చేతులతో అన్నం తింటున్నారా.. ఇది మీకోసమే.!

మన అమ్మా, అమ్మమ్మలు చిన్నతనంలో చేతులతో కలిపి అన్నం పెడుతుంటే.. మనం ఆస్వాదిస్తూ తినేవాళ్ళం. అది అమ్మ ముద్దలో ఉండే మాధుర్యం. అలాగే అన్నాన్ని ఐదు వేళ్ళతో కలుపుకుని చేతులతో ఆస్వాదిస్తూ తినడం అదొక ఎమోషన్.. చాలామంది అలా తినడం వల్ల తృప్తి చెందుతుంటారు. ఇక అలా చేతులతో ఆహారం తినేవాళ్లు వాళ్లకి తెలియకుండానే ఆరోగ్యాన్ని ఎంతో పదిలంగా ఉంచుకుంటున్నారు.

ఇప్పుడు మారిన పరిస్థితుల బట్టి చాలామంది యువత చేతులతో తినడం మానేసి స్పూన్లు, ఫోర్కులు ఉపయోగిస్తున్నారు. ఇక ఈ విధంగా తినేవాళ్ల కంటే చేతులతో ఆస్వాదిస్తూ తినేవాళ్లే వందేళ్లు హాయిగా బతుకుతారని నిపుణులు అంటున్నారు. చేతులతో ఆస్వాదిస్తూ అన్నం తినడం వల్ల కండరాలకు పని పెరగడంతో బ్లడ్ సర్క్యులేషన్ బాగా ఉంటుంది. అంతేకాకుండా ఇలా తినటం వల్ల ఆహారంతో ఓ బంధం ఏర్పడుతుంది. దీంతో అన్నం విలువ మనకు తెలుస్తుంది.

మరోవైపు ఆయుర్వేదంలో నోట్లోకి చేతి వేళ్ల ద్వారా ఆహారాన్ని పంపించడాన్ని యోగ ముద్ర అని అంటారట. అది జ్ఞాన అవయవాలను యాక్టివేట్ చేయడమే కాకుండా జీర్ణ వ్యవస్థకు సంబంధించిన రసాలను జీర్ణాశయంలోకి విడుదల చేయడంతో ఆహారం సులభంగా జీర్ణమవుతుంది. అటు చేతులతో ఆహారాన్ని ఆస్వాదిస్తూ తినడం వల్ల ఆరోగ్యానికి ఎంతో మంచిదని వేదాలు సైతం చెబుతున్నాయి.

ఇదిలా ఉండగా కొందరు చేతుల మీద అధికంగా బ్యాక్టిరీయా ఉంటుందని స్పూన్లు, ఫోర్కులను ఉపయోగిస్తుంటారు. అయితే చేతుల కంటే ఎక్కువగా బ్యాక్టిరీయా స్పూన్లకే ఉంటుంది. అందుకే స్పూన్లు, ఫోర్కులను వదిలేసి చక్కగా చేతులతో ఆస్వాదిస్తూ ఆహారాన్ని ఆరగించండి.. ఆరోగ్యంగా ఉండండి.