వంటగదిలో ఉండే ఈ 7 పదార్థాలు అద్భుతం.. ఆయుర్వేదం ప్రకారం ఎన్నో వ్యాధులకు పరిష్కారం..

Ayurveda: ఆయుర్వేదం ప్రకారం మీ వంటగది అవసరమైన పోషకాల నిధి. వంటలలో ఉపయోగించే అనేక రకాల సుగంధ ద్రవ్యాలు ఇక్కడ ఉంటాయి.

Ayurvedic

Updated on: Feb 01, 2022 | 2:45 PM

Ayurveda: ఆయుర్వేదం ప్రకారం మీ వంటగది అవసరమైన పోషకాల నిధి. వంటలలో ఉపయోగించే అనేక రకాల సుగంధ ద్రవ్యాలు ఇక్కడ ఉంటాయి. ఈ మసాలా దినుసులు మార్కెట్‌లో సులభంగా దొరుకుతాయి. ఇవి ఆహార రుచిని పెంచడమే కాకుండా మీ ఆరోగ్యానికి మేలు చేస్తాయి. ఈ మసాలాలు బరువు తగ్గించడంలో, శరీరాన్ని నిర్విషీకరణ చేయడంలో సహాయపడతాయి. ఈ సుగంధ ద్రవ్యాలలో దాల్చిన చెక్క, జీలకర్ర, ధనియాలు, ఇంగువ ఉన్నాయి. ఈ మసాలాలు మీ జీర్ణవ్యవస్థను ఆరోగ్యంగా ఉంచుతాయి. వీటి ఉపయోగాల గురించి వివరంగా తెలుసుకుందాం.

1. అల్లం

దాదాపు ప్రతి భారతీయ వంటగదిలో ఉపయోగించే అత్యంత ప్రసిద్ధ సుగంధ ద్రవ్యాలలో అల్లం ఒకటి. ఇది ఆయుర్వేద చికిత్సలో ప్రధాన పాత్ర పోషిస్తుంది. ఇది శరీరంలోని టాక్సిన్స్‌ను బయటకు పంపడంలో సహాయపడుతుంది. ఇది కడుపులో జీర్ణ ఎంజైమ్‌ల స్రావాన్ని పెంచుతుంది. ఇది జీర్ణవ్యవస్థను ఆరోగ్యంగా ఉంచడంలో తోడ్పడుతుంది. ఆహారంలో అల్లం చేర్చడమే కాకుండా అల్లంతో చేసిన టీని కూడా తీసుకోవచ్చు. ఇది జలుబు, సైనస్ ఇన్ఫెక్షన్‌కి సహజ నివారణగా ఉపయోగపడుతుంది.

2. దాల్చిన చెక్క

దాల్చిన చెక్కలో యాంటీవైరల్ గుణాలు ఉంటాయి. జలుబుకు కారణమయ్యే వైరస్‌తో పోరాడడంలో ఇది సహాయపడుతుంది. గొంతు నొప్పి నుంచి ఉపశమనాన్ని అందించే యాంటీ ఇన్ఫ్లమేటరీ గుణాలు ఇందులో పుష్కలంగా ఉంటాయి.

3. జీలకర్ర

జీలకర్రలో యాంటీ ఇన్‌ఫ్లమేటరీ గుణాలు ఉంటాయి. ఇవి జీర్ణవ్యవస్థను ఆరోగ్యంగా ఉంచడంలో సహాయపడుతాయి. ఇది గ్యాస్ సమస్య నుంచి విముక్తి కలిగిస్తుంది.

4. ధనియాలు

ధనియాలు శీతలీకరణ లక్షణాలను కలిగి ఉంటాయి. కడుపులో అధిక వేడి కారణంగా యాసిడ్ రిఫ్లక్స్‌తో బాధపడేవారికి ఇది చాలా మంచిది. ఇది కడుపు ఉబ్బరం మొదలైన సమస్యల నుంచి ఉపశమనం కలిగిస్తుంది. ఆకలిని పెంచుతుంది కడుపులో హానిచేసే పురుగులను చంపుతుంది.

5. ఇంగువ

ఇంగువ వాసన ఘాటుగా ఉంటుంది. జీర్ణక్రియను మెరుగుపరచడానికి ఇది తోడ్పడుతుంది. ఇందులోని గుణాలు జీర్ణవ్యవస్థను బలోపేతం చేస్తాయి. ఉబ్బరం, అపానవాయువు, పొత్తికడుపు నొప్పి, తిమ్మిర్లు, త్రేనుపులను తగ్గించడంలో సహాయపడుతుంది.

6. పసుపు

పసుపును చాలా వంటలలో ఉపయోగిస్తారు. ఆయుర్వేద చికిత్సలలో దీనికి చాలా ప్రాముఖ్యత ఉంది. ఇది రోగనిరోధక శక్తిని పెంచడంలో కాలేయాన్ని నిర్విషీకరణ చేయడంలో సహాయపడుతుంది. ఇది కీళ్ల నొప్పుల నుంచి ఉపశమనం కలిగించడంలో సహాయపడుతుంది.

7. ఏలకులు

ఏలకులను తీపి, రుచికరమైన వంటలలో ఉపయోగిస్తారు. ఇది మౌత్ ఫ్రెషనర్‌గా కూడా వాడుతారు. టీ రుచిని మెరుగుపరచడానికి కొన్ని ఏలకులు కలపవచ్చు. ఆయుర్వేదం ప్రకారం, ఇది జీర్ణవ్యవస్థను ఆరోగ్యంగా ఉంచుతుంది.