వర్షాకాలంలో ఏదైనా తినండి.. తినకండి.. కానీ మర్చిపోయి కూడా చేపలు తినవద్దు.. ఎందుకో తెలుసా.. ఇది నిజం తెలిస్తే మీరు కూడా తినరు..

కాదేదీ పంచభూతాలకతీతం, లేదేదీ పంచభూతాత్మకం కానిది.. ఇది చరకుడు చెప్పిన ఆయుర్వేద తాత్త్వికతం. దీని సూత్ర ప్రభావాలు మనిషిపై వాతావరణం చూపించే అనుబంధానికి ఆధారభూతం అనేది నిజం. ఇందుకు అనుగుణంగా ‘ఋతుచర్య’ని వివరించింది ఆయుర్వేదం. పన్నెండు మాసాలు, ఆరు ఋతువులు అందరికీ తెలిసినవే. సుమారుగా జూలై మాసం నుంచి సెప్టెంబరు నెలాఖరు వరకు ‘వర్ష ఋతువు.. వర్షా కాలం’ ఉంటుంది. ఈ సమయమే శ్రావణ భాద్రపద మాసాలు. జలప్రళయాలకు పెట్టింది పేరు. గ్రీష్మాంతపు తొలకరి జల్లులతో ఆరంభమవుతుంది. ఈ దక్షిణాయన సమయాన్నే ‘విసర్గ’ కాలం అంటారు. అంటే సూర్యుని శక్తి సమస్త ప్రాణులకు లభించే సమయం.

దేశంలోని చాలా ప్రాంతాల్లో వర్షాకాలం కొనసాగుతోంది. దీనితో పవిత్రమైన సవన్ నెల కూడా గరిష్ట స్థాయికి చేరుకుంది. సవన్ ఆగస్టు 22 న రక్షా బంధన్‌తో ముగుస్తుంది. శ్రావణ మాసంలో ప్రజలు మాంసాహారం నుండి దూరంగా ఉంటారు. ఈ సమయంలో ప్రజలు మాంసం, చేపలు తినడం మాత్రమే కాకుండా గుడ్లు కూడా తినడం మానేస్తారు. కానీ, వర్షాకాలంలో శ్రావణ మాసం నెలలో చేపలు తినకపోవడం మంచిది. ఇది మాత్రమే కాదు చాలా చోట్ల వర్షాకాలంలో చేపలు పట్టడం కూడా నిషేధించబడింది. వర్షాకాలంలో చేపలు తినడం నిషేధించడం వెనుక చాలా పెద్ద.. ముఖ్యమైన కారణాలు ఉన్నాయి.

వర్షాకాలంలో చేపలు ఎందుకు తినకూడదు

• వర్షాకాలంలో చేపలతో సహా అనేక జలచరాల్లో సంతానోత్పత్తి కాలం. ఈ సమయంలో చేపలు లక్షలాది గుడ్లు పెడతాయి. ఈ సీజన్‌లో చేపలు తింటే వాటి తరువాతి తరం లేకుండా అవుతుంది. ఇలా ఎక్కువ కాలం కొనసాగితే తినే అనేక జాతుల చేపలు ఒకేసారి అంతరించిపోయే అవకాశం కూడా ఉంది.
• వర్షాకాలంలో సంతానోత్పత్తి కారణంగా చేపలలో అనేక రకాల వ్యాధులు కూడా విజృంభిస్తున్నాయి. వీటిని తినడం వల్ల ఫుడ్ పాయిజనింగ్ సమస్యలు కూడా తలెత్తుతాయి.
• వర్షాకాలంలో నగరాల నుండి బయటకు వచ్చే కాలుష్య వ్యర్థాలు నదులలో కలిసిపోతాయి. దీనివల్ల చేపలు అనారోగ్యానికి గురవుతాయి. అటువంటి పరిస్థితిలో మీరు జబ్బుపడిన చేపలు తింటే మీరు జబ్బు పడటం దాదాపు ఖాయం.
• వర్షాకాలంలో చేపలు పట్టడం నిషేధించబడింది. అటువంటి పరిస్థితిలో అందుబాటులో ఉన్న చేపలను ఎక్కువ కాలం తాజాగా ఉంచడానికి అనేక రకాల రసాయనాలను ఉపయోగిస్తారు. అటువంటి పరిస్థితిలో రసాయనాలు కలిగిన చేపలు తినడం ద్వారా మీరు కూడా అనారోగ్యం పాలవుతారు.

వర్షాకాలంలో ఆహారం..

వీటికి దూరంగా ఉండండి: ఇంటి బయట తయారుచేసిన, బజారులో తినటానికి సిద్ధం చేసి అమ్మే తినుబండారాలు, శీతల పానీయాలు, ఐస్‌క్రీముల మొదలైనవాటికి దూరంగా ఉండండి.

ఈ ఆహారం తీసుకోవచ్చు: ఉడికించిన కూరలలో నిమ్మరసం కలుపుకొని తింటే మంచిది. ఉప్పుని అతి తక్కువగా వాడావచ్చు. స్నిగ్ధ పదార్థాలు (పాయసాలు), ఆవు నెయ్యి, నువ్వుల నూనె తినటం మంచిది. పంచదారకు బదులు బెల్లం వాడుకోవటం మంచిది.

వేడి వేడి సూప్స్‌: తృణ ధాన్యాలు, శాకములతో చేసిన వాటిలో శొంఠి, మిరియాల పొడి స్వల్పంగా కలిపి తీసుకోండి. బియ్యం, గోధుమలు, కొర్రలు, బార్లీ మొదలైనవి బాగా పాతబడినవి చాలా మంచిది. తాజాఫలాలు కూడా మంచిదే.. శుష్క ఫలాలు (డ్రైఫ్రూట్స్‌), ఇతర గింజలు (గుమ్మడి, సూర్యకాంతం) కూడా సేవించడం మంచిది.

ఇవి కూడా చదవండి: Jana Ashirwad Yatra: ప్రజల ఆశీర్వాదం తీసుకునేందుకు కేంద్ర మంత్రి కిషన్ రెడ్డి జన యాత్ర..

సావిత్రితో ఉన్న ఈ బాలనటుడు.. ఇప్పుడు స్టార్ హీరో.. ఎవరో కనిపెట్టండి చూద్దాం..

భర్త మరో మహిళతో ఉండగా రెడ్‌ హ్యాండెడ్‌గా పట్టుకున్న భార్య..! తర్వాత ఏం జరిగిందో మీరే చూడండి..

భార్య పేరు మీద ఇల్లు కొనుగోలు చేస్తున్నారా?.. ఆసక్తికర విషయాలు మీకోసమే..