Eggs: గుడ్లకు ఎక్స్‌పైరీ డేట్ ఉంటుందా.. ఈ తప్పు చేస్తే మాత్రం ఫుడ్ పాయిజన్ గ్యారంటీ..

చలికాలంలో చాలా మంది ప్రోటీన్ కోసం గుడ్లను ఎక్కువగా తింటారు. అందుకే చాలా మంది ఒకేసారి పెద్ద మొత్తంలో గుడ్లను కొని నిల్వ చేసుకుంటారు. అయితే గుడ్లకు కూడా ఎక్స్‌పైరీ డేట్ ఉంటుందని, వాటిని సరిగ్గా నిల్వ చేయకపోతే అవి త్వరగా చెడిపోతాయని చాలా మందికి తెలియదు. గడువు ముగిసిన గుడ్లు తినడం వల్ల తీవ్రమైన ఫుడ్ పాయిజన్ బారిన పడే అవకాశం ఉందని నిపుణులు హెచ్చరిస్తున్నారు.

గుడ్లు ఎందుకు చెడిపోతాయి?

గుడ్లు చెడిపోవడానికి ప్రధాన కారణం సాల్మొనెల్లా అనే బ్యాక్టీరియా. ఇది ఫుడ్ పాయిజనింగ్‌కు కారణమయ్యే అత్యంత ప్రమాదకరమైన బ్యాక్టీరియాలలో ఒకటి. మనం గుడ్డును ఎక్కువసేపు నిల్వ చేస్తే దాని అంతర్గత నిర్మాణం మారుతుంది. లోపల ఉండే గాలి సంచి రోజురోజుకూ పెద్దదిగా మారుతుంది. దీనివల్ల పచ్చసొన గట్టిగా మారి తెల్లసొన నీరుగా మారుతుంది. ఇవన్నీ గుడ్డు తాజాదనాన్ని కోల్పోతున్నదానికి సంకేతాలు.

ఇవి కూడా చదవండి

మీ జేబుకు చిల్లు పెడుతున్న 5 అలవాట్లు ఇవే.. వెంటనే ఇలా చేస్తే..

ప్రతిరోజూ బెల్లం నీరు తాగితే మీ శరీరంలో జరిగే అద్భుతాలు ఇవే..

గుడ్లను ఫ్రిజ్‌లో పెడితే పాడవుతాయా.. పుకార్లు కాదు వాస్తవాలు..

లిక్విడ్ Vs పౌడర్ డిటర్జెంట్.. వాషింగ్ మెషీన్‌కు ఏది బెస్ట్..?

గుడ్లు ఎంతకాలం సురక్షితంగా ఉంటాయి?

గుడ్లు నిల్వ చేసే విధానంపై వాటి కాలపరిమితి ఆధారపడి ఉంటుంది. గుడ్డు పెంకు చెక్కుచెదరకుండా ఉంటే రిఫ్రిజిరేటర్‌లోని వాటి కార్టన్‌లో నిల్వ చేస్తే అవి దాదాపు 3 నుండి 5 వారాల వరకు ఉపయోగించవచ్చు. గుడ్లను పగలగొట్టి, కేవలం పచ్చసొనను మాత్రమే ఫ్రీజర్‌లో స్తంభింపజేస్తే దానిని ఒక సంవత్సరం వరకు ఉపయోగించవచ్చు. గుడ్లను అలాగే ఫ్రీజ్ చేయడం మంచిది కాదు. ఫ్రీజర్ ఉష్ణోగ్రత ఎప్పుడూ 0°F కంటే తక్కువగా ఉండాలి.

చెడిపోయిన గుడ్డును ఎలా గుర్తించాలి?

గుడ్డు తాజాగా ఉందా లేదా చెడిపోయిందా అని తెలుసుకోవడానికి కొన్ని సులభమైన పరీక్షలు ఉన్నాయి..

నీటి పరీక్ష : ఒక పాత్రలో నీరు తీసుకొని, గుడ్డును అందులో వేయండి. గుడ్డు నీటిపై తేలితే అది చెడిపోయిందని అర్థం. గుడ్డు పూర్తిగా మునిగిపోతే, అది తాజాగా ఉందని అర్థం.

స్మెల్ టెస్ట్: కుళ్ళిన గుడ్డు తరచుగా దుర్వాసన వస్తుంది.

షేక్ టెస్ట్: గుడ్డును చెవి దగ్గర పెట్టి కదిలించండి. ద్రవం లోపల అటు ఇటు కదులుతున్నట్లు శబ్దం వినిపిస్తే అది పాత గుడ్డు అని అర్థం.

రంగు – ఆకృతి: పచ్చసొన పగిలిన తర్వాత దాని రంగు మారడం, లోపలి భాగం జిగటగా ఉండటం కూడా చెడు సంకేతాలు.

గుడ్లను చల్లని చీకటి ప్రదేశంలో, వేడికి దూరంగా నిల్వ చేయడం ద్వారా ఎక్కువసేపు తాజాగా ఉంచవచ్చు.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి..