Summer Fruits: ఈ ఫ్రూట్స్ తిన్నారంటే వేసవిలో ఎలాంటి సమస్యలు దరిచేరవు!
ప్రస్తుతం ఎండలు అల్లాడిస్తున్నాయి. ఇతర కాలాల కంటే వేసవి కాలంలో మరిన్ని జాగ్రత్తలు తీసుకోవాలి. వేసవిలో చర్మ సమస్యలు, ఆరోగ్య సమస్యలు ఎక్కువ అవుతూ ఉంటాయి. ముఖ్యంగా ఎండ వేడి, ఉక్కపోత కారణంగా డీహైడ్రేషన్‌కి ఎక్కువగా గురవుతూ ఉంటారు. ఎండ నుంచి ఉపశమనం అందించే ఆహారాలు తీసుకోవాలి. వీటిల్లో పండ్లు చాలా బెస్ట్. పండ్లు తీసుకోవడం వల్ల ఆరోగ్యంగా ఉంటారు. అందుకే ఎండాకాలంలో కొన్ని రకాల పండ్లు..
ప్రస్తుతం ఎండలు అల్లాడిస్తున్నాయి. ఇతర కాలాల కంటే వేసవి కాలంలో మరిన్ని జాగ్రత్తలు తీసుకోవాలి. వేసవిలో చర్మ సమస్యలు, ఆరోగ్య సమస్యలు ఎక్కువ అవుతూ ఉంటాయి. ముఖ్యంగా ఎండ వేడి, ఉక్కపోత కారణంగా డీహైడ్రేషన్‌కి ఎక్కువగా గురవుతూ ఉంటారు. ఎండ నుంచి ఉపశమనం అందించే ఆహారాలు తీసుకోవాలి. వీటిల్లో పండ్లు చాలా బెస్ట్. పండ్లు తీసుకోవడం వల్ల ఆరోగ్యంగా ఉంటారు. అందుకే ఎండాకాలంలో కొన్ని రకాల పండ్లు ఖచ్చితంగా తీసుకోవాలి. ముఖ్యంగా వాటర్ కంటెంట్ ఉండే కొన్ని పండ్లు మీ డైట్‌లో యాడ్ చేసుకుంటే మంచి ఫలితాలు ఉంటాయి. శరీరానికి పోషకాలు అందడంతో పాటు.. వేసవి వేడి నుంచి కూడా ఉపశమనం పొందుతారు. వేసవిలో సాధారణంగా పుచ్చకాయను ఎక్కువగా తీసుకుంటూ ఉంటారు. పుచ్చకాయతో పాటు ఇప్పుడు చెప్పబోయే పండ్లు కూడా ఎంతో మేలు చేస్తాయి. మరి ఆ పండ్లు ఏంటో ఇప్పుడు తెలుసుకుందాం.
పైనాపిల్:
పైనాపిల్‌లో కూడా శరీరానికి కావాల్సిన పోషకాలు లభిస్తాయి. ఇందులో విటమిన్స్, మినరల్స్, ఖనిజాలతో పాటు నీటి శాతం కూడా అధికంగా ఉంటుంది. కాబట్టి పైనాపిల్ తినడం వల్ల అలసట, నీరసం రాకుండా.. డీహైడ్రేషన్ బారి నుంచి తప్పించుకోవచ్చు.
ఖర్భూజ:
వేసవిలో మర్చిపోకుండా తినాల్సిన పండ్ల లిస్టులో ఖర్భూజ కూడా ఒకటి. ఇందులో నీటి శాతంతో పాటు ఇతర పోషకాలు కూడా మెండుగా లభిస్తాయి. ఈ పండు తిన్నా, జ్యూస్ తాగినా శరీరాన్ని చల్లబరుస్తుంది. కాబట్టి ఈ పండు తినడం అస్సలు మర్చిపోవద్దు.
తాటి ముంజలు:
వేసవి తాపాన్ని పోగొట్టే వాటిల్లో తాటి ముంజలు ముందుంటాయి. వీటి ధర కూడా చాలా తక్కువ. వీటిని పిల్లలు కూడా ఇష్ట పడి మరీ తింటారు. వీటిని చెమటకాయలు ఉన్నచోట రాస్తే.. మంచి ఉపశమనం లభిస్తుంది. ఇవి తినడం వల్ల తక్షణమే శక్తి లభించడమే కాకుండా హాయిగా ఉంటుంది.
నేరేడు పండ్లు:
సమ్మర్‌లో నేరేడు పండ్లు కూడా విరివిగా లభిస్తాయి. అందులోనూ ఇవి సీజనల్ ఫ్రూట్ కాబట్టి.. వీటిని కూడా మర్చిపోకుండా తినడం మంచిది. వీటిల్లో కూడా శరీరానికి కావాల్సిన పోషకాలు, నీటి శాతంతో పాటు యాంటీ ఆక్సిడెంట్లు కూడా ఉంటాయి. వీటిని తినడం వల్ల కూడా శరీరం చల్ల బడటమే కాకుండా ఆరోగ్యంగా ఉంటుంది.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ న్యూస్ కోసం క్లిక్ చేయండి..
