బరువు తగ్గాలనుకుంటున్నారా..? అయితే ఈ ఐదు ఆహారాలను మీ డైట్‌లో చేర్చుకోండి

ప్రస్తుత రోజుల్లో మనలో చాలా మంది ఊబకాయం సమస్యతో బాధపడుతున్నారు. అయితే బరువు తగ్గడం అనేది కేవలం కఠినమైన వ్యాయామాల వల్లనే కాదు. సరైన ఆహారపు అలవాట్లను అనుసరించడం ద్వారా సాధ్యమవుతుంది. ఆరోగ్యకరమైన ఆహారం తీసుకోవడం ద్వారా శరీరానికి తగిన పోషకాలు అందుతాయి. అధిక బరువును తగ్గించుకోవచ్చు. బరువు తగ్గాలనుకునే వారు తినే ఆహారంలో కొన్ని ప్రత్యేకమైన పదార్థాలను చేర్చుకోవడం ద్వారా మంచి ఫలితాలు పొందవచ్చు. ఇప్పుడు అలాంటి ఆహారాల గురించి తెలుసుకుందాం.

దోసకాయ

దోసకాయలలో 85 శాతం నీరు ఉంటుంది. వీటిలో అధిక మొత్తంలో ఫైబర్ కూడా ఉంది. ఇది జీర్ణక్రియకు సహాయపడుతుంది. దీనిలో కేలరీలు తక్కువగా ఉండడం వల్ల బరువు తగ్గాలనుకునే వారికి ఇది బెస్ట్ అని చెప్పొచ్చు. ప్రతిరోజు ఆహారంలో దోసకాయను చేర్చుకుంటే శరీరంలోని చెడు కొవ్వు తగ్గుతుంది. ఇది తక్కువ కేలరీ ఆహారం కావడంతో బరువు తగ్గేందుకు ఉపయోగపడుతుంది.

పాలకూరలో అధిక విటమిన్లు

పాలకూరలో విటమిన్ A, C, E, K తో పాటు పొటాషియం, క్యాల్షియం, ఐరన్ వంటి పోషకాలు పుష్కలంగా ఉంటాయి. వీటివల్ల శరీరానికి అవసరమైన శక్తి అందుతుంది. ఇది కేలరీలు తక్కువగా ఉండడం వల్ల చాలా సేపు కడుపు ఫుల్ అనిపించేలా చేస్తుంది. బరువు తగ్గడానికి ఇది అద్భుతమైన ఆహారంగా పనిచేస్తుంది.

బఠానీలు, చిక్కుళ్లు

చిక్కుళ్లలో ఉండే ప్రోటీన్, ఫైబర్ శరీరానికి అవసరమైన పుష్టిని అందిస్తాయి. బఠానీలు, బీన్స్ వంటివి ఆహారంలో చేర్చుకోవడం ద్వారా శరీరానికి తక్షణ శక్తిని అందించవచ్చు. ఇవి కేవలం ఆకలిని నియంత్రించడమే కాకుండా.. అధిక బరువును తగ్గించడంలో కీలక పాత్ర పోషిస్తాయి.

పెరుగు

పెరుగు ఆరోగ్యానికి ఎంతో మేలు చేస్తుంది. ఇది జీర్ణక్రియను మెరుగుపరచడంతో పాటు ఆకలిని తగ్గిస్తుంది. పెరుగులో ఉన్న ప్రొబయోటిక్స్ శరీరంలో మెటబాలిజం మెరుగుపరచడంలో సహాయపడుతాయి. రోజువారీ ఆహారంలో పెరుగు చేర్చుకుంటే బరువు తగ్గడం ఈజీ అవుతుంది.

పండ్లు

మనకు అందుబాటులో ఉన్న పండ్లూ బరువు తగ్గడానికి ఉపయోగపడుతాయి. పండ్లలో ఫైబర్, విటమిన్లు, ఖనిజాలు పుష్కలంగా ఉంటాయి. ఇవి శరీరానికి తక్కువ కేలరీలతో పాటు తక్షణ శక్తిని అందిస్తాయి. పండ్లలో ఉండే ఫైబర్ శరీరాన్ని ఎక్కువ సమయం నిండుగా అనిపించేలా చేస్తుంది. తద్వారా అధిక ఆహారం తీసుకునే అవసరం ఉండదు.

బరువు తగ్గడానికి సరైన ఆహారపు అలవాట్లు పాటించడం చాలా అవసరం. పైన చెప్పిన వాటిని రోజువారీ ఆహారంలో భాగం చేస్తే.. శరీరం ఆరోగ్యకరంగా ఉండటమే కాకుండా బరువును ఈజీగా తగ్గించుకోవచ్చు. మీ డైట్‌లో దోసకాయ, పాలకూర, పెరుగు, చిక్కుళ్లు, పండ్లను చేర్చుకోవడం ద్వారా మీ ఆరోగ్యానికి ఎలాంటి సమస్యలు తలెత్తవు.