Aadhaar Card Update : కొత్తగా పెళ్లైందా.. ఈజీగా ఆన్ లైన్ లోనే ఆధార్ కార్డులో పేరు, అడ్రస్ మార్చుకోవడం ఎలాగంటే?…

ఇప్పుడు దేశంలో ఆధార్ కార్డు అన్నింటికీ ఆధారం. ఆధార్ కార్డు లేకపోతే ప్రభుత్వం నుంచి వచ్చే ఏ రాయితీలను అందుకోలేము.. ఉద్యోగుల నుంచి సామాన్యుల వరకూ అందరికీ ఆధార్ కార్డు ఖచ్చితంగా...

Surya Kala |

Updated on: Feb 07, 2021 | 1:17 PM

Aadhaar Card Update After Marriage: ఇప్పుడు దేశంలో ఆధార్ కార్డు అన్నింటికీ ఆధారం. ఆధార్ కార్డు లేకపోతే ప్రభుత్వం నుంచి వచ్చే ఏ రాయితీలను అందుకోలేము.. ఉద్యోగుల నుంచి సామాన్యుల వరకూ అందరికీ ఆధార్ కార్డు ఖచ్చితంగా అవసరం అన్న సంగతి తెలిసిందే.. అయితే మన దేశంలో సాధారణంగా పెళ్ళి అయిన తర్వాత అమ్మాయి ఇంటిపేరు మారుతుంది. ఇది ఎప్పటి నుంచో వస్తున్న ఆచారం.. అయితే పేరు మారినా ఆధార్ కార్డు లో పాత పేరు ఉండడంతో చాలా సందర్భాల్లో ఇబ్బందులు ఎదుర్కొంటున్నారు. ఎంతో ముఖ్యమైన ఈ కార్డు లో పేరు అడ్రస్ ను సులభంగా మార్చుకోవడం ఎలానో చూద్దాం..!

ఈ ఆధార్ కార్డు ద్వారా కేంద్ర, రాష్ట్ర ప్రభుత్వాల సంక్షేమ పథకాలను పొందడమే కాదు.. ఆదాయపు పన్ను రిటర్న్ దాఖలు చేయాలన్నా ఖచ్చితంగా అవసరమే. దీంతో ఎవరైనా వివాహం తర్వాత ఆధార్ కార్డులో పేరు, అడ్రస్ వంటి తదితర వివరాలను మార్చుకోవాలని భావిస్తే మ్యారేజ్ సర్టిఫికెట్ ఉంటే సులభమవుతుంది. సాధారణంగా పెళ్లి తర్వాత అమ్మాయి ఇంటి పేరు మారుతుంది. మ్యారేజ్ సర్టిఫికెట్ ఉంటే ఆ సర్టిఫికెట్ ను అప్ లోడ్ చేసి ఈజీగా పేరును మార్చుకోవచ్చు.

పేరుతో పాటు అడ్రస్ కూడా మార్చుకోవాలని భావిస్తే.. విద్యుత్ బిల్లు సహాయంతో అడ్రస్ కూడా మార్చుకోవచ్చు. అయితే ఈ మార్పులను ఆధార్ కార్డు కు రిజిస్టర్ అయినా మొబైల్ నెంబర్ ఉంటె మాత్రమే ఆన్ లైన్ లో మార్చుకోవడానికి సాధ్యమవుతుంది.

ఒకవేళ ఇప్పటికే రిజిష్టర్ చేసుకున్న మొబైల్ నంబర్ వాడుకలో లేకపోతే సమీపంలోని ఆధార్ కేంద్రాన్ని సంప్రదించి మొబైల్ నెంబర్ అప్ డేట్ చేయించుకోవాల్సి ఉంటుంది. ప్రస్తుతం ఆన్ లైన్ లో యూఐడీఏఐ వెబ్ సైట్ ద్వారా పేరు, అడ్రస్, పుట్టినతేదీ, జెండర్ వివరాలను మార్చుకునే అవకాశం ఉంది.