Health Tips: ఈ ఆహారపు అలవాట్లతో కాలేయానికి ప్రమాదం.. అవేంటంటే?

Health Tips: కాలేయం మన శరీరంలో ముఖ్యమైన భాగం. మంచి ఆహారం తీసుకోకపోవడం, జీవనశైలి(Life Style) లో మార్పుల కారణంగా కాలేయ(Liver) వ్యాధులు, సమస్యలు మొదలవుతాయి. అయితే కేవలం ఇవే అలవాట్లు లేదా జీవనశైలి మాత్రమే కాలేయ సంబంధిత వ్యాధులకు పూర్తిగా కారణమని భావించకూడదు. దీని వెనుక అనేక ఇతర కారణాలు కూడా ఉండవచ్చు. కానీ, కాలేయ వ్యాధులు సాధారణంగా జిడ్డు, జంక్ ఫుడ్, కొవ్వు పదార్ధాల వినియోగంతో ప్రారంభమవుతాయని తెలుసుకోవాలి. ఇటువంటి పరిస్థితిలో, మీ కాలేయానికి హాని కలిగించే ఆహారాల గురించి ఇప్పుడు తెలుసుకుందాం.

ఈ ఆహారాలు కాలేయానికి ప్రమాదకరంగా పరిగణిస్తారు..

జంక్ ఫుడ్స్- నేటి కాలంలో ప్రజలు జంక్ ఫుడ్స్ ఎక్కువగా తీసుకుంటున్నారు. జంక్ ఫుడ్స్ తీసుకోవడం వల్ల మీ ఆరోగ్యంపై చెడు ప్రభావం చూపడమే కాకుండా ఊబకాయానికి కూడా కారణమని భావిస్తారు. వీటి కారణంగా, కాలేయానికి తీవ్రమైన నష్టం వాటిల్లుతుంది. ఇది సిర్రోసిస్‌కు దారితీస్తుంది. లివర్ సిర్రోసిస్ కారణంగా, మీకు కాలేయ క్యాన్సర్ వచ్చే ప్రమాదం ఎక్కువగా ఉంటుంది. కాబట్టి వాటి వినియోగానికి దూరంగా ఉండాలి.

సోడా, ఇతర పానీయాలు- సోడా, ఇతర కార్బోనేటేడ్ పానీయాలు తీవ్రమైన కాలేయ సమస్యలను కలిగిస్తాయి. ఇది కాలేయ క్యాన్సర్‌కు దారి తీస్తుంది. అదే సమయంలో, ఈ కార్బోనేటేడ్ పానీయాలు ఊబకాయం సమస్యను పెంచడంలో కూడా దోహదపడతాయి.

శుద్ధి చేసిన ఉత్పత్తులు- చక్కెర నూనె, మైదా వంటి శుద్ధి చేసిన ఉత్పత్తులు కూడా కాలేయానికి హానికరం. ఈ పదార్థాలు శరీరంలో క్యాన్సర్ సమస్యల ప్రమాదాన్ని కూడా పెంచుతాయి.

గమనిక: ఈ కథనంలో పేర్కొన్న పద్ధతులు కేవలం సూచనలుగా మాత్రమే తీసుకోండి. ఇటువంటి చికిత్స/మందు/ఆహారం అనుసరించే ముందు డాక్టర్‌ని సంప్రదించండి.

Also Read: Diabetes Diet: డయాబెటిక్ పేషెంట్లు అలాంటి ఆహారం అస్సలు తినకూడదు.. అవేంటంటే..?

High BP Symptoms: అధిక రక్తపోటును ముందే గుర్తించండి.. అది సైలెంట్ కిల్లర్ అని మరిచిపోవద్దు..