పళ్లు తోముకోవడానికి బ్రష్ నిండా టూత్ పేస్ట్ వేసుకుంటున్నారా?
మనలో చాలా మందికి పళ్ళు తోముకునేటప్పుడు పెద్ద మొత్తంలో టూత్పేస్ట్ను ఉపయోగించే అలవాటు ఉంటుంది. చాలా మంది టూత్పేస్ట్ను ఎక్కువగా ఉపయోగిస్తారు. ఎందుకంటే ఇలా చేయడం వల్ల దంతాలను మరింత శుభ్రపరుస్తుంది, తెల్లగా చేస్తుందని భావిస్తుంటారు. ఇది నిజంగా సముచితమేనా? అనే సందేహం మీకు ఎప్పుడైనా వచ్చిందా..
Updated on: Feb 07, 2026 | 9:18 PM
ఉదయం నిద్రలేచిన తర్వాత, రాత్రి పడుకునే ముందు పళ్ళు తోముకోవడం ఆరోగ్యకరమైన అలవాటు. ఇది మీ దంతాలు, చిగుళ్ళను ఆరోగ్యంగా ఉంచుతుంది. మీ నోటిలో పెరిగే బ్యాక్టీరియాను కూడా తొలగిస్తుంది. అయితే మనలో చాలా మందికి పళ్ళు తోముకునేటప్పుడు పెద్ద మొత్తంలో టూత్పేస్ట్ను ఉపయోగించే అలవాటు ఉంటుంది. చాలా మంది టూత్పేస్ట్ను ఎక్కువగా ఉపయోగిస్తారు. ఎందుకంటే ఇలా చేయడం వల్ల దంతాలను మరింత శుభ్రపరుస్తుంది, తెల్లగా చేస్తుందని భావిస్తుంటారు. ఇది నిజంగా సముచితమేనా? మీ దంతాలను తోముకునేటప్పుడు ఎంత టూత్పేస్ట్ను ఉపయోగించాలో నిపుణుల మాటల్లో మీకోసం..
మీ దంతాలను తోముకోవడానికి ఎంత టూత్పేస్ట్ ఉపయోగించాలి?
నిపుణుల అభిప్రాయం ప్రకారం.. మీ దంతాలను సరిగ్గా శుభ్రం చేసుకోవడానికి ఎక్కువ టూత్పేస్ట్ అవసరం లేదు. దంతాలను శుభ్రంగా ఉంచడానికి బఠానీ పరిమాణంలో టూత్పేస్ట్ సరిపోతుంది. ఈ మొత్తం దంతాలను బాగా శుభ్రపరుస్తుంది. నోటిని తాజాగా ఉంచుతుంది. నిజానికి దంతాలను శుభ్రం చేయడం అనేది టూత్పేస్ట్ మొత్తం మీద ఆధారపడి ఉండదు. సరైన పద్ధతి, బ్రష్ చేసే సమయం మీద ఆధారపడి ఉంటుంది.
పిల్లలకు ఎంత టూత్పేస్ట్ సరిపోతుంది?
పిల్లల విషయంలో అదనపు జాగ్రత్త అవసరం. చిన్నపిల్లలు పళ్ళు తోముకునేటప్పుడు తరచుగా టూత్పేస్ట్ను మింగేస్తారు. ఇది వారి ఆరోగ్యానికి హానికరం. వైద్యుల అభిప్రాయం ప్రకారం, పిల్లలకు బియ్యం పరిమాణంలో టూత్పేస్ట్ సరిపోతుంది. ఇది వారి దంతాలను శుభ్రంగా ఉంచుతుంది. టూత్పేస్ట్ను మింగే ప్రమాదాన్ని తగ్గిస్తుంది. తల్లిదండ్రులు పిల్లలు పళ్ళు తోముకునేటప్పుడు పర్యవేక్షించాలి. సరైన మొత్తంలో పేస్ట్ను ఉపయోగించడం నేర్పించాలి.
మీ దంతాలను తోముకోవడానికి సరైన మార్గం ఏమిటి?
మీరు పళ్ళు తోముకునే విధానం కూడా చాలా ముఖ్యం. మీ దంతాలను ఆరోగ్యంగా ఉంచుకోవడానికి రోజుకు రెండుసార్లు ఉదయం, రాత్రి పడుకునే ముందు పళ్ళు తోముకోవాలి. ప్రతిసారీ కనీసం రెండు నిమిషాలు హాయిగా పళ్ళు తోముకోవాలి. చిగుళ్ళు కూడా పూర్తిగా శుభ్రం అయ్యేలా బ్రష్ను మీ దంతాలపై వృత్తాకార కదలికలో సున్నితంగా కదిలించాలి. చాలా గట్టిగా, చాలా త్వరగా బ్రష్ చేయడం వల్ల దంతాలు, చిగుళ్ళు దెబ్బతింటాయి.
టూత్పేస్ట్ ఎక్కువగా వాడటం వల్ల దంతాలు దెబ్బతింటాయా?
ఎక్కువ టూత్పేస్ట్ వేయడం వల్ల దంతాలు బాగా మెరుస్తాయని చాలా మంది అనుకుంటారు. కానీ వాస్తవానికి బ్రష్కు ఎక్కువ టూత్పేస్ట్ వేసినప్పుడు, మీ నోటిలో చాలా నురుగు వస్తుంది. ఈ అదనపు నురుగు రెండు సమస్యలను కలిగిస్తుంది. మొదటిది నురుగు కారణంగా త్వరగా బ్రష్ చేయడం ప్రారంభిస్తారు. దీంతో దంతాలు సరిగ్గా శుభ్రం చేయలేరు. రెండవది అధిక నురుగు కారణంగా బ్రష్ ఫైబర్లు దంతాలు, చిగుళ్ళను సరిగ్గా చేరవు. కొన్ని సందర్భాల్లో ఎక్కువ టూత్పేస్ట్ దంతాల పై పొరకు చికాకు, నష్టాన్ని కలిగిస్తుంది.
ప్రకటనలలో బ్రష్ పూర్తిగా పేస్ట్ తో కప్పబడి ఉన్నట్లు ఎందుకు చూపిస్తారు?
బ్రష్ అంతటా టూత్పేస్ట్ను చూపించే టూత్పేస్ట్ ప్రకటనలను మీరు చూసి ఉంటారు. ఇది చూసి చాలా మంది పళ్ళు తోముకోవడానికి ఎక్కువ టూత్పేస్ట్ను కూడా ఉపయోగిస్తారు. ప్రకటనలలో దీన్ని చూపించడం వెనుక కారణం దంత ఆరోగ్యం కాదు, మార్కెటింగ్. కంపెనీలు ప్రజలు ఎక్కువ టూత్పేస్ట్ను ఉపయోగించాలని కోరుకుంటాయి. తద్వారా పేస్ట్ త్వరగా అయిపోతుంది. దీంతో వారు కొత్త ప్యాక్లను కొనుగోలు చేస్తారు. ఇది ఎక్కువ టూత్పేస్ట్లు అమ్ముడు పోవడానికి, కంపెనీ లాభాలను పెంచడానికి ఉపయోగపడుతుంది.
మరిన్ని ఆరోగ్య కథనాల కోసం క్లిక్ చేయండి.
