Healthy Breakfast: సూపర్ బ్రేక్ఫాస్ట్.. దీన్ని ఒక్కసారి ట్రై చేస్తే అస్సలు వదలరు.. మళ్లీ మళ్లీ కావాలంటారు!
బ్రేక్ఫాస్ట్లో చాలా మంది ఇడ్లీ, బొండా, దోశలను మాత్రమే తింటూ ఉంటారు. కానీ వీటిలో కొన్నింటిని ఎక్కువ ఆయిల్తో చేయడం వల్ల కొందరు తినడానికి ఇష్టపడరు అలాంటి వారికోసమే మేము ఒక స్పెషల్ బ్రేక్ఫాస్ట్ను తీసుకొచ్చాం. దీన్ని మీరు ఒక్కసారి ట్రై చేస్తే మళ్లీ మళ్లీ ఇదే కావాలి అంటారు. ఇంతకు ఆ బ్రేక్ఫాస్ట్ ఏదో తెలుసుకుందాం పదండి.
Updated on: Sep 20, 2025 | 2:53 PM
బ్రేక్ఫాస్ట్లోకి కొందరు టిఫిన్స్ బదులు రైస్ను కూడా తినాలని అనుకుంటారు. కానీ ఊబకాయం, మధుమేహం మొదలైన వాటితో బాధపడేవారు తమ ఇష్టాన్ని చంపుకొని వాటికి దూరంగా ఉంటారు. అలాంటి వారు ఇప్పుడు మేము చెప్పబోయే బ్రేక్ఫాస్ట్ను తినవచ్చు. మీ రెగ్యులర్ డైట్ లో కొద్ది మొత్తంలో బియ్యం తినడం వల్ల మీ ఆరోగ్యానికి ఏ విధంగానూ హాని జరగదు. కొబ్బరి వంటి కొన్ని ఆరోగ్యకరమైన పదార్థాలు మీకు ప్రయోజనకరంగా ఉంటాయి. కాబట్టి మీ బ్రేక్ఫాస్ట్లోకి కొబ్బరి బియ్యంతో చేసే డిష్ను చేర్చుకోండి. పోషకాలు అధికంగా ఉండే కొబ్బరిని తీసుకోవడం వల్ల ఆరోగ్యానికి అనేక విధాలుగా మేలు జరుగుతుంది. ఇందులో ప్రోటీన్లు, కార్బోహైడ్రేట్లు, ఫైబర్, ఆరోగ్యకరమైన కొవ్వులు, మెగ్నీషియం, రాగి, సెలీనియం, మాంగనీస్, భాస్వరం, ఇనుము, పొటాషియం వంటి అనే పోషకాలు ఉన్నాయి. కాబట్టి కొబ్బరి బియ్యం బ్రేక్ఫాస్ట్ను ఎలా తయారు చేయాలి, దానికి ఏం ఇంగ్రీడియన్స్ కావాలో ఇక్కడ తెలుసుకుందాం.
కొబ్బరి బియ్యం బ్రేక్ఫాస్ట్కు అవసరమైన పదార్థాలు
ఎండు కొబ్బరి తురుము – 2 కప్పులు, బాస్మతి బియ్యం – 1 కప్పు, వేరుశనగ – 4 టేబుల్ స్పూన్లు, జీడిపప్పు – 8 నుండి 10, శనగ పప్పు (నానబెట్టినది) – 4 టేబుల్ స్పూన్లు, నానబెట్టిన మినపప్పు పప్పు 4 టేబుల్ స్పూన్లు, ఆవాలు – 1 టీస్పూన్, జీలకర్ర – 1 టీస్పూన్, కరివేపాకు – 5 నుండి 6, ఎర్ర కారం – 1. సన్నగా తరిగిన పచ్చిమిర్చి – 2, ఉప్పు (రుచికి సరిపడా), నెయ్యి – 2 నుండి 3 టేబుల్ స్పూన్లు.
కొబ్బరి బియ్యం బ్రేక్ఫాస్ట్ తయారీ విధానం
ముందుగా బాస్మతి బియ్యాన్ని బాగా కడిగి శుభ్రం చేసి, తర్వాత నీటిలో 15 నిమిషాలు నానబెట్టండి. తర్వాత మీడియం మంట మీద పాన్ వేడి చేసి, దానికి 1 టేబుల్ స్పూన్ నెయ్యి వేయండి. ఇప్పుడు అందులో వేరుశనగలు, జీడిపప్పు వేయించి పక్కన పెట్టుకోండి. మీరు చేసే పాత్రలో ఒక చెంచా నెయ్యి వేసి, ఆవాలు, జీలకర్ర, కరివేపాకు, నానబెట్టిన మినపప్పు, పప్పు వేసి బాగా కలిపి ఒక నిమిషం పాటు వేయించాలి. ఆ తర్వాత వేయించిన జీడిపప్పు, వేరుశనగ పప్పు, అలాగే తురిమిన కొబ్బరి వేసి అన్నీ కలిపి 2 నిమిషాలు వేయించాలి. తర్వాత అందులో నానబెట్టిన బాస్మతి వేసి రుచికి ఉప్పు వేయాలి. మళ్ళీ అన్నీ కలిపి 2 నిమిషాలు వేయించాలి. ఇప్పుడు ఈ మిశ్రమాన్ని ప్రెజర్ కుక్కర్లో వేసి నీళ్ళు పోసి ఉడికించాలి. రెండు మూడు విజిల్స్ తర్వాత కుక్కర్ను ఓపెన్ చేస్తే టేస్టీ టేస్టీగా ఉండే కొబ్బరి అన్నం రెడీ అవుతుంది.
( NOTE: పైన పేర్కొన్న అంశాలు వైద్య నిపుణులు, ఇంటర్నెట్ నుంచి సేకరించిన వివరాల ఆధారంగా అందించబడినవి.. వీటిపై మీరు ఏవైనా సందేహాలు ఉంటే వెంటనే వైద్యులను సంప్రదించడం ఉత్తమం)
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి.
