చెవులు చెప్పే ఈ సంకేతాలను విస్మరించకండి..! తీవ్రమైన వ్యాధులకు కారణం కావొచ్చు..!!
ఈ వ్యాధిలో చెవులలో ఒకరమైన బిగ్గరగా లేదా మృదువైన నిరంతర రింగింగ్ సౌండ్ వస్తూ ఉంటుంది. ఇది తలనొప్పి, చెవులలో జలదరింపుకు కూడా కారణమవుతుంది. ఇవి టిన్నిటస్ ప్రారంభ సంకేతాలు. మనం వాటిని విస్మరించకూడదు. ఈ రకంగా చెవులు రింగింగ్ ఎక్కువ కాలం కొనసాగితే చెవి దెబ్బతినే ప్రమాదం ఉంది.
Updated on: Jun 26, 2024 | 11:11 AM
మీరు కూడా చాలా సేపు ఇయర్ఫోన్స్ లేదా ఇయర్బడ్లు ధరిస్తున్నారా..? ఈ కారణంగా చెవుల్లో నొప్పి, జలదరింపు ఏర్పడుతుంది. మీరు ఈ నొప్పిని నిర్లక్ష్యం చేస్తున్నట్లయితే జాగ్రత్త. ఎందుకంటే కొన్నిసార్లు ఈ చెవి నొప్పి సాధారణమైనది కాదు. అనేక తీవ్రమైన వ్యాధులకు కారణం కావొచ్చు. చెవుల్లో కనిపించే కొన్ని సంకేతాల వెనుక కారణాలు ఎంటీ..? అది ఎలాంటి తీవ్రమైన వ్యాధికి సంకేతమో తెలుసుకుందాం..? సరైన సమయంలో గుర్తించి సరైన చికిత్స తీసుకోవాల్సిన అవసరం ఉంది.
తరచూ చెవుల్లో శబ్దం:
చాలా సార్లు మన చెవులలో ఒక వింత శబ్దం నిరంతరం వినబడుతూ ఉంటుంది. అయితే చుట్టుపక్కల వాతావరణంలో ఎటువంటి శబ్దం ఉండదు. మీ చెవుల్లో ఈ రకమైన శబ్దం చాలా సేపు వినబడితే, అది టిన్నిటస్ వల్ల కావచ్చు. అంటే చెవుల్లో మోగడం వల్ల కావచ్చు. ఈ వ్యాధిలో చెవులలో ఒకరమైన బిగ్గరగా లేదా మృదువైన నిరంతర రింగింగ్ సౌండ్ వస్తూ ఉంటుంది. ఇది తలనొప్పి, చెవులలో జలదరింపుకు కూడా కారణమవుతుంది. ఇవి టిన్నిటస్ ప్రారంభ సంకేతాలు. మనం వాటిని విస్మరించకూడదు. ఈ రకంగా చెవులు రింగింగ్ ఎక్కువ కాలం కొనసాగితే చెవి దెబ్బతినే ప్రమాదం ఉంది.
టిన్నిటస్ సమస్య ఎందుకు వస్తుంది ? చాలా సార్లు చెవిలో గులిమి ఎక్కువ కాలం పాటు పేరుకుపోతుంది. ఇది టిన్నిటస్ సమస్యను కలిగిస్తుంది. ఇది కాకుండా, చెవి ఇన్ఫెక్షన్, చీము ఉత్సర్గ, తీవ్రమైన గాయం లేదా ఇన్ఫెక్షన్, చెవిపోటులో రంధ్రం ఏర్పడే అవకాశం ఉంటుంది. దీన్ని నివారించడానికి చెవులను సరిగ్గా శుభ్రపరచడం చాలా ముఖ్యం. అయితే ఇయర్బడ్లను పదే పదే ఉపయోగించకుండా ఉండాలి. ఎందుకంటే ఇది చెవిపోటుకు హాని కలిగిస్తుంది.
చెవిలో మోతకు ఇతర కారణాలు:
చెవులు రింగింగ్ శబ్ధాలకు మరికొన్ని కారణాలు ఉన్నాయంటున్నారు ఆరోగ్య నిపుణులు. ఇందులో అధిక రక్తపోటు, థైరాయిడ్ పెరగడం, మధుమేహం, రక్తహీనత తదితర కారణాల వల్ల కొన్నిసార్లు చెవుల్లో రింగింగ్ సమస్య వస్తుందని నిపుణులు చెబుతున్నారు.
మరిన్ని లైఫ్ స్టైల్ న్యూస్ కోసం క్లిక్ చేయండి..
