Health Tips: బరువు తగ్గడానికి ఈ 5 ఆహారాలు బెస్ట్..! వ్యాధులు కూడా దూరం.. తెలుసుకోండి

Health Tips : వర్షాకాలంలో వ్యాధుల ప్రమాదం పెరుగుతుంది. ఇది రోగనిరోధక శక్తిని బలహీనపరుస్తుంది. ఈ సీజన్‌లో ఆహార సంబంధిత

Monsoon Food

uppula Raju |

Updated on: Aug 03, 2021 | 9:17 PM

Health Tips : వర్షాకాలంలో వ్యాధుల ప్రమాదం పెరుగుతుంది. ఇది రోగనిరోధక శక్తిని బలహీనపరుస్తుంది. ఈ సీజన్‌లో ఆహార సంబంధిత జాగ్రత్తలు తీసుకోవాలి. వర్షాకాలంలో మండుతున్న ఎండల నుంచి ఉపశమనం లభిస్తుంది కానీ ఈ సీజన్‌లో వ్యాధులు సోకే ప్రమాదం ఎక్కువ. మనలో చాలామంది వర్షాకాలంలో వేడి వేడి టీ, పకోడీలను ఇష్టపడతారు. వీటిని ఎక్కువగా తినడం వల్ల మన ఆరోగ్యం దెబ్బతింటుంది. బరువు పెరగడానికి దారితీస్తుంది. మీరు ఈ సీజన్‌లో పెరుగుతున్న బరువును తగ్గించాలనుకుంటే ఈ 5 ఆహారాలను డైట్‌లో చేర్చుకోండి. ఇవి తింటే రుచికరంగా ఉండడమే కాదు సీజనల్ వ్యాధులు కూడా దూరంగా ఉంటాయి.

1. సరైన స్నాక్స్ సాయంత్రం ఆకలిని శాంతింపజేయడానికి మనమందరం సమోసాలు, పకోడీలు, బజ్జీలు తింటాం. అయితే వీటిని రెగ్యూలర్‌గా తినడం వల్ల ఆరోగ్యానికి హానికరం. సాయంత్రం అల్పాహారంలో ఆరోగ్యకరమైన స్నాక్స్ తినండి. మీరు మొక్కజొన్న, పాప్‌కార్న్, పండ్లు తినవచ్చు. వీటిలో కేలరీలు తక్కువగా ఉంటాయి. ఆరోగ్యానికి కూడా ఉపయోగకరంగా ఉంటాయి.

2. మిమ్మల్ని మీరు హైడ్రేటెడ్‌గా ఉంచుకోండి వర్షాకాలంలో శరీరాన్ని హైడ్రేటెడ్‌గా ఉంచుకోవడం ముఖ్యం. నీరు విషాన్ని బయటకు పంపడంలో సహాయపడుతుంది. ఇది బరువు తగ్గడానికి సహాయపడుతుంది. మీరు దాహంతో ఉన్నారని గ్రహించకముందే తినడం ప్రారంభిస్తారు. అందువల్ల నీరు, రసం, మూలికా టీలను ఎప్పటికప్పుడు తాగుతూ ఉంటే మీ కడుపు నిండి ఉండిన ఫీలింగ్‌ కలుగుతుంది.

3. సీజనల్‌ పండ్లు తినాలి మీరు మీ ఆహారంలో సీజనల్‌ పండ్లను చేర్చాలి. ఇందులో యాంటీ ఆక్సిడెంట్లు పుష్కలంగా ఉంటాయి. ఇవి రోగనిరోధక శక్తిని పెంచడంలో, ఇన్ఫెక్షన్లను నివారించడంలో సహాయపడుతాయి. మీరు మీ ఆహారంలో బెర్రీలు, లిచీలు, స్ట్రాబెర్రీలు, దానిమ్మలు మొదలైనవి తీసుకోవాలి. ఈ ఆహారాలు మీ ఆరోగ్యానికి మాత్రమే కాదు, బరువు తగ్గడానికి సహాయపడుతాయి.

4. అల్లం టీ తాగండి వర్షాకాలంలో అల్లం టీ తాగడం ఆరోగ్యానికి మేలు చేస్తుంది. అల్లంలో యాంటీ ఇన్‌ఫ్లమేటరీ గుణాలు ఉంటాయి. ఇవి కాలానుగుణ ఇన్‌ఫెక్షన్ల నుంచి రక్షించడంలో సహాయపడతాయి. ఇవి మీ రోగనిరోధక శక్తిని పెంచుతాయి. నల్ల మిరియాలు, లవంగాలు, దాల్చిన చెక్కలను అల్లంతో కలపండి. ఇందులో యాంటీ ఆక్సిడెంట్ ఉంటుంది.

5. సూప్ తాగండి వర్షాకాలంలో సూప్ తాగడం చాలా ప్రయోజనకరం. సూప్‌లో అనేక పోషక పదార్థాలు ఉంటాయి. ఇది మీ రోగనిరోధక శక్తిని పెంచడానికి పనిచేస్తాయి. ఇందులో అధిక నీటి శాతం ఉంటుంది. కేలరీలు కూడా తక్కువగా ఉంటాయి. దీనిని తాగడం వల్ల మీకు ఎక్కువ ఆకలి అనిపించదు బరువు కూడా తగ్గుతారు.