Milk: మీరు వాడుతున్న పాలలో నీళ్లు కలిపారో లేదో.. ఈ సింపుల్ టెస్ట్‌తో తెలుసుకోండి..

ఉదయం లేవగానే కచ్చితంగా అవసరమయ్యే వాటిలో పాలు మొదటి వస్తువు. నిద్రలేవగానే పాల ప్యాకెట్‌తోనే రోజు మొదలవుతుంది. చిన్న పిల్లల నుంచి పెద్దల వరకు ప్రతీ ఒక్కరికి పాలతో సంబంధం ఉంటుంది. టీ, కాఫీ మొదలు పెరుగు వరకు ఇలా అన్నింటికీ పాలు ఉండాల్సిందే. ఇక పాలలో పోషకాలు కూడా పుష్కలంగా ఉంటాయని తెలిసిందే.

అందుకే పాలను ఆహారంలో భాగం చేసుకోవాలని నిపుణులు సైతం సూచిస్తుంటారు. అయితే ప్రస్తుత ఈ కమర్షియల్‌ ప్రపంచంలో అన్ని కల్తీగా తయారవుతున్నాయి. దీనికి పాలు కూడా మిహాయింపు ఏం కాదు. ప్రజల ఆరోగ్యాన్ని పణంగా పెడుతూ కొందరు కేటుగాళ్లు పాలను కల్తీ చేస్తున్నారు. కొందరు ఏకంగా కృత్రిమ పాలను తయారు చేస్తుంటే మరికొందరు పాలలో నీళ్లు కలిపి అమ్మేస్తున్నారు. కాలుషితమైన నీరును పాలలో కలపడం వల్ల ఎన్నో రకాల వ్యాధులు వస్తున్నాయి.

అయితే మీరు వాడుతున్న పాలలో నీళ్లు కలిపారా.? లేదా అన్న అనుమానం మీకు ఎప్పుడైనా వచ్చింది. ఈ విషయాన్ని తెలుసుకునేందుకు ఒక సింపుల్ టెస్ట్‌ను సూచిస్తోంది కేంద్ర ప్రభుత్వం. కేంద్ర ప్రభుత్వ రంగ సంస్థ ఫుడ్‌ సేఫ్టీ అండ్‌ సెక్యూరిటీ పాల నాణ్యతను తెలుసుకునేందుకు ఉపయోగపడే ఒక పరీక్షను సూచిస్తుంది. ఇంతకీ ఏంటా పరీక్ష పాలలో నీళ్లు కలిపారో లేదో ఎలా తెలుసుకోవాలో ఇప్పుడు చూద్దాం..

ఇందుకోసం ముందుగా ఒక పొడవాటి గ్లాస్‌ పలకను తీసుకోవాలి. అనంతరం ఆ గ్లాస్‌ను ఏటవాలుగా ఉంచి ఒకటి రెండు టీస్పూన్‌ల పాలను దానిపై దారగా పోయాలి. ఒకవేళ పాలు కిందికి నెమ్మదిగా వెళ్లూ పాల దారకు సంబంధించి మరక ఉంటే ఆ పాలు స్వచ్ఛమైనవిగా అర్థం చేసుకోవాలి. అలా కాకుండా నీరు నేరుగా వేగంగా కిందికి జారినా.. ఎలాంటి పాల మరక ఏర్పడకపోయినా అందులో నీళ్లు కలిశాయని అర్థం చేసుకోవాలి. చాలా సింపుల్‌గా ఉంది కదూ టెస్ట్‌. మరెందుకు ఆలస్యం మీరు ఉపయోగిస్తున్న పాలలో నీళ్లు కలిపారో లేదో ఇలా సింపుల్‌గా తెలుసుకోండి. ఇందుకు సంబంధించిన వీడియోను కింద చూడండి.

మరిన్ని లైఫ్ స్టైల్ వార్తల కోసం క్లిక్ చేయండి..