Heart Attacks: 40 ఏళ్లలోపు వారికి గుండెపోటు రావడానికి కారణం ఇదే!.. నిపుణులు ఏం చెబుతున్నారంటే..
20 నుంచి 30 ఏళ్ల లోపు వారిలో గుండెపోటు చాలా సాధారణంగా మారిపోయింది. యువకులలో గుండెపోటు పెరుగుదలకు కారణమేమిటో తెలుసుకోవడం.. ఆరోగ్యాన్ని కాపాడటానికి, హృదయ సంబంధ వ్యాధులను నివారించడంలో సహాయపడుతుంది. ఇటీవలి అధ్యయనం ప్రకారం ధూమపానం చేయని వారి కంటే ధూమపానం చేసేవారికి గుండెపోటు వచ్చే అవకాశం 34% ఎక్కువ. ఈ అంశాలన్నీ చిన్న వయసులోనే గుండెపోటు వచ్చే ప్రమాద తీవ్రతను పెంచుతున్నాయి. కాబట్టి ఆరోగ్యంగా ఉండేందుకు ఇలాంటి అలవాట్లను వదిలేయడం మంచిది.
Updated on: Aug 12, 2023 | 12:13 PM
గతంలో 40 ఏళ్లలోపు వారిలో గుండెపోటు రావడం చాలా అరుదు. కానీ, ఇప్పుడు ప్రతి ఐదుగురిలో ఒకరు గుండెపోటు రోగులు 40 ఏళ్లలోపు వారే ఉంటున్నారు. 20 నుంచి 30 ఏళ్ల లోపు వారిలో గుండెపోటు చాలా సాధారణంగా మారిపోయింది. యువకులలో గుండెపోటు పెరుగుదలకు కారణమేమిటో తెలుసుకోవడం.. ఆరోగ్యాన్ని కాపాడటానికి, హృదయ సంబంధ వ్యాధులను నివారించడంలో సహాయపడుతుంది. ఈ క్రింది ప్రధాన కారణాల వల్ల గుండెపోటు సమస్య పెరుగుతోందని నిపుణులు అభిప్రాయపడుతున్నారు. అలాంటి కారణలేంటో ఇక్కడ తెలుసుకుందాం…
ఒత్తిడితో కూడిన జీవనశైలి:
ఆధునిక జీవనశైలి అనేక ఆరోగ్య సమస్యలకు దారితీస్తుంది. కూర్చుని పని చేయడం, వ్యాయామం చేయకపోవడం, మద్యం సేవించడం, ధూమపానం వంటి అలవాట్లు రోగాలను సులభంగా ఆహ్వానిస్తాయి. చెడు అలవాట్లు క్రమంగా శరీరాన్ని అనారోగ్యానికి గురిచేస్తాయి. గుండె జబ్బులు, గుండెపోటుకు కారణం అవుతాయి.
మధుమేహం:
మధుమేహం లేని పెద్దల కంటే డయాబెటిస్ ఉన్న వారు గుండె జబ్బులతో చనిపోయే అవకాశం 2-4 రెట్లు ఎక్కువ. మీరు బ్లడ్ షుగర్ లెవల్స్ను ఆరోగ్యకరమైన రేంజ్లో ఉంచడానికి ప్రయత్నించనప్పుడు సమస్య పెరుగుతుంది. అధిక రక్త చక్కెర రక్త నాళాలను దెబ్బతీస్తుంది. ధమనులలో కొవ్వులు పేరుకుపోయే అవకాశం ఉంది. అథెరోస్క్లెరోసిస్కు కారణమవుతుంది. మధుమేహం ఉన్న రోగులు అధిక రక్తపోటు, అధిక కొలెస్ట్రాల్తో సహా గుండెపోటు ప్రమాదాన్ని గణనీయంగా పెంచే ఇతర దీర్ఘకాలిక ఆరోగ్య పరిస్థితులను కలిగి ఉంటారు.
అధిక రక్తపోటు:
అధిక రక్తపోటు అనేది హృదయ సంబంధ వ్యాధులకు అతిపెద్ద ప్రమాద కారకాల్లో ఒకటి. అధిక రక్తపోటు గుండె కండరాలు మందంగా మారుతుంది. ఇది రక్త నాళాలను దెబ్బతీస్తుంది. గుండెపోటు ప్రమాదాన్ని పెంచుతుంది.
అధిక బరువు:
అధిక బరువు అనేక కారణాల వల్ల గుండెపోటు ప్రమాదంపై గణనీయమైన ప్రభావాన్ని చూపుతుంది. ఆరోగ్యంగా ఉన్నప్పటికీ, ఊబకాయం గుండెపోటు ప్రమాదాన్ని పెంచుతుంది. అధిక బరువు, ఊబకాయం ఉన్న రోగులకు తరచుగా వారి గుండె అనారోగ్య సమస్యలు ఎదురవుతుంటాయి. ఉదాహరణకు, అధిక రక్తపోటు, మధుమేహం, అధిక కొలెస్ట్రాల్ కూడా సమస్య కావచ్చు.
సిగరెట్ ధూమపానం:
యువకులలో గుండెపోటుకు అన్ని కారణాలలో ధూమపానం ప్రధాన ప్రమాద కారకాల్లో ఒకటి. తాగే సిగరెట్ల సంఖ్యతో గుండెపోటు ప్రమాదం పెరుగుతుంది. ధూమపానం చేయని వారితో పోలిస్తే రోజుకు ఒక ప్యాక్ ధూమపానం గుండెపోటు ప్రమాదాన్ని రెట్టింపు చేస్తుంది. ఇ-సిగరెట్లలో నికోటిన్, ఇతర విషపూరిత సమ్మేళనాలు హృదయ స్పందన రేటు, రక్తపోటును పెంచుతాయి. ఇటీవలి అధ్యయనం ప్రకారం ధూమపానం చేయని వారి కంటే ధూమపానం చేసేవారికి గుండెపోటు వచ్చే అవకాశం 34% ఎక్కువ.
ఈ అంశాలన్నీ చిన్న వయసులోనే గుండెపోటు వచ్చే ప్రమాద తీవ్రతను పెంచుతున్నాయి. కాబట్టి ఆరోగ్యంగా ఉండేందుకు ఇలాంటి అలవాట్లను వదిలేయడం మంచిది.
మరిన్ని లైఫ్ స్టైల్ న్యూస్ కోసం క్లిక్ చేయండి..
