Rose Water Benefits: రోజూ రోజ్ వాటర్ ను ఇలా వాడితే.. మీ ముఖం క్లీన్.. మీ లుక్ ఎవర్గ్రీన్!
కళ్ల చుట్టూ ఉన్న నల్లటి వలయాలను తొలగించడంలో కూడా రోజ్ వాటర్ సహాయపడుతుంది. దీని కోసం రోజ్వాటర్ను ముందుగా కాసేపు ఫ్రిజ్లో చల్లబరచాలి. చల్లారిన తర్వాత రోజ్ వాటర్లో కాటన్ బాల్ను నానబెట్టండి. ఆ తర్వాత ఈ దూదిని కళ్లపై కాసేపు ఉంచాలి. ఇది కళ్ల కింద నల్లటి వలయాలను తొలగించడంలో సహాయపడుతుంది. రాత్రి పడుకునే ముందు రోజ్ వాటర్ ను ముఖానికి రాసుకోవడం వల్ల
Updated on: Dec 04, 2023 | 10:56 AM
యాంటీ ఆక్సిడెంట్లు పుష్కలంగా ఉండే రోజ్ వాటర్ చర్మ సంరక్షణకు గ్రేట్ గా సహాయపడుతుంది. చర్మాన్ని మృదువుగా మార్చడానికి, వృద్ధాప్యం వల్ల ఏర్పడే ముడతలను తొలగించడానికి రోజ్ వాటర్ సహాయపడుతుంది. అలాగే, ముఖంపై ఉన్న నల్లటి మచ్చలను తొలగించి, ముఖం కాంతివంతంగా మారేందుకు సహకరిస్తాయి. ఇందుకోసం గులాబీ రేకులతో మరిగించిన గోరువెచ్చని నీరు లేదంటే, బయటి నుంచి కొనుగోలు చేసిన రోజ్ వాటర్ కూడా ఉపయోగించవచ్చు. రోజ్ వాటర్ని క్రమం తప్పకుండా ముఖానికి అప్లై చేయటం వల్ల కలిగే ప్రయోజనాలేంటో ఇక్కడ తెలుసుకుందాం..
ఇది చర్మం pH సమతుల్యతను కాపాడుకోవడంలో సహాయపడుతుంది. ముఖం జిడ్డును నియంత్రించడంలో కూడా సహాయపడుతుంది. మొటిమలను నివారించడానికి, ముఖంపై నల్ల మచ్చలను తొలగించడానికి రోజ్ వాటర్లో ముంచిన దూదిని ఉపయోగించి మీ ముఖాన్ని తుడుచుకోవాలి. రోజ్ వాటర్ లో కాస్త నిమ్మరసం కలిపి ముఖానికి రాసుకుంటే మొటిమలు రాకుండా చూసుకోవచ్చు.
చర్మం రంధ్రాలలో పేరుకుపోయిన చెమట, మురికిని తొలగించడానికి కూడా రోజ్ వాటర్ ఉపయోగపడుతుంది. ఇందుకోసం రాత్రి పూట ముఖం కడుక్కున్న తర్వాతే రోజ్ వాటర్ అప్లై చేయడం మంచిది. ఇది ముఖంపై పేరుకుపోయిన మురికిని తొలగించి, చర్మం ఆరోగ్యాన్ని కాపాడుతుంది.
కళ్ల చుట్టూ ఉన్న నల్లటి వలయాలను తొలగించడంలో కూడా రోజ్ వాటర్ సహాయపడుతుంది. దీని కోసం రోజ్వాటర్ను ముందుగా కాసేపు ఫ్రిజ్లో చల్లబరచాలి. చల్లారిన తర్వాత రోజ్ వాటర్లో కాటన్ బాల్ను నానబెట్టండి. ఆ తర్వాత ఈ దూదిని కళ్లపై కాసేపు ఉంచాలి. ఇది కళ్ల కింద నల్లటి వలయాలను తొలగించడంలో సహాయపడుతుంది.
రాత్రి పడుకునే ముందు రోజ్ వాటర్ ను ముఖానికి రాసుకోవడం వల్ల కూడా ఛాయ మెరుగుపడుతుంది. రోజ్ వాటర్ అనేది మేకప్ రిమూవర్లకు ప్రత్యామ్నాయంగా ఉపయోగపడే సహజమైన పదార్ధం. సులభంగా మేకప్ను తొలగించడంలో రోజ్ వాటర్ సహాయపడుతుంది.
మరిన్ని లైఫ్ స్టైల్ న్యూస్ కోసం క్లిక్ చేయండి..
