Diabetes Symptoms: రాత్రిపూట ఈ లక్షణాలు కనిపిస్తున్నాయా..? అయితే, మీకు షుగర్ వచ్చినట్లే..

భారతదేశంలో గత కొన్ని సంవత్సరాలుగా డయాబెటిస్ రోగుల సంఖ్య వేగంగా పెరుగుతోంది. సరైన ఆహారం తీసుకోకపోవడం, అనారోగ్యకరమైన జీవనశైలి కారణంగా, చాలా మంది రక్తంలో అధిక చక్కెర స్థాయిలతో బాధపడుతున్నారు. డయాబెటిస్ అనేది రక్తంలో చక్కెర స్థాయిలు వేగంగా పెరిగే వ్యాధి. రక్తంలో చక్కెర స్థాయిలను నియంత్రించకపోతే, మూత్రపిండాలు, గుండె జబ్బుల ప్రమాదం కూడా పెరుగుతుంది. శరీరంలో రక్తంలో చక్కెర స్థాయిలు పెరిగినప్పుడు కొన్ని లక్షణాలు కనిపిస్తాయి. ఈ లక్షణాలను గుర్తించడం ద్వారా డయాబెటిస్‌ను నియంత్రించవచ్చంటున్నారు ఆరోగ్య నిపుణులు..

రాత్రిపూట కనిపించే మధుమేహం లక్షణాలు..

రాత్రిపూట చెమటలు: ముఖ్యంగా శీతాకాలంలో రాత్రిపూట చెమటలు ఎక్కువగా ఉంటే, వాటిని విస్మరించవద్దు. రోజూ రాత్రిపూట చెమటలు పడటం మధుమేహానికి సంకేతం కావచ్చు. రాత్రిపూట అధికంగా చెమటలు పడటం రక్తంలో చక్కెర స్థాయిలు ఎక్కువగా ఉండటానికి సంకేతం కావచ్చు. రాత్రిపూట చెమటలు పడటం అనిపిస్తే, మీరు మీ చక్కెర స్థాయిలను తనిఖీ చేసుకోవాలి.

తరచుగా మూత్ర విసర్జన: తరచుగా మూత్ర విసర్జన చేయడం లేదా రాత్రిపూట తరచుగా మూత్ర విసర్జన చేస్తున్నట్లు అనిపించడం కూడా మధుమేహానికి సంకేతం కావచ్చు. రాత్రిపూట ఎక్కువగా మూత్ర విసర్జన చేసేవారు దీనిని విస్మరించకూడదు. వీలైనంత త్వరగా పరీక్షలు చేయించుకోవాలి. ఎందుకంటే శరీరంలో చక్కెర స్థాయిలు పెరిగినప్పుడు, మూత్రపిండాలు మూత్రం ద్వారా శరీరం నుండి చక్కెరను తొలగించడానికి సహాయపడతాయి.. ఇది తరచుగా మూత్ర విసర్జనకు దారితీస్తుంది.

చేతులు – కాళ్ళలో జలదరింపు: రాత్రి నిద్రపోతున్నప్పుడు చేతులు, కాళ్ళు జలదరింపు కూడా మధుమేహానికి సంకేతం కావచ్చు. విటమిన్ బి12 లోపం, నరాల బలహీనత మొదలైన అనేక సమస్యలు కూడా చేతులు, కాళ్ళలో జలదరింపునకు కారణమవుతాయి.. వాటిని విస్మరించవద్దు.

ఈ లక్షణాలను గుర్తిస్తే వెంటనేే వైద్య నిపుణులను సంప్రదించి చికిత్స పొందడం చాలా మంచిది.. దీని ద్వారా.. ఈ షుగర్ వ్యాధిని నియంత్రించవచ్చు..