Ceiling Fan Cleaning: ఇలా చేస్తే దుమ్ము పట్టిన మీ సీలింగ్ ఫ్యాన్.. చిటికెలో తళతళలాడుతుంది
ఇంట్లో సీలింగ్ ఫ్యాన్ శుభ్రం చేయడం ఓ పెద్ద టాస్క్. గంటల తరబడి రుద్ది శుభ్రం చేయడానికి గృహిణులు ఆపసోపాలు పడుతుంటారు. గాలిలోని తేమ, ధూళి కణాలు కలిసి ఫ్యాన్ రెక్కలపై నల్లటి జిగురు పొరను ఏర్పరుస్తాయి. ఈ మురికి ఫ్యాన్ వేగాన్ని తగ్గిస్తుంది. గాలి కూడా వేడెక్కడం మొదలవుతుంది. మీ ఇంటిని మురికి చేయకుండా, ఏమాత్రం సమయం తీసుకోకుండా ఫ్యాన్ను సులువుగా చిటికెలో శుభ్రం చేయవచ్చు. అదెలాగో ఇక్కడ తెలుసుకుందాం..
Updated on: Apr 24, 2026 | 1:17 PM
గాలిలోని తేమ, ధూళి కణాలు కలిసి ఫ్యాన్ రెక్కలపై నల్లటి జిగురు పొరను ఏర్పరుస్తాయి. ఈ మురికి ఫ్యాన్ వేగాన్ని తగ్గించి, గాలి వేడెక్కేలా చేస్తుంది. అందువల్ల క్రమం తప్పకుండా సీలింగ్ ఫ్యాన్ శుభ్రపరచడం చాలా ముఖ్యం. పాత దిండు కవరును తీసుకుని నిచ్చెన లేదా స్టూల్ ఎక్కి ఫ్యాన్ రెక్కలలో ఒకదాని లోపల పెట్టాలి. రెక్క కవరు లోపల ఉంటుంది. ఇప్పుడు రెక్కను రెండు చేతులతో పట్టుకుని మీ వైపుకు లాగాలి. దీంతో మురికి అంతా కవరు లోపల చిక్కుకుని, కిండ పడకుండా ఉంటుంది. ఫ్యాన్ బాగా మురికిగా ఉంటే కేవలం కవర్ను తీసివేయడం వల్ల ప్రయోజనం ఉండదు. ఒక స్ప్రే బాటిల్లో 2 టేబుల్ స్పూన్ల తెల్ల వెనిగర్, 1 టేబుల్ స్పూన్ డిష్వాషింగ్ లిక్విడ్ను కలపాలి. దానిని బ్లేడ్లపై స్ప్రే చేసి, 2 నిమిషాల పాటు అలానే వదిలేయాలి.
స్ప్రే చేసిన తర్వాత, బ్లేడ్ను పాత గుడ్డతో తుడవండి. వెనిగర్ ఉపయోగించడం వల్ల బ్లేడ్ అద్దంలా మెరుస్తుంది. చివరగా దుమ్ము సులభంగా పేరుకోకుండా ఉండేందుకు పొడి గుడ్డతో మరోసారి తుడవండి. ఫ్యాన్ను శుభ్రపరిచే ముందు మెయిన్ స్విచ్ ఆఫ్ చేయాలి. దుమ్ము కళ్లలోకి వెళ్లకుండా ఉండేందుకు కళ్లద్దాలు ధరించడం మంచిది. బ్లేడ్లను మరీ ఎక్కువగా వంచకుండా జాగ్రత్త శుభ్రం చేయాలి. ఫ్యాన్ను ఎప్పుడూ బాగా తడిసిన గుడ్డతో తుడవకండి. దీనివల్ల నీరు మోటార్లోకి ప్రవేశించే ప్రమాదం ఉంది. తడి గుడ్డను ఉపయోగించిన తర్వాత అది ఆరే వరకు ఫ్యాన్ను అలాగే వదిలేయకూడదు. ఇది బ్లేడ్లు తుప్పు పట్టేలా చేస్తుంది.
వేసవిలో కనీసం ప్రతి 15-20 రోజులకు ఒకసారి ఫ్యాన్ను శుభ్రం చేయడం మంచిది. దీనివల్ల ఇల్లు శుభ్రంగా ఉంటుంది. మోటారు కూడా చాలా కాలం పాటు మంచి నాణ్యతతో పని చేస్తుంది.
మరిన్ని ఆరోగ్య కథనాల కోసం ఇక్కడ క్లిక్ చేయండి.
