ఇప్పుడు రండి చూసుకుందాం.. రోగాలకే చుక్కలు చూపించే కూర.. పవర్ తెలిస్తే అస్సలు వదలరు..

ఆకు కూరల్లో ఎన్నో పోషకాలు దాగున్నాయి.. ఇవి మన ఆరోగ్యానికి ఎంతో మేలు చేస్తాయి. అందుకే.. వీటిని రెగ్యులర్‌గా తినాలని సూచిస్తున్నారు డైటీషియన్లు.. అలాంటి ఆకు కూరల్లో చుక్క కూర (ఖట్టా పాలక్) ఒకటి.. చుక్కకూర, సాధారణంగా వంటకాల్లో పుల్లని రుచి కోసం ఉపయోగించే ఆకుకూర.. వాస్తవానికి అనేక అద్భుతమైన ఆరోగ్య ప్రయోజనాలను అందిస్తుంది. ఇది కేవలం నోటికి రుచిని ఇవ్వడమే కాకుండా, శరీరానికి అవసరమైన పోషకాలను అందించి, వివిధ ఆరోగ్య సమస్యల నుండి ఉపశమనం కలిగిస్తుంది. ఈ ఆకుకూరను రోజూ ఆహారంలో చేర్చుకోవడం వల్ల కలిగే లాభాలను వివరంగా తెలుసుకుందాం.

పోషకాల గని చుక్కకూర:

చుక్కకూరలో విటమిన్‌లు A, C సమృద్ధిగా ఉంటాయి. అంతేకాకుండా, ఐరన్, మెగ్నీషియం, కాల్షియం, పొటాషియం వంటి ముఖ్యమైన ఖనిజాలు ఇందులో పుష్కలంగా లభిస్తాయి. బీటా కెరోటిన్లు, యాంటీ ఆక్సిడెంట్లు కూడా చుక్కకూరలో అధిక మోతాదులో ఉంటాయి. ఈ పోషకాలన్నీ శరీర ఆరోగ్యాన్ని కాపాడడంలో కీలక పాత్ర పోషిస్తాయి.

చుక్కకూర ప్రయోజనాలు..

జీర్ణవ్యవస్థకు మేలు చేస్తుంది: చుక్కకూర జీర్ణ వ్యవస్థను మెరుగుపరుస్తుంది. నీళ్ల విరేచనాలు తగ్గించడానికి, మలబద్ధక సమస్యను దూరం చేయడానికి ఇది చాలా సహాయపడుతుంది. ఇందులో ఉండే ఫైబర్ కంటెంట్ జీర్ణక్రియను సులభతరం చేస్తుంది.

ఇవి కూడా చదవండి

ఏ టెస్టులు కూడా కనిపెట్టలేదు.. గుండెపోటుతో డాక్టర్ ఆకస్మిక మరణం..

ఉదయాన్నే ఈ లక్షణాలు కనిపిస్తే థైరాయిడ్ వ్యాధి ఉన్నట్లే..

మటన్‌లోని ఈ పార్ట్ యమ స్పెషల్.. తిన్నారంటే ఆ సమస్య మాటే ఉండదు..

చీపురుని ఈ దిక్కున ఉంచితే.. లక్ష్మీదేవి మీ ఇంట్లోనే ఉంటుంది

శరీరానికి చలువ: శరీరం వేడిగా ఉన్నప్పుడు, చుక్కకూరను ఆహారంలో తీసుకోవడం వల్ల ఒంట్లో వేడి తగ్గుతుంది.. శరీరం చల్లబడుతుంది. అధికంగా దప్పిక వేసేవారు కూడా ఈ ఆకుకూరను తీసుకోవడం ద్వారా సమస్యను నియంత్రించుకోవచ్చు. వాంతులు ఎక్కువగా అవుతున్నప్పుడు చుక్కకూరతో చేసిన వంటకాలు తినడం వల్ల వాంతులు తగ్గుతాయి.

గుండె ఆరోగ్యం: చుక్కకూరలో ఉండే ఐరన్ శరీరంలోని అన్ని భాగాలకు ఆక్సిజన్‌ను సమర్థవంతంగా చేరవేయడానికి సహాయపడుతుంది. ఇది గుండెపై ఒత్తిడిని తగ్గించి, గుండె జబ్బులు రాకుండా కాపాడుతుంది. అధిక రక్తపోటు సమస్య ఉన్నవారికి కూడా చుక్కకూర ప్రయోజనకరంగా ఉంటుంది. శరీరంలో పేరుకుపోయిన కొలెస్ట్రాల్‌ను తగ్గించడంలో సహాయపడుతుంది.

రోగనిరోధక శక్తి పెంపు: విటమిన్ C, యాంటీ ఆక్సిడెంట్లు పుష్కలంగా ఉండటం వల్ల చుక్కకూర శరీరంలో రోగనిరోధక శక్తిని పెంచుతుంది. ఇది క్యాన్సర్ కణాల వృద్ధిని నియంత్రించడంలో సహాయపడి, క్యాన్సర్ వ్యాధి రాకుండా అడ్డుకుంటుంది.

షుగర్, కిడ్నీ రోగులకు కూడా మంచిది: షుగర్ వ్యాధిగ్రస్తులకు చుక్కకూర చాలా మంచిది. ఇంకా కిడ్నీల సమస్యలు ఉన్నవారు కూడా ఈ ఆకుకూరను తీసుకోవచ్చు. రక్తహీనతతో బాధపడేవారికి చుక్కకూర ప్రయోజనకరంగా ఉంటుంది.. ఇది ఎర్ర రక్త కణాల వృద్ధికి తోడ్పడుతుంది.

పుల్లని రుచి కలిగిన చుక్క కూరను ఈజీగా చేసుకోవచ్చు..

చుక్క కూరను చాలా సింపుల్ గా జ్యూసీగా వండుకోవచ్చు.. చుక్కకూర కాడలు లావుగా, ఆకులు మందంగా, వెడల్పుగా ఉంటాయి. దాని పుల్లని రుచి ప్రత్యేకతను తీసుకువస్తుంది. దీనిలో రెండు టమోటాలను జోడించడం ద్వారా.. రుచి మరింత పెరుగుతుంది. ఈ అద్భుతమైన ఆకుకూరను మన రోజువారీ ఆహారంలో భాగం చేసుకోవడం ద్వారా ఆరోగ్యవంతమైన జీవితాన్ని సొంతం చేసుకోవచ్చు.