాలను వండటం వల్ల వాటి పోషకాలు నాశనమవుతాయి. అలాంటి ఆహారాలు తీసుకోవడం వల్ల ఆరోగ్యంపై ప్రతికూల ప్రభావాలు ఉంటాయి. అందువల్ల ఈ కింది కొన్ని రకాల ఆహారాలను ప్రెషర్ కుక్కర్లో వండకూడదు. అవి ఏమిటో ఇక్కడ తెలుసుకుందాం..
ప్రెజర్ కుక్కర్లో వండకూడని ఆహారాలు ఇవే..
అన్నం
సాధారణంగా చాలా మంది కుక్కర్లో అన్నం వండుతారు. కానీ అన్నంన్ని ఎప్పుడూ కుక్కర్లో వండకూడదు. ఎందుకంటే ఇలా కుక్కర్లో అన్నం వండడం వల్ల ఆర్సెనిక్ అనే విష పదార్థం విడుదల అవుతుంది. ఇది మన ఆరోగ్యానికి హానికరం. కాబట్టి ఓపెన్ పాత్రలో మాత్రమే అన్నం వండటం మంచిది.
ఆకుకూరలు
పాలకూర, మెంతులు, కొల్లార్డ్ ఆకుకూరలు వంటి ఆకుకూరలను ప్రెజర్ కుక్కర్లో ఉడికించడం వల్ల వాటి పోషకాలు నశించి, మూత్రపిండాల్లో రాళ్లు వచ్చే ప్రమాదం పెరుగుతుంది. కాబట్టి వాటిని సాధారణ పాన్లో తక్కువ వేడి మీద ఉడికించడం మంచిది.
బీన్స్
బీన్స్లో లెక్టిన్ అనే సహజంగా లభించే టాక్సిన్ ఉంటుంది. ఇది సరిగ్గా ఉడికించకపోతే జీర్ణ సమస్యలను కలిగిస్తుంది. ఫుడ్ పాయిజనింగ్కు కూడా కారణమవుతుంది. అలాగే ప్రెషర్ కుకింగ్ బీన్స్లోని లెక్టిన్ను వేగంగా విచ్ఛిన్నం చేస్తుంది. ఇది జీర్ణ సమస్యలకు దారితీస్తుంది. కాబట్టి ఈ కూరగాయను ప్రెజర్ కుక్కర్లో ఉడికించడం మంచిది కాదు.
పాలు, పాల ఉత్పత్తులు
ప్రెషర్ కుక్కర్లో పాలు మరిగించడం వల్ల దాని సహజ నిర్మాణం మారి, అది పెరుగులా మారుతుంది. తద్వారా దాని పోషక విలువలు తగ్గుతాయి. పాలు మరిగించడానికి స్టీల్ లేదా నాన్-స్టిక్ పాన్ వాడటం మంచిది.
టమోటాలు
టమోటాలు, చింతపండు వంటి పుల్లని పదార్థాలను ప్రెషర్ కుక్కర్లో ఉడికించడం వల్ల అవి ఆమ్లంగా మారతాయి. ఇది శరీరానికి హానికరం. కాబట్టి, వాటిని స్టీల్ లేదా మట్టి పాత్రలో ఉడికించడం మంచిది.
చిక్కుళ్ళు, కిడ్నీ బీన్స్
బీన్స్, కొన్ని ధాన్యాలు సహజ విష పదార్థాలను కలిగి ఉంటాయి. వీటిని ప్రెజర్ కుక్కర్లో పూర్తిగా తొలగించలేం. కాబట్టి వాటిని రాత్రంతా నానబెట్టి, ఆపై తక్కువ వేడి మీద ఓపెన్ కుండలో ఉడికించడం ఆరోగ్యకరం.
బంగాళాదుంపలు
బంగాళాదుంపలను ప్రెజర్ కుక్కర్లో ఉడికించడం వల్ల వాటిలోని పిండి పదార్థాలు త్వరగా విచ్ఛిన్నమవుతాయి. దీనివల్ల రక్తంలో చక్కెర స్థాయిలు వేగంగా పెరుగుతాయి. అందువల్ల వాటిని పాన్లో ఉడికించడం ఉత్తమం.
మరిన్నిఆరోగ్య కథనాల కోసం క్లిక్ చేయండి.
